Arquivo da categoría: Premios narrativa: convocatorias

Convocado o Certame Internacional de Poesía e Conto Breve, polo Centro Cultural Rosalía de Castro Roac 2045

Publicado o por

O Centro Cultural Rosalía de Castro ROAC nº 2045 de Buenos Aires, convoca o Certame Internacional de Poesía e Conto Breve en Homenaxe no día da Muller do 2011 a Maruxa Boga, condutora do programa Recordando a Galicia, transmitido desde agosto de 1945 a marzo de 1984, coas seguintes bases:

– En castelán ou galego, con tema libre.
– Poderán inscribirse todos os escritores maiores de 16 anos.
– Conto Breve: extensión non maior a catro páxinas, folla A4, interlineado dobre, fonte Arial 12, máximo 2 obras, asinadas con pseudónimo.
– Poesía: até 30 versos, folla A4, fonte Arial 12, interlineado simple, técnica libre, máximo 2 poesías asinadas con pseudónimo.
– Enviar os datos por cada seudónimo en sobre a parte (se se participase en ambos os dous xéneros) consignando na parte principal do sobre pechado: título, xénero e pseudónimo. Este(s) sobre(s) acompañarán ás obras usando para tal fin un sobre tamaño A4 para non dobrar as follas. Enviar os traballos nos dous xéneros por duplicado.
– Prégase non omitir ningún dado: teléfono, correo electrónico (se se posúe), enderezo postal. En caso de ser menor de 18 anos enviar unha enviar unha autorización de pai, nai ou titor. Enviar como carta simple (nen certificado nen expreso).
– Baixo ningún conceito os primeiros, segundos e terceiros premios poderán ser declarados desertos.
– O feito de participar confirma a aceptación total das bases. Quedará fóra de concurso toda obra que non respeitar as pautas estabelecidas.
– O xurado estará integrado por dous escritores de recoñecida traxectoria. A súa determinación será inapelable.
– O certame comeza o 23 de outubro de 2010 e remata o 31 de xaneiro de 2011. Os premios entregaranse o martes 8 de marzo de 2011, ás 17:00 h. na rúa Perón 940 (case Carlos Pellegrini) P.B., cidade de Bos Aires.
– Os premios serán: Primeiro: Trofeo, libro e Diploma; Segundo: Trofeo e Diploma; Terceiro: Libro e Diploma. Se o xurado considerar algunha mención de honor, esta consistirá en Libro e Diploma; outorgándose tantas mencións como determinar o xurado, que serán premiadas con Diplomas.
– O lugar de recepción das obras é:
Centro Cultural Rosalía de Castro ROAC 2045
Castro Barros 351 Código .Postal 1718- San Antonio de Padua. Buenos Aires.

Máis información neste correo electrónico: rosaliadecastro@ciudad.com.ar.

XIX Certame Literario A Pipa (poesía e relato)

Publicado o por

A Asociación Cultura A Pipa, de Becerreá, convoca o XIX Certame Literario A Pipa 2010 da Alta Montaña Luguesa, coas seguintes bases:
1. Temática. O tema é libre.
2. Tres categorías:
2. A.- CATEGORÍA INFANTIL (Dos 8 ós 14 anos)
2. B.- CATEGORÍA XUVENIL (Dos 14 ós 18 anos)
2. C.- CATEGORÍA Revista “A PIPA” para maiores de 18 anos.
3. Dúas modalidades:
3. A.- POESÍA (máximo 50 versos)
3. B.- RELATO, NARRACIÓN OU CONTO breves (máximo 5 folios)
4. Os premios:
Para cadansúa CATEGORÍA establécense 1º e 2º Premio de Poesía, e tamén 1º e 2º Premio de Relato, mailos ACCÉSITS que o Xurado considere necesarios.
Cada premio consiste nunha estatuíña de cerámica de Sargadelos con placa inscrita, un lote de libros, e o correspondente título acreditativo. A Asociación Cultural “A PIPA” non descarta que os traballos premiados poidan ser editados nun futuro.
5. Presentación e Prazo:
5. A.- Cada participante poderá presentar un ou máis traballos, en LINGUA GALEGA.
5. B.- Os traballos presentaranse anónimos, sinalando neles a CATEGORÍA e MODALIDADE na que participan, e adxuntando nun sobre pechado a identidade, o enderezo e o número de teléfono do/a autor/a.
5. C.- O prazo de admisión rematará o 23 de decembro de 2010.
5. D.- Os traballos poden entregarse, ou envialos ó seguinte enderezo: Certame Literario “A PIPA”. Rúa Ancares, 57. – 27640 Becerreá (Lugo).
6. O Xurado. O Fallo:
O Xurado estará composto pola Xunta Directiva da Asociación Cultural “A PIPA” de Becerreá, que tamén convidará a algún profesional do mundo do Ensino, da Literatura e das Artes.
O fallo farase público a través dos medios de comunicación, e tamén se transmitirá persoalmente ós/ás gañadores/as.
7. Cerimonia de Entrega de Premios:
A Cerimonia de Entrega de Premios terá lugar na Casa de Cultura de Becerreá o domingo 26 de decembro ás 19:00 h. no marco da XIX NOITE POÉTICA “A PIPA” 10 CON BRANCA NOVONEYRA.

