Mañá xoves 11 de marzo na Galería Sargadelos de Ferrol terá lugar a presentación dos libros de Edicións Embora titulados O país dos mandóns, A urna dos desexos e O segredo de flora. No acto participarán Paloma Rodríguez e Cristina Justo (autoras) e Spela Trobec (ilustradora).
Mañá venres 5 de marzo ás 20.00 horas a Galería Sargadelos de Ferrol conmemora os 100 anos do Día da muller traballadora e os 125 anos da morte de Rosalía de Castro, nun acto no que se falará sobre a problemática dos servizos sociais e o modo en que afecta á muller. Participarán no acto: Ana Luisa Bouza, Deputada no Parlamento Galego, Jéssica Fernández Polo, responsable da muller en Galiza Nova, e Mª Paz Díaz, profesora de lingua e literatura galegas.
Mañá mércores 3 de marzo na Galería Sargadelos Ferrol terá lugar a presentación do libro A ceca de Xuvia. Unha visión dende a Economía, do autor Manuel Antón, editado por Edicións Embora. O acto ten entrada libre e comezará ás 20 horas.
Mañá sábado 27 de febreiro ás 12 horas na Galería Sargadelos de Ferrol terá lugar a presentación do libro PUNVER DE VOLTA, coa participación da autora Yolanda Castaño e o ilustrador Eduardo Hermida.
Co gallo do Día de Rosalía, o vindeiro mércores, 24 de febreiro, a AELG organiza unha lectura pública simultánea nas seguintes cidades do país:
A Coruña, ás 18.00, Xardíns de Méndez Núñez, Monumento a Curros Enríquez
Ferrol, ás 18.00, na Praza do Himno Galego
Lugo, ás 18.00, Rúa Nóreas, a carón da casa que fai esquina con Rúa San Pedro, onde viviu ROSALÍA DE CASTRO entre 1864 e 1868 (hai unha placa indicativa).
Pontevedra, ás 18.00, onde a estatua de Castelao
Santiago, ás 17.30, onde a estatua de Rosalía, no Paseo da Ferradura
Vigo, ás 19.00, no nº 12 da Rúa Real, onde a tipografía de Juan Compañel
Podedes consultar neste mapa a ubicación exacta dos diferentes lugares.
Mañá mércores 3 de Febreiro ás 20:15 horas na Galería Sargadelos de Ferro preséntase o libro Corazón entre desertos, de Tucho Calvo. Participarán no acto o autor e Raúl Veiga, crítico de arte e director de cine.
Mañá martes 19 ás 20.00 horas na Galería Sargadelos de Ferrol presentarase o libro da editorial Embora titulado A formación da axenda política galega de acuicultura mariña, de Manuel Guillermo Antón Villamil. Presenta o escritor e Pablo Villamar.
Hoxe luns 4 de xaneiro ás 20.30 horas preséntase na Galería Sargadelos de Ferrol o libro titulado Ferrol a fotografía antigua (1858-1904), coa participación de Guillermo Escrigas (autor) e Miguel Toval (editor).
O libro-disco Tic Tac do músico coruñés Pablo Díaz e con ilustracións de Marc Taeger será presentado este sábado 2 de xaneiro en Ferrol. O libro está editado por Kalandraka e conta coa colaboración de trinta músicos, entre eles Xabier Díaz, Guadi Galego, Carmen Rey e Ruote, ademais das achegas de Santiago Auserón e Xurxo Souto no prólogo e no epílogo, respectivamente.
O vindeiro venres 18 de decembro ás 19.30 horas na Galería Sargadelos de Ferrol presentarase o número cinco da revista Papeis Ártabros, publicada polo Centro Ártabro de Estudios en colaboración co Concello de Ferrol. Participarán Mercedes Carbajales (concelleira de cultura), Jose Luis Tasset ( Catedrático de E.U. da Filosofía Moral na Universidade de Coruña) e Rosa Méndez (Presidenta do Centro Ártabro de Estudios). A revista recolle diferentes artigos relacionados con Ferrol e a súa comarca, entre os que cabe destacar os que tratan sobre Matías Usero, o Patrimonio Arqueolóxico de Mugardos, a pegada galega en Cuba ou a fragata Asturias.
