Arquivo da categoría: Premios poesía: convocatorias

XIII Certame de Poesía Francisco Añón

Publicado o por

Bases XIII Certame de Poesía Francisco Añón:

PRIMEIRA: Poderán participar tódalas persoas interesadas, de calquera nacionalidade que presenten os orixinais escritos en Lingua Galega. Os textos presentados deberán ser inéditos.

SEGUNDA: Establécense as seguintes categorías e premios, por idade que se contabilizarán ata o nove de abril, data de remate de entrega dos traballos:

Categoría A: Nenos/as de 6 a 7 anos. . Premios: 1º Clasificado: vale de 90 € en libros e publicación da obra. Accésit: Publicación da obra galardoada.

Categoría B: Nenos/as de 8 a 9 anos. Premios: 1º Clasificado: vale de 120 € en libros e publicación da obra galardoada. Accésit: Publicación da obra galardoada.

Categoría B: Nenos/as de 10 a 11 anos. Premios: 1º Clasificado: vale de 150 € en libros e publicación da obra galardoada. Accésit: Publicación da obra galardoada

Categoría C: Nenos/as de 12 a 14 anos. Premios: 1º Clasificado: vale de 180 € en libros e publicación da obra galardoada. Accésit: Publicación da obra galardoada.

Categoría D: Mozos e mozas de 15 a 17 anos. Premios: 1º Clasificado: vale de 230 € a trocar en libros e publicación do poemario. Accésit: Publicación da obra galardoada.

Categoría E: Maiores de 18 anos. Premios: 1º Clasificado: cheque por valor de 1000 €, e publicación da obra. Accésit: Publicación da obra seleccionada.

TERCEIRA: Para as categorías D e E, as obras terán unha extensión mínima de 150 versos.

CUARTA: Os traballos presentaranse en sobre pechado, orixinal e cinco copias, figurando no seu exterior a mención “XIII Certame Francisco Añón de Poesía”. No seu interior achegarase un sobre pequeno, tamén pechado, figurando no exterior o título da obra, a categoría na que participa e o lema ou pseudónimo do autor; e no interior os datos persoais (nome, idade, enderezo, teléfono de contacto, centro de estudos, titulo da obra e lema ou pseudónimo) e fotocopia do D.N.I. Estes traballos recolleranse nas oficinas do 1º andar da Casa da Cultura. Avda. de San Campio, nº 1 – 15230 Outes (A Coruña) Tamén poden enviarse por correo ao devandito enderezo.

QUINTA: O prazo de presentación rematará o luns 13 de abril de 2009.

SEXTA: O xurado, que se dará a coñecer oportunamente, será nomeado polo Excmo. Concello de Outes. Entre outros, figurará un membro da Corporación Municipal. O día 17 de maio de 2009, dentro dos actos conmemorativos do Día das Letras Galegas, darase a coñecer a decisión do xurado nun acto público no que, ademais de facer a entrega ás persoas premiadas, celebrarase a presentación do libro “XII Certame Francisco Añón de poesía, 2008″.

SÉTIMA: No caso da súa solicitude por escrito, enviaranse aos autores, no prazo dos tres meses posteriores á decisión do xurado, aqueles orixinais non premiados. Transcurrido dito prazo serán destruídos.

OITAVA: A decisión do xurado será inapelable. A participación no presente certame implica a aceptación das anteriores bases.

II Premio de poesía María Mariño

Publicado o por

«A Asociación teenses pola igualdade, de Teo (A Coruña), convoca o II Premio de poesía María Mariño. Estará suxeito ás seguintes BASES:
1º.- Poderán participar todas as persoas poetas maiores de idade que o desexen calquera que sexa a súa nacionalidade sempre que o seu traballo veña escrito en galego.
2º.- Os poemas que se presenten terán que ser orinxinais, inéditos e non presentados noutros concursos, sendo libres o tema e maila forma.
3º.- II Premio María Mariño de Poesía estará dotado cun: Primeiro Premio de 500 Euros e un Segundo Premio de 300 Euros.
4º.- Cada concursante participará cun só poema, que non deberá exceder dos CEN VERSOS mecanografados a dobre espazo en formato DIN-A4, por unha soa cara e por quintuplicado.
5º.- Os poemas deberanse presentar baixo lema, indicando no sobre: “PARA O II PREMIO DE “POESÍA MARIA MARIÑO”. No interior do sobre que conteña o traballo, achegaráse en sobre aparte, pechado e lacrado cos seguintes datos: o nome, apelidos, carnet de identidade, enderezo e teléfono, da persoa autora do traballo así coma un resumo dos seus datos biográficos que non deberá exceder das 15 liñas.
6º.- O Xurado cualificador estará integrado por cinco personalidades das letras e da cultura galegas actuando como sexretario/a con voz e sin voto unha persoa, proposta pola directiva da Asociación. O fallo do Xurado será inapelable. A composición do Xurado así como o nome dos galardonados darase a coñecer a través dos medios de comunicación. Aos premiados comunicaráselles directamente.
7º.- A entrega dos Premios terán lugar nun acto poético en dia a sinalar dentro da Semana das Letras Galegas 2007.
8º.-O prazo improrrogable presentación dos traballos rematará ás 12 horas do 16 de abril do 2008.
9º.- Os poemas remitiranse a:
Asociación Teenses Pola Igualdade/
Escola de Vilanova, 1º andar. Recesende
15895-TEO – (A Coruña)
10º.- Os traballos gañadores quedarán en poder da Asociación Teenses Pola Igualdade que se reserva os dereitos sobre o mesmo; os traballos presentados non premiados, deberán ser retirados polos autores previo identificación, no prazo de dous meses dende a entrega do Premio, transcurrido dito prazo procederáse a súa destrucción.
11º.-A participación neste concurso implica a total aceptación das presentes Bases. Tódalas incidencias non previstas nas mesmas serán resoltas pola Directiva da Asociación ou polo Xurado cando este quede constituido.

