O venres 27 de marzo, ás 19:30 horas, na Casa da Xuventude de Curtis (Avenida Principal, s/n), farase a entrega do X Premio de Narración Curta do Concello de Curtis. Do certame temático, que nesta edición propuxo os deportes como eixo levando por título Olimpíadas Curtis 2014, resultaron gañadores os seguintes traballos:
CATEGORÍA A:
– 1º. Mariña, de Ana Santorum Martínez (Lalín).
– 2º. Xaque ó rei, de Noelia Parracho Rial (Cambados), e Fundíndome no Mar do Norte, de David Picado Liñares (A Coruña).
CATEGORÍA B:
– 1º. Baleas, de Lara Dopazo Ruibal (Marín).
– 2º. Segunda oportunidade, de Julio César Carracedo Pose (Arteixo).
Fixeron o labor de xurado: Guti Fernández, Sara Martínez, Manuel Rico Verea e Ramiro Torres.
Arquivos da etiqueta: Concello de Curtis
Últimos días para presentar orixinais no Certame de Narración Curta Olimpíadas Curtis 2014
Coñécense os gañadores do VIII Premio de Narración Curta Happy Curtis
“Nada 
máis nin nada menos que 76 traballos presentados nesta edición do certame de narrativa curta Happy Curtis que leva oito anos convocando o Concello de Curtis. Contamos cun xurado de luxo formado por Manuel Rico Verea, María Lado, Yolanda Castaño e María José Castelo Lestón (gañadora da pasada edición), que non o tiveron nada fácil á hora de escoller os traballos gañadores. Os premios son os seguintes:
– Categoría A (dos 12 ós 18 anos):
* 1º Premio: Ana Uhía Pérez, de Portonovo (O día máis feliz da miña vida).
* 2º Premio: compartido entre Marta Pita Vidal, de Teo (O día máis feliz) e Sara Martínez García, de Sanxenxo (Paso a paso).
– Categoría B (dos 19 anos en diante):
* 1º Premio: Daniel Landesa, de Vigo (Abercrombie).
* 2º Premio: Ana María Galego, de Ferrol (Tres mil setenta caracteres).
A entrega será o día 4 de Maio ás 21:00 horas no Edificio Multiusos de Curtis (Recinto Feiral, s/n). Alí poderemos escoitar os traballos gañadores, coñecer ó autor e ás autoras galardoadas, e escoitar as opinións do xurado. Teremos tamén o pracer de recibir a Yolanda Castaño e atender ás palabras que a poeta escribiu expresamente para a ocasión.”
Convocado o VIII Premio de Narración Curta Happy Curtis, de Concello de Curtis
– 1. Convócase 
o VIII Premio de Narración Curta do Concello de Curtis Happy Curtis, cóntanos o día máis feliz da túa vida.
– 2. Os traballos presentados deberán estar escritos en lingua galega.
– 3. Os textos deberán ser orixinais, inéditos, e non premiados en ningún outro certame.
– 4. Deberán enviarse escritos en formato word e cunha extensión comprendida entre os 3000 e os 5000 carácteres (espazos incluídos).
– 5. Enviaranse ao seguinte correo: happycurtis@concellodecurtis.org. Achegarase no arquivo unha última folla que conteña unha copia do DNI, enderezo, teléfono de contacto, e a categoría á que pertence.
– 6. A data límite de entrega é o 30 de novembro de 2011.
– 7. Establécense dúas categorías:
* 1A. Dos 12 ós 18 anos.
* 1B. Dos 19 anos en diante.
e dous premios en metálico para cada categoría:
* Categoría A:
Primeiro premio de 200 euros.
Segundo premio de 100 euros.
* Categoría B:
Primeiro premio de 350 euros.
Segundo premio de 150 euros.
– 8. En calquera das categorías o premio poderá quedar deserto se o xurado considera que os presentados non acadan un mínimo de calidade.
– 9. Os traballos que non cumpran as presentes bases quedarán fóra de concurso.
– 10. O xurado estará composto por membros de recoñecido prestixio dentro do mundo da cultura, a lingua e as letras.
– 11. Os traballos premiados pasan a ser propiedade do Concello de Curtis, que se reserva o dereito de publicación a través dos medios que considere oportunos e sen afán de lucro.
– 12. A presentación das obras supón a aceptación destas bases.
Para calquera dúbida, escribir ó correo electrónico do certame: happycurtis@concellodecurtis.org ou chamar ó 651046603.