As bases e máis información pódense consultar aquí.

Concurso de relatos breves Minicontos De luns a venres outono

Publicado o por

O Centro Pen Clube de Galicia e o xornal gratuíto diario De Luns a Venres convocan o concurso de relatos breves Minicontos De luns a venres outono. As bases contemplan que o prazo para a presentación dos traballos será ata o 15 de decembro. A decisión do xurado coñecerase o día 20 dese mesmo mes. Os traballos deberán ser inéditos na súa totalidade, escritos en lingua galega, segundo a normativa vixente, e de libre temática, ainda que a extensión de cada relato non poderá exceder dos 1.200 caracteres (sen contar os espazos). O obxectivo deste concurso literario, aberto a escritores noveis e consagrados, non é outro que avanzar nunha tarefa común: ampliar horizontes para a lingua e a cultura de Galicia. Este certame de minicontos en galego nace coa pretensión de ser convocado anualmente en outono (como é o caso) e na primavera (destinado a un público diferente e con algunha particularidade da que se dará conta no seu momento). As bases completas pódense consultar na páxina 13 deste enlace ou aquí:

Convocado o IV premio de relatos Mulleres Progresistas

Publicado o por

Convócase o IV Premio de relatos da Asociación de Mulleres Progresistas de Vigo, coas seguintes:

BASES

– Poderán concursar tódalas Mulleres que o desexen de calquera nacionalidade ou cultura. Cada participante poderá presentar un número máximo de dous relatos.

– O tema será libre.

– As obras serán orixinais e inéditas. Irán escritas en galego normativo, cunha extensión mínima de 15 páxinas e máxima de 30, a dobre espacio e por unha soa cara, en fonte 12, Arial ou Times New Roman. Se calquera dos contos presentados ao Premio de Relatos Mulleres Progresistas aparecese publicado ou recibise un premio ou mención noutro concurso no prazo da convocatoria quedará automaticamente descalificado.

– Cada relato presentarase con pseudónimo e baixo plica cerrada na que figuren os datos da concursante (nome, apelidos, domicilio e teléfono). Caso de presentar dous relatos terán que levar cadanseu seudónimo e cadansúa plica.

– Os traballos presentaranse con cinco copias impresas en papel e unha copia en soporte informático (diskette ou CD), preferiblemente en formato Word.

– O xurado determinará cinco finalistas, entre as que se elixirán os tres premios do certame:

1º Premio: 500 Euros, figura e diploma 2º Premio: 250 Euros e diploma 3º Premio: 150 Euros e diploma

– Presentación pública das bases en data 20 de outubro de 2010.

– O prazo de admisión para a recepción dos traballos péchase o 31 de decembro de 2010. Poderán presentarse persoalmente ou por vía postal. Posteriormente a esa data só serán admitidos os traballos en cuxo mataselos conste que foron enviados dentro do prazo. Os relatos serán presentados na Asociación de Mulleres Progresistas de Vigo, Policarpo Sanz, 12-14-2º- VIGO 36202. Non se aceptarán obras chegadas ao correo electrónico da Asociación.

– O fallo do xurado publicarase o día 8 de Marzo do 2011, Día Internacional das Mulleres, puidendo quedar desertos calquera ou todos os premios se os relatos recibidos non reúnen unha calidade mínima. O xurado estará formado por Mulleres do mundo das letras e a cultura, sendo inapelable a súa decisión. Dentro do xurado estará unha representante da Asociación de Mulleres Progresistas.

– O xurado é o encargado de interpretar exclusivamente as bases deste concurso. Así mesmo, a presentación das obras supón a total aceptación das presentes bases.

– Os traballos non premiados non serán devoltos, sendo destruídos con posterioridade ao fallo do xurado.

– Se o nivel dos relatos presentados é adecuado, designaranse diferentes mencións especiais que, xunto cos finalistas e os premios serían publicados nun volume. Para elo, as autoras ceden os dereitos desa primeira edición a Mulleres Progresistas. Tras esta publicación, as autoras poderán dispoñer libremente dos seus relatos.

