O venres 16 de maio, ás 20:00 horas, na Biblioteca Pública González Garcés (Rúa Miguel González Garcés, s/n.) da Coruña, Xesús Manuel Valcárcel falará sobre Xosé María Díaz Castro: poesía galega da paisaxe. Tamén se inaugura a exposición que organiza a propia Biblioteca arredor da figura de Díaz Castro.
Arquivos da etiqueta: Biblioteca González Garcés
A Coruña: Clube de lectura coordinado por Francisco Fernández Naval na Biblioteca González Garcés
En xoves alternos desde o 14 de outubro até o 23 de decembro retómase o Clube de Lectura en Galego que dirixe Francisco Fernández Naval na Biblioteca Miguel González Garcés da Coruña. Neste último trimestre conxugaranse autores galegos clásicos e contemporáneos, homes e mulleres de idades diferentes, para poder ter unha mellor visión do panorama actual da narrativa galega, lendo, por exemplo a Rafael Dieste e Anxos Sumai. Lidos os libros na casa, as persoas que forman o club comentarán as súas impresións, discutíndose aspectos, literarios ou non, relacionados coa obra e co autor ou autora, favorecendo o diálogo e a convivencia e unha mellor comprensión da obra. Máis información sobre as actividades e a inscrición neste enlace.
A Coruña: mesa redonda Editar en Galicia hoxe
A Biblioteca Pública da Coruña “Miguel González Garcés” (Rúa Miguel González Garcés, 1) celebra unha mesa redonda co título Editar en Galicia hoxe. Terá lugar no salón de actos o xoves 17 de decembro ás 20:30 h. Intervirán Isaac Díaz Pardo, Víctor F. Freixanes e Miguel Anxo Fernán-Vello. O acto serve ademais para presentar a exposición Editar en galego baixo a censura franquista, organizada pola Fundación Penzol e Editorial Galaxia.
A Coruña: recital poético en homenaxe a González Garcés
![Invitación Recital poético](https://axendacultural.aelg.gal/wp-content/uploads/2009/12/Invitación-Recital-poético.jpg)
A Coruña: Antonio Reigosa na Biblioteca González Garcés
A Coruña: III Agasallo a Luís Seoane
![iii-agasallo-luis-seoane](https://axendacultural.aelg.gal/wp-content/uploads/2009/06/iii-agasallo-luis-seoane.jpg)
A Coruña: cancións contadas con Eva Veiga e Mon Santiso
![cancions-contadas-cancions](https://axendacultural.aelg.gal/wp-content/uploads/2009/05/cancions-contadas-cancions.jpg)
A Coruña: conferencia do profesor Ángel González Fernández
![rosalia-pineiro](https://axendacultural.aelg.gal/wp-content/uploads/2009/05/rosalia-pineiro.jpg)
A Coruña: obradoiro de escritura creativa con Marina Mayoral
O xoves 7, venres 8 e sábado 9 de maio desenvolverase na Biblioteca González Garcés da Coruña un obradoiro de escritura creativa impartido por Marina Mayoral co título Técnicas narrativas e creación literaria. O curso vai principalmente destinado aos estudantes de Humanidades, mais tamén é útil para todos os interesados en facer literatura de ficción ou en xeral os que sinxelamente queren mellorar a expresión escrita das súas ideas e sentimentos. O horario das xornadas é de 10 a 13 horas e de 17 a 20. Para inscribirse é preciso chamar aos teléfonos 981170218 ou 981170219, ou ben mandar un correo electrónico a este enderezo, ou de maneira presencial na Sala de Consulta da Biblioteca. Colabora a Universidade da Coruña (solicitado un crédito de libre configuración na UDC).
A Coruña: recital do Grupo Ouriol para celebrar o Día Mundial da Poesía
A Biblioteca Pública da Coruña Miguel González Garcés celebra o Día Mundial da Poesía o 21 de marzo co espectáculo poético-musical De amor e morte a cargo do grupo Ouriol formado por Eva Veiga, Bernardo Martínez e Fito Ares. Será o próximo venres 20 de marzo a partir das 20:30 no Salón de Actos da Biblioteca. A entrada é libre.