O sábado 20 de decembro, ás 18:00 no Salón de Ámbito Cultural de El Corte Inglés, terá lugar a presentación da novela gañadora do IV Premio Biblos-Pazos de Galicia Bailarei sobre a túa tumba, de Berta Dávila. Tamén será presentada a súa tradución ao castelán.
Arquivo da categoría: Presentacións de libros
Ferrol: presentación das obras de Antón Cortizas Vestida co arco da vella (Edicións Embora) e Sopra neste furadiño
O mércores 17, na Galería Sargadelos de Ferrol ás 20:00, terá lugar a presentación das obras de Antón Cortizas Vestida co arco da vella (Edicións Embora) e Sopra neste furadiño (Edicións Embora), con ilustracións de Spela Trobec e Leandro Lamas, respectivamente.
A Coruña: presentación do libro Cachiños do meu cerne (Toxosoutos), de Fuco Paz Souto
A Biblioteca Pública da Coruña “Miguel González Garcés” convida á presentación do libro Cachiños do meu cerne (Toxosoutos), de Fuco Paz Souto. A presentación correrá a cargo de J. Javier Pintor Elizalde no Salón de Actos da Biblioteca o xoves 18 de decembro ás 20:00.
A Coruña: lanzamento do libro As Tribos Calaicas: Proto-História da Galiza à luz dos dados linguísticos, de Higínio Martins Estêvez
O 18 de decembro de 2008, ás 20:30 na Livraria Couceiro (Praça do Livro, Enrique Dequit, 12), O Facho convida ao lanzamento do libro As Tribos Calaicas: Proto-História da Galiza à luz dos dados linguísticos, do profesor doutor e académico Higinio Martins Estêvez.
Sarria: Presentación do libro gañador do VIII Fiz Vergara Vilariño
Hoxe venres 12 de decembro ás 19:00 horas na Casa da Cultura de Sarria preséntase a obra gañadora da última edición do Premio de Poesía Fiz Vergara Vilariño, “Libro de Alicia” de Olalla Cociña. A autora estará presente no acto, no que tamén participarán a gañadora da primeira edición do premio, Marica Campo; o director da editorial Espiral Maior, Miguel Anxo Fernán Vello, a presidenta da Asociación Cultural Ergueitos, María Casar, e o Concelleiro de Cultura de Sarria, Xermán Arias. Haberá ademais unha actuación musical do dúo composto por Sylvie de Luca (piano) e Maria Ruíz (frauta).
A Coruña: presentación do libro co guión do filme Os mortos van á présa, de Ángel de la Cruz
O día 4, ás 13:30 en Culturgal (Palexco), terá lugar a presentación do libro co guión do filme Os mortos van á présa, de Ángel de la Cruz. Estará el e algunha actriz ou actor, e proxectarase un avance do filme.
A Coruña: presentación da novela Memoria de cidades sen luz, de Inma López Silva
O xoves 4 de decembro, ás 20:00 no Palexco, no marco do Culturgal, terá lugar a presentación na Coruña da novela Memoria de cidades sen luz, de Inma López Silva.
A Coruña: presentación do libro Déixame a túa voz, de Branca Vilela
O xoves 4 de decembro, ás 20:30 na libraría Arenas da Coruña, terá lugar a presentación do libro Déixame a túa voz (edición bilingüe), de Branca Vilela, co que foi en castelán finalista do II Premio Internacional Rubén Darío. No acto participarán Xulio López Valcárcel, Xosé María Paz Gago, Basilio Rodríguez Cañada, Xosé Manuel Traba e Arancha Espinosa.
Ourense: presentación libro Historia de Ourense, de Marcos Valcárcel
Mañá sábado día 28 de novembro, ás 19:00 no Salón nobre do Liceo de Ourense, organizado por Edicións Xerais de Galicia e O Liceo de Ourense, terá lugar a presentación do libro Historia de Ourense, de Marcos Valcárcel. Intervirán no acto Francisco Rodríguez (alcalde de Ourense), Alfonso Vázquez Monxardín (profesor), Manuel Bragado (editor) e o autor.
Compostela: presentación da última edición de Vencello
O 27 de novembro de 2008, ás 20:00 na Libraría Couceiro (Praza de Cervantes, 6), terá lugar a presentación da última edición do libro Vencello, manual creado polo equipo do Proxecto Galauda e que se emprega nas aulas de galego dos oito Institutos de Secundaria de Cataluña que ofrecen materias de lingua e cultura galegas. A obra está
deseñada de xeito que os contidos de lingua, cultura e literatura se combinan para que os estudantes accedan a eles na súa dimensión máis ampla, de maneira que a lingua se vaia aprendendo dentro do seu contexto cultural.
Na presentación intervirán Rosario Álvarez (profesora da USC e membro da Real Academia Galega), Carlos Callón (presidente da Mesa pola Normalización Lingüística), Sabela Labraña (directora do Proxecto Galauda) e Valerià Paül (coordinador do Vencello).
