O 
martes 7 de xuño, ás 20:00 horas, na Sala de presentacións da Editorial Follas Novas (fronte á librería, Rúa Santo Domingo da Calzada, 1 entrechán), de Santiago de Compostela, preséntase o libro Materia infinita, de Xoán Carlos Domínguez Alberte, publicado na colección Libros da Frouma de Follas Novas Edicións. No acto interveñen Luís Alonso Girgado, Anxo Pastor, Baldo Ramos e o propio autor, quen ofrecerá unha lectura dos seus textos.
Arquivos anuais: 2011
Santiago: presentación de Ela, maldita alma, de Manuel Rivas
O 
martes 7 de xuño, ás 20:00 h, na Libraría Couceiro (Praza de Cervantes, 6), de Santiago de Compostela, preséntase a nova edición do libro de relatos Ela, maldita alma, de Manuel Rivas, publicado en Galaxia.
Remata a rodaxe da tv-movie Sinbad que dirixe Antón Dobao
Nace Galegobook
A Coruña: presentación do número 189 da revista Grial
O luns 
6 de maio, ás 13:00 horas, na Sala de Prensa da Reitoría da Universidade da Coruña (Maestranza, 9), preséntase o número 189 da revista Grial, titulado Valar o común?, publicada en Galaxia. No acto participan Víctor F. Freixanes, Carlos Fernández, coordinador do número, e Carlos Amoedo, profesor de Dereito Administrativo na Universidade da Coruña, e colaborador deste número.
Ourense: actos da fin de semana na Feira do Libro
Remata 
a XXVII Feira do Libro de Ourense (na Alameda, Rúa do Bispo Cesáreo), con horario de 11:30 a 14:00 h. e de 18:30 a 22:00 horas.
As actividades máis destacadas do sábado 4 son as seguintes:
– 19:00 h. Presentación do libro Golfiño e os invasores, de Fausto Isorna, publicado por El Patito Editorial.
– 20:00 h. A escritora e xornalista Elena Gallego Abad asinará exemplares do 2º tomo da súa obra Dragal, a herdanza do Dragón, publicada por Xerais.
– 20:30 h. O humor na feira do libro. Actuación de Cándido Pazó co seu monólogo humorístico Cunqueiradas, baseado en textos de Álvaro Cunqueiro.
E, no derradeiro día da Feira, o domingo 5, destaca:
– 20:30 h. Presentación do libro Madeira de Mulher, de Adela Figueroa, con ilustracións de María Celsa Sánchez Vázquez, publicado por Ediciós do Castro.
Vigo: Encontro de poetas galegas con Salma
O 
sábado 4 de xuño, no Museo Liste (Rúa Pastora, 22) de Vigo, terá lugar un Encontro de poetas galegas con Salma, xornada que constará de dúas sesións:
– Durante a sesión da mañá (11:00 – 14:00 h.) terá lugar un intercambio de experiencias aberto entre as autoras galegas convidadas e Salma. Traballarase tamén a creación de textos conxuntos.
– A sesión de tarde (17:00 – 19:00 h.), aberta á cidadanía, comezará cunha mesa redonda, na que participarán Salma e outras autoras, e concluirá cun recital no que as convidadas compartirán a súa obra co público asistente.
Jan estivo alí, de Xosé Antón Neira Cruz, na lista de honra da revista CLIJ
‘O consulado en Catalunya de Costa Clavell’
Análise de Xesús González Gómez sobre Xavier Costa Clavell en A Nosa Terra.
