O mércores 27 de outubro, a partir das 19:30 h., preséntase na Biblioteca Ánxel Casal de Santiago de Compostela a primeira versión en portugués do Sempre em Galiza, publicado en Avante Editora, da AGAL, onde intervirán Fernando Vásquez Corredoira, Camilo Nogueira, Francisco Rodríguez e Miguel R. Penas.
Arquivo da categoría: Ensaio
Lugo: presentación de Cautivério de Fingoi. Os anos lugueses (1950-1965) de D. Ricardo Carvalho Calero, de Ramón Reimunde
O mércores 27 de outubro, ás 20:00 h., no Salón de actos da Deputación de Lugo (rúa San Marcos, 8), preséntase o libro Cautivério de Fingoi. Os anos lugueses (1950-1965) de D. Ricardo Carvalho Calero, de Ramón Reimunde, editado polo servizo de publicacións da Área de Cultura da Deputación.
Pilar García Negro: “Somos galegos grazas a mulleres arriscadas como Rosalía”
(Xornal)
Jorge Mira: “Para chegar á xente tes que contar todo de xeito sinxelo”
(Lecer, de Galicia Hoxe)
A Coruña: presentación de A ciencia no punto de mira
O venres 22 de outubro, a partir das 20:00 h., no Museo da Domus (rúa Santa Teresa, 1) da Coruña preséntase o libro de Jorge Mira A ciencia no punto de mira, publicado por Auga Editora. O acto contará coa presenza do autor, de Xosé Antonio Fraga, director dos Museos Científicos Coruñeses, e de Marcos Pérez Maldonado, director técnico da Casa das Ciencias.
Santiago: presentación de Estudos xurídicos sobre o Decreto para o plurilingüismo
O venres 22 de outubro, ás 19:30 h., no Centro Socio Cultural de Fontiñas de Santiago de Compostela, preséntase o libro Estudos xurídicos sobre o Decreto para o plurilingüismo, publicado por Laiovento, coa participación de Luís Villares, Anxo Louzao, Héctor Castro, Dalila Dopazo e Francisco Pillado. O acto está convocado pola plataforma Queremos Galego!.
Bertamiráns: presentación de As manifestacións relixiosas ao longo da Historia, de Manuel Lamas
O martes 19 de outubro ás 20:00 h., no Pazo da Peregrina de Bertamiráns, preséntase o libro As manifestacións relixiosas ao longo da Historia, de Manuel Lamas, publicado por 3C3. No acto participarán, co autor, Xesús Ferro Ruibal e X. Amancio Liñares Giraut.
A Coruña: presentación de Estudos xurídicos sobre o Decreto para o plurilingüismo
O xoves 21 de outubro, ás 20:30 h., na Asociación Cultural Alexandre Bóveda (rúa Olmos, 16-18) da Coruña, preséntase o libro Estudos xurídicos sobre o Decreto para o plurilingüismo, publicado por Laiovento, coa participación dos autores Luís Villares e Carlos Amoedo, acompañados por Francisco Pillado.
Elvira Fente reconstrúe nun libro a peripecia do feminismo galego
(Xornal)
A Estrada: presentación do libro Estudos xurídicos sobre o Decreto para o plurilingüísmo
O venres 15 de outubro, ás 19:30 h., preséntase na sala de exposicións de Caixanova na vila da Estrada o libro Estudos xurídicos sobre o Decreto para o plurilingüismo, publicado en Laiovento. No acto intervirán Alba Nogueira, profesora de dereito administrativo da Universidade de Santiago de Compostela e Héctor López de Castro, avogado e membro do gabinete xurídico da CIG. O acto está convocado pola plataforma Queremos Galego d’A Estrada.