Arquivos da etiqueta: Centro de Estudos Galegos da Sapienza Italia

Día das Letras Galegas 2025 en Italia, con María Lado

Publicado o por

Para celebrar o Día das Letras Galegas, os Centros de Estudos Galegos das Universidades de Perugia e de Roma contaron coa presenza da poeta María Lado que, alén de ofrecer un recital, falou da súa obra, da situación literaria en Galicia e da tradición oral das cantareiras.

Os encontros tiveron lugar o martes 27 de maio ás 18:00 na sede da Asociación Cultural Roghers en Perugia e o mércores 28, tamén ás 18:00, na Sala Dalí do Instituto Cervantes en Roma.

Toda a información, xunto cos cartaces, está no seguinte enderezo web.

Literatura galega en Roma

Publicado o por

O Instituto Cervantes, en colaboración co Centro de Estudos Galegos de Roma acubillado na Università La Sapienza, organiza tres xornadas dedicadas á lingua e a literatura galegas. O martes 21 de maio terá lugar unha performance a cargo da poeta Yolanda Castaño e o músico Isaac Garabatos.
Seguiralle un coloquio o día 28 de maio da man de Marco Paone e Attilio Castellucci, profesores da Universidade de Perugia e a Universidade da Sapienza e directores dos Centros de Estudos Galegos de ambas universidades, baixo o título “Il galego, origini di una lingua e della sua letteratura” (“O galego, as orixes dunha lingua e da súa literatura”).
Poralle fin a estas xornadas Suso de Toro o día 5 de xuño, autor con obra traducida ao italiano como dá conta o Uomo senza nome publicado pola editorial Gran Via en 2008.”

Compostela: presentación da antoloxía La letteratura galega. Autori e testi

Publicado o por

O 29 de xaneiro, ás 12:00 horas, na Sala Sarmiento do Pazo de San Roque (Secretaría Xeral de Política Lingüística, Rúa de San Roque, 2), en Santiago de Compostela, o Centro de Estudos Galegos da Universidade de Padova, o Centro de Estudos Galegos da Sapienza, Universidade de Roma e o Centro de Estudos Galegos da Universidade de Perugia, xunto coa SXPL, presentan La letteratura galega. Autori e testi.
Trátase dunha antoloxía en italiano que recolle 50 figuras homenaxeadas no Día das Letras Galegas. No evento participarán: Xesús Alonso Montero (autor do prólogo da obra e académico da RAG), Giovanni Borriero (editor do libro e director do CEG de Padova), Gemma Álvarez Maneiro (coeditora da obra e exlectora da Universidade de Padova), Víctor Fernández Freixanes (presidente da RAG) e Valentín García Gómez (secretario Xeral de Política Lingüística).”