O 20 de agosto comeza a Feira do Libro de Foz (na Praza Conde do Fontao), organizada pola Federación de Librarías de Galicia, con horarios de 17:30 a 22:00 h., cos seguintes actos literarios destacados dentro do seu programa:
– 19:00 h. Inauguración a cargo de Natalia Alonso Ramos.
– 20:00 h. Natalia Alonso Ramos asina A síndrome de Hayworth, publicada por Medulia.
– 21:00 h. Elba Pedrosa asina O que non sabías, publicado por Xerais.
O
13 de decembro, ás 19:00 horas, en Portas Ártabras (Rúa Sinagoga, 22), na Coruña, preséntase A síndrome de Hayworth, de Natalia Alonso Ramos, obra gañadora do Premio de Poesía O Facho 2019, publicada por Medulia Editorial. No mesmo acto haberá un recital poético de varios textos do libro.
O
pasado 31 de maio Celia Díaz Núñez gañou o Premio de Teatro Infantil O Facho 2019. O xurado, composto por Manuel Lourenzo, Diana Varela, Carmen Martínez e Henrique Sánchez, acordou por unanimidade outorgar o premio á obra Unha estrela para Amina.
A xornalista Natalia Alonso Ramos foi a gañadora do Premio O Facho de poesía, coa obra A síndrome de Hayworth, que será publicada por Medulia. O xurado, integrado por Xulio López Valcárcel, Fernando Díaz-Castroverde e Henrique Sánchez, fallou o premio por unanimidade.