IV Certame Literario Terras de Chamoso

Publicado o por

Por cuarto ano consecutivo a Asociación Cultural Arumes do Corgo, coa colaboración da Vicepresidencia Primeira da Deputación de Lugo, quere premiar a todos os autores que expresen no papel os seus sentimentos empregando como ferramenta a lingua do país. Unha iniciativa pioneira no Corgo e nos concellos da contorna que debido á alta participación, á calidade dos traballos e á valía do xurado estase a converter nun certame literario recoñecido a nivel galego. As bases do certame son as seguintes:

1. Temática e idioma: A organización do certame non quere limitar a imaxinación dos autores. A única norma é que a obra se redacte en LINGUA GALEGA.
2. Categorías:
– CATEGORÍA INFANTIL (dos 10 aos 14 anos).
– CATEGORÍA XUVENIL (dos 14 aos 18 anos).
– CATEGORÍA ADULTOS (maiores de 18 anos).
3. Modalidades:
– POESÍA (de 30 a 60 versos).
– RELATO CURTO (de 3 a 6 folios escritos a dobre espazo).
NOTA: A categoría infantil non ten límite de espazo inferior, pero si superior.
4. Presentación: cada participante poderá presentar varios traballos (non premiados noutros certames literarios). Entregaranse mecanografados (non é necesario na categoría infantil) indicando a categoría, modalidade, título e pseudónimo e achegando nun sobre pechado a información persoal: nome, apelidos, data de nacemento, enderezo e teléfono de contacto. Remitiránse ao seguinte enderezo: A. C. Arumes do Corgo. Antigas escolas do Corgo s/n, 27.163 O Corgo (Lugo).
5. Prazo: o prazo de entrega rematará o día 26 de novembro de 2010.
6. Premios: para cadansúa CATEGORÍA establécense 1º e 2º premio de poesía, e tamén 1º e 2º premio de relato.
Cada premio consiste nunha figuriña de cerámica do país, un lote de libros e o correspondente diploma.
7. Xurado: estará composto por membros da Xunta Directiva da Asociación, profesores de lingua galega e por profesionais de recoñecido prestixio do mundo das letras.
8. Entrega de premios: a cerimonia de entrega de premios realizarase o sábado, día 18 de decembro de 2010 no centro sociocultural do concello do Corgo acompañada de actuacións e de varias sorpresas.
9. Non premiados: Os traballos non premiados e as súas correspondentes plicas serán destruídas no prazo dun mes despois do fallo, se os/as autores/as non o solicitan.
10. Outros: A presentación ao premio supón a conformidade coas presentes bases por parte dos/as concursantes. A Asociación Cultural Arumes resérvase todos os dereitos de publicación das obras premiadas (en papel, CD ou mediante internet).

Máis información neste enlace.

Convocado o Premio Adiala 2010 de relato curto do Centro Galego de Mallorca

Publicado o por

O Centro Galego de Mallorca convoca por segundo ano o seu Premio ADIALA de relato curto co obxecto de promover a cultura galega e estimular a creatividade literaria.

BASES

1. Cada autor poderá presentar un único relato (literatura de ficción) de temática libre, nas linguas galega, castelá ou catalana, con independencia da nacionalidade do autor. Os textos deberán ser inéditos en calquera lingua e non ter sido presentados a ningún outro certame.
2. A extensión dos relatos deberá situarse entre os 3.500 e os 4.500 caracteres. Os textos deberán remitirse por correo electrónico ao enderezo: centrogalego.mallorca@gmail.com. Xunto co relato deberá constar o nome completo do autor, o número de documento nacional de identidade ou pasaporte, enderezo e teléfono ou correo electrónico. Non se admitirán máis pseudónimos que os habituais, entendendo por pseudónimo habitual aquel que fora empregado cando menos dúas veces firmando libros xa publicados.
3. Non se manterá comunicación sobre os orixinais presentados.
4. A data límite para aceptar orixinais é o 30 de novembro de 2010, inclusive. Os autores poderán solicitar recibo (vía mail) dos relatos presentados.
5. Establécese un primeiro premio dotado con CINCOCENTOS euros (500 euros), podendo concederse un accésit non pecuniario se así o entende oportuno o xurado.
6. O Centro Galego de Mallorca publicará nas páxinas da súa revista ADIALA e, se o considera axeitado, tamén na web cgmallorca.galiciaaberta.com os relatos premiados e outros relatos que pola súa calidade sexan seleccionados polo xurado con este obxecto.
7. O xurado estará formado por persoas de traxectoria recoñecida nos ámbitos académico e das letras e darase a coñecer no intre e maneira que o Centro Galego de Mallorca coide axeitados.
8. O fallo do xurado será inapelable e farase público en decembro de 2010 na páxina web do Centro Galego de Mallorca cgmallorca.galiciaaberta.com. Se procede, farase público tamén a través dalgún medio de comunicación das C. C. A. A. de Galicia e Baleares. O xurado poderá declarar deserto parcial ou totalmente o premio.
9. Calquera aspecto non previsto nas presentes bases será resolto polo xurado de acordo co seu criterio.
10. A participación neste certame supón a aceptación destas bases.