A Librería ABRAXAS de Santiago de Compostela patrocina a presente edición do II Premio de Poesia Maria Mariño.
TEO, 15 de xaneiro do 2009.»
(A Xunta Directiva)

Concurso literário “Carlos Casares”

Publicado o por

CONCURSO LITERÁRIO “CARLOS CASARES” CONVOCADO POLA ASSOCIAÇOM CULTURAL “O FACHO”

Recuperados em 2008 os prémios literários que desde os anos sessenta convocou O FACHO e nos que participárom ou ganhárom muitos dos escritores e escritoras que hoje fam possível com a sua obra umha literatura galega de qualidade, de grande importância nas letras universais, faz-se a convocaçom para 2009 do Concurso Literário Carlos Casares e em afectuosa homenagem ao primeiro ganhador do Certame de Literatura Infantil no ano 1968 com a sua formosa obra “A galinha azul” que atingiria a honra de ter sido o fito fundacional da bem viçosa Literatura Infantil e Juvenil Galega contemporânea.

BASES DO CONCURSO:

1.- Poderám participar nenos e nenas, rapazes e raparigas, que pressentem as suas obras em língua galega. Os trabalhos apresentados deveram serem originais e inéditos em toda a sua extensom.

2.- O prazo de admissom de originais finaliza o dia 31 de Março de 2009 às doce da noite.

3.- A apresentaçom de originais para o Concurso fará-se-á por correio postal dirigido a sé da Associaçom Cultural “O Facho” R/ Frederico Tapia,12-1º 15005 – A Corunha. Podendo fazer-se individualmente ou por meio do centro onde curse os seus estudos.

4.- No caso em que sejam os centros escolares os que pressentem os originais ao Concurso, deveram fazer umha prévia selecçom de um máximo de dous trabalhos por categoria, qualquer outro terá que ser apresentado individualmente.

5.- As obras terám de ser relatos originais e nom estarem editados por nenhum procedimento impresso ou electrónico nem terem sido premiados em qualquer outro concurso ou certame literário e em condiçons para que os seus direitos de publicaçom possam ser cedidos a Associaçom Cultural “O Facho” por um período de três anos contados a partir do dia do veredicto do júri.

6.- Estabelecem-se duas categorias:
Categoria A: Nenos e nenas de 6 a 12 anos.
Categoria B: Rapazes e raparigas de 13 a 16 anos.

7.- As quantias dos prémios serám as que seguem:
Categoria A: 1º – 200 € em efectivo.
2º – 200 € em efectivo.
Categoria B: 1º – 300 € em efectivo.
2º – 200 € em efectivo.

8.- Cada autor só poderá apresentar umha obra atendo-se aos seguintes limites de extensom:
Categoria A: Um máximo de cinco fólios.
Categoria B: Um máximo de dez fólios

9.- As obras haverám de se apresentar manuscritas ou mecanografadas, encadernadas ou grampeadas e levaram por detrás do último fólio os seguintes dados:
Nome e apelidos do autor/a
Endereço postal e telefone.
Correio electrónico (se o tem).
Centro onde cursa os seus estudos.
Categoria na que participa.

10.- Os prémios serám elegidos por um júri nomeado pola Associaçom Cultural “O Facho” em veredicto que se fará público no mês de Maio.

11.- O júri poderá declarar deserto um ou vários dos prémios do concurso e será o que deverá resolver aquelas situaçons que se pressentem e que nom estejam contempladas nestas bases, assim como as dúvidas na sua interpretaçom.

12.- A participaçom neste Concurso implica a aceitaçom das presentes bases.

A Corunha, 8 de Janeiro do 2009