Arquivos da etiqueta: Agrupación Cultural Alexandre Bóveda
A Coruña: Fragmentos teatrais de Luísa Villalta
“O 18 de xuño, ás 19:30 h, na A. C. Alexandre Bóveda (Rúa Santo André, 36, 1º), na Coruña, o grupo de teatro Alexandre Bóveda presentará Fragmentos teatrais de Luísa Villalta.
Súmase así o grupo teatral á ben merecida homenaxe a Luísa Villalta, á que consideramos unha excelente dramaturga. Partindo da Obra dramática completa editada no 2018 pola Agrupación Cultural Alexandre Bóveda, escollemos escenas de catro das súas obras: O representante, O paseo das esfinxes, Os doces anos da guerra e As certezas de Ofelia, para facer unha lectura dramatizada onde intérpretes actúan co texto na man seguindo a posta en escena dirixida pola directora do grupo, Manuela Varela.
As persoas interesadas en asistir á lectura poden inscribirse aquí.”
A Coruña: Roteiro “As mulleres das Letras na cidade tatuada na pétrea pel do mar”
A Coruña: conversa “Galicia contra a peste”
A Coruña: palestra “Xulio Sigüenza: un poeta entre a patria e a paisaxe”, con Romina Pereiro
“O xoves 30 de maio, ás 19:30 horas, na A. C. Alexandre Bóveda (Rúa Santo André, 36, 1º), na Coruña, Romina Pereiro ofrecerá a palestra “Xulio Sigüenza: un poeta entre a patria e a paisaxe”. Esta actividade fai parte do ciclo Aula aberta, organizado pola A. C. Alexandre Bóveda en colaboración co grupo de investigación Illa da Universidade da Coruña. As persoas interesadas poden anotarse aquí.”
A Coruña: proxección do documental sobre Luz Fandiño A poeta analfabeta, de Sonia Méndez
A Coruña: presentación de En sístole, de Fe Núñez
Crónica fotográfica da lectura pública na Coruña da obra de Luísa Villalta
Estas son algunhas das fotografías da lectura pública de Luísa Villalta polo Día das Letras Galegas que tivo lugar na Coruña o 12 de maio, en colaboración coa Agrupación Cultural Alexandre Bóveda. A crónica fotográfica completa pode verse aquí.
A Coruña: “Xesús de Nazaret na historia do cine”, conferencia de Victorino Pérez Prieto
A Coruña: “Luísa Villalta na lembranza”
O xoves 16 de maio, véspera do Día das Letras galegas, ás 19:00 h., na A. C. Alexandre Bóveda (Rúa Santo André, 36, 1º), na Coruña, realizarase un acto de homenaxe e recoñecemento á autora homenaxeada neste 2024 Luísa Villalta na lembranza. Serán tres amigas as que repasarán a vida e a obra de Luísa: Ana Pillado, Marga do Val e Pilar García Negro.
Tres compañeiras de vida de distintas xeracións: a alumna, Ana Pillado, na casa de seus pais Pancho Pillado e Noli, Luísa recitou, tocou o violino e recibiu o empuxe para comezar a publicar; Marga do Val, a compañeira de xeración, amigas, xuntas nas páxinas de A Nosa Terra e na defensa do país, e a amiga Pilar García Negro, a primeira lectora de moitas obras de Luísa.
Este encontro terá unha duración de 1 hora. E as persoas que nos acompañedes levaredes de agasallo unha copia do poema manuscrito que Luísa escribiu en homenaxe a Alexandre Bóveda.
As persoas interesadas en asistir pode anotarse aquí.
