Arquivo da categoría: Exposicións

Vigo: inauguración da exposición NEUSTON. Experimento 1. Explorando a interface

Publicado o por

O próximo venres 13 de marzo inaugúrase no Museo do Mar de Vigo a exposición NEUSTON. Experimento 1. Explorando a interface, que conta coa contribución de artistas coma Manuel Vilariño, Vítor Vaqueiro ou Manuel Sendón e dos escritores Marilar Aleixandre, Fran Alonso, Xosé María Álvarez Cáccamo, Rosa Aneiros, Miguel Anxo Murado, Gonzalo Navaza e Xavier Queipo, entre outros. O acto comezará ás 20 horas e contará coa asistencia da Conselleira de Cultura e Deporte, Ánxela Bugallo, e da directora do Instituto de Investigacións Mariñas do CSIC, Aída Fernández Ríos.

Ferrol: exposición de Eduardo Estévez e Igor Lugrís

Publicado o por

O venres 6 de febreiro inaugúrase na Galería Sargadelos de Ferrol a exposición das fotografías de Eduardo Estévez que conforman o traballo Os veos da paisaxe. Na Galería compartirá espazo con Igor Lugrís, que amosará algúns dos seus poemas visuais Poesía para ver Poesía para ler. Durante o acto celebrarase tamén un recital poético. A exposición poderá ser visitada até o 28 de febreiro.

Ferrol: exposición Os veos da paisaxe

Publicado o por

Entre o 6 e o 28 de febreiro a Galería Sargadelos de Ferrol exporá algunhas das fotografías de Eduardo Estévez que conforman o traballo Os veos da paisaxe. Na Galería compartirá espazo con Igor Lugrís, que amosará parte dos seus poemas visuais Poesía para ver Poesía para ler. A inauguración, que incluirá un recital poético, terá lugar o venres 6 de febreiro ás 20 horas. Unha semana despois, o venres 13, presentarán no mesmo escenario a primeira edición en papel d’Os veos da paisaxe, oitenta exemplares artesanais que conteñen, cada un, cinco fotografías orixinais (diferentes en cada exemplar), da mesma serie das que se expoñen.

Cabanas Raras (Bierzo): exposición e recital de Igor Lugris

Publicado o por

«A expo “poesia para Ver/poesia para Ler”, volta para casa. Estará uns dias na Casa da Cultura de Cabanas Raras, no Bierzo, antes de iniciar nova viagem, desta vez a Ferrol, onde estará no mês de Fevereiro (mas disso já falaremos nos próximos dias). O Sábado 17 faremos um recital, às 18.30h., na mesma Casa da Cultura. A expo estará ali até o dia 23 de Janeiro para quem a queira visitar.» (Ovnis e Isoglossas)

Compostela: Poesia para Ver / Ler, de Igor Lugris

Publicado o por

«Já levavamos tempo anunciando que a exposición “Poesia para Ver / Poesia para Ler” chegaria a Compostela. E agora podemos concretar datas. Do 27 de Novembro ao 27 de Dezembro, estará no Centro Social O Pichel, o local da Gentalha do Pichel. E na sexta-feira, 28, faremos um recital com uns amigos, como acto de inauguraçom, com a participaçom dos poetas Séchu Sende, Alberto Momam e Baldo Ramos, e a actuaçom musical de José Constenla.» (Ovnis e Isoglossas)

A Coruña: homenaxe a Jenaro Marinhas del Valle

Publicado o por

Actos de homenaxe no centenario do nacemento de Jenaro Marinhas del Valle

PROGRAMA

Día 11 de novembro de 2008
Na Facultade de Filoloxía da Universidade da Coruña
12:00
“Apresentación dos actos previstos. Primeira aproximación a D. Jenaro Marinhas del Valle”. Interveñen: María Xosé Bravo, Mª Pilar García Negro, Pablo G. Mariñas, X. María Monterroso Devesa e Teresa López.

13:00
Perfil humano-literario de Jenaro Marinhas, por Henrique Rabuñal.

“Experiencias en dirección e escenificación de obras teatrais de Jenaro Marinhas”. Interveñen: Lino Braxe e Francisco Rodríguez.

Día 21 de novembro
Na Casa Museo Casares Quiroga (Panadeiras, 12)
18:00
“O feminino e a protesta na obra de teatro Ramo Cativo”. Interveñen: Kathleen March e Tareixa Campo.

19:00
Mesa redonda: Continuidade dos presupostos avangardistas no teatro de Jenaro Marinhas, por Laura Tato.
Claves expresivas do teatro de Jenaro Marinhas, por Cilha Lourenço
O público na constitución dun teatro nacional: o pensamento de Jenaro Marinhas, por Carlos Viscainho.

No Teatro Rosalía Castro
20:30
Representación: “A velada”. Teatro proscrito (Memorial Iván Toxeiro. Asociación Alexandre Bóveda)

Audiovisual “Jenaro Marinhas na lembranza”. Autores: Manolo Graña e Arturo Iglesias.

Exposición: “Jenaro Marinhas: drama e exemplo do século XX galego”. No mes de decembro a Casa Casares Quiroga acollerá unha exposición que pretende axudar a difundir a vida e a obra deste intelectual galeguista sempre comprometido coa dignificación da nosa cultura.

Exposición sobre o lobo solicita colaboracións escritas

Publicado o por

ADEGA está a organizar unha exposición que formará parte dos “II Encontros sobre o lobo galego” que será inaugurada no CEIDA-Oleiros o vindeiro 8 de Novembro. Neste proxecto, solicitan colaboracións literarias (orixinais ou xa publicadas previamente) nos próximos días.
Se tes interese, envía o teu texto a: adega@adega.info
ou ben a:

ADEGA
Travesía dos Basquiños, 9 baixo
15704 Santiago de Compostela

Para calquera dúbida, debedes contactar con Pepe Salvadores no 659683384.