Hoxe nove de novembro cúmprense cincuenta anos da morte do poeta de Cambados Ramón Cabanillas, autor de Vento mareiro, Da terra asoballada, Na noite estrelecida ou a obra de teatro O mariscal. Xerais anunciou a próxima aparición dun volume que recolle en 1032 páxinas a Poesía galega completa do lendario autor galego, compilada polos catedráticos Xosé Ramón Pena e Xosé María Dobarro.
Arquivos da etiqueta: Ramón Cabanillas
A Coruña: conferencia de Francisco Fernández Rei
A Agrupación Cultural Alexandre Bóveda informa que o vindeiro xoves 7 de maio terá lugar a primeira das conferencias do ciclo Lingua e Letras en conmemoración do Día das Letras Galegas. Nesta ocasión participará o catedrático de Filoloxía Románica e investigador do ILG Francisco Fernández Rei, que impartirá unha conferencia arredor da figura de Ramón Cabanillas no cincuenta cabodano do seu falecemento. Será ás 20:30 h no salón de actos da asociación (R/ Olmos 16-18, 1º, A Coruña). A entrada é libre.