Palma de Mallorca, 12 de outubro de 2010.

As bases pódense descargar neste arquivo: Bases do premio Adiala.

Convocado o VII Premio de Narración Curta do Concello de Curtis Curtis mon amour

Publicado o por

BASES

1. Convócase o VII Premio de Narración Curta do Concello de Curtis CURTIS MON AMOUR, este ano con temática amorosa.
2. Os textos presentados deberán estar escritos en lingua galega.
3. Os textos deberán ser orixinais, inéditos e non premiados en ningún outro certame e deberán ter unha extensión comprendida entre 3000 e 5000 caracteres (espazos incluidos).
4. Enviaranse á seguinte dirección de correo electrónico: curtismonamour@concellodecurtis.org. Achegarase no arquivo unha última folla que conteña unha copia do dni, enderezo, teléfono de contacto, e a categoría á que pertence.
5. A data límite de entrega é o 31/10/2010.
6. Establécense catro categorías e os respectivos premios económicos:
6 A. Persoas que teñan entre 12 ós 18 anos, de calquera lugar de Galicia ou fóra de Galicia. Premio de 150 euros.
6 B. Persoas de 19 anos en diante de calquera lugar de Galicia ou fóra de Galicia. Premio de 250 euros.
6 C. Persoas que teñan entre 12 e 18 anos empadroadas no Concello de Curtis. Premio de 150 euros.
6 D. Persoas de 19 anos en diante empadroadas no Concello de Curtis. Premio de 250 euros.
e un premio económico para cada categoría:
7. En calquera das categorías o premio poderá quedar deserto se o xurado considera que os presentados non acadan un mínimo de calidade. Así mesmo, tamén poderán outorgarse segundos premios.
8. Os traballos que non cumplan as presentes bases quedarán fóra de concurso.
9. O xurado estará composto por membros de recoñecido prestixio dentro do mundo da cultura, lingua e as letras.
10. Os traballos premiados pasan a ser propiedade do Concello de Curtis, que se reserva o dereito de publicación a través dos medios que considere oportunos e sen afán de lucro.
11. A presentación das obras supón a aceptación destas bases.

Para calquera dúbida, escribir ao correo electrónico do certame: curtismonamour@concellodecurtis.org.

VIII certame de microrrelatos Lonxa Literaria

Publicado o por

A Lonxa Literaria convoca o VIII certame de microrrelatos, que deberán estar escritos en galego normativo, cunha extensión máxima de 15 liñas a dobre espazo e cunha letra tipo Times New Roman, nº 12. No texto deberá conter necesariamente a palabra “MAR” Cada autor/a enviará un único relato até o 31 de outubro ao seguinte enderezo: Lonxa Literaria, Centro Cultural Daniel Castelao, Quintela s/n. 36950 Moaña, Pontevedra. Convócase unha única categoría de participación, que se dotará dun premio de varios kg. de mexillóns e berberechos. Se a calidade dos traballos presentados así o aconsella, nomearase un ou dous accésits sen dotación económica. De non acadar a calidade necesaria, o xurado poderá declarar o premio deserto. Os traballos remitiranse en sobre sen remitente. Dentro deste deberase incluír outro sobre con título do relato no seu exterior e os datos do/a autor/a no interior. O veredicto do xurado farase público o 19 de novembro de 2010. Por estas datas farase entrega do/s premio/s que se debe/n recoller persoalmente ou por delegación expresa. A publicación do traballo premiado realizarase a través da páxina web da Asociación. Non obstante, resérvase a posibilidade de publicación noutro tipo de soportes no futuro. O feito de concursar supón a aceptación destas bases e a resolución do xurado. O xurado do certame estará formado por dúas persoas de recoñecido prestixio do ámbito da literatura.

Concurso de relatos curtos da revista Ateneo Ferrolán

Publicado o por

O Ateneo Ferrolán pon a disposición do público a Revista Atenea para enviar un relato curto en galego (máximo 1 folio sen formatar coa temática UN ATÍPICO NADAL) que, de ser seleccionado, será publicado en xaneiro, nun número extraordinario de relatos curtos. Os interesados pódense pór en contacto coa revista (Rúa Magdalena 202-204, 1º. CP 15402 – Ferrol (A Coruña), tlf. 981 357 970, fax 981 354 098) ou enviar por correo electrónico (secretaria@ateneoferrolan.org) o relato facendo constar o nome, enderezo e contacto antes do 10 de decembro de 2010. A publicación da revista é trimestral dende 1999 e ten unha tirada de 1.000 exemplares distribuíndose de forma gratuíta a Centros de Ensino, Culturais, Bibliotecas e Centros de especial interese de Galiza e resto da península. Máis información aquí.