CEDRO, 30 anos coa cultura. Encontro con autoras-es e editoras é unha actividade organizada por CEDRO, AGE e a AELG, que terá lugar a cuarta feira 14 de marzo de 2018, entre as 18:30 e as 20:00 horas no Auditorio do Consello da Cultura Galega (Pazo de Raxoi, Praza do Obradoiro), en Santiago de Compostela.
Nesta sesión representantes de CEDRO explicarán os avances conseguidos no trinta anos de existencia desta Entidade e explicarán cales son os cambios lexislativos necesarios para que os colectivos autorais e editoriais poidan desenvolver a súa actividade nun marco de seguridade xurídica e que garantan a protección eficiente dos seus dereitos de propiedade intelectual. Así mesmo, presentarán os servizos e beneficios que esta asociación ofrece a autores/as e editoras.
- 18:30-18:40 Presentación.
Mercedes Queixas, Secretaria xeral da Asociación de Escritoras e Escritores en Lingua Galega (AELG).
- 18:40-19:15 Necesidades lexislativas dos colectivos autorais e editoriais.
Jorge Corrales, director xeral de CEDRO.
- 19:15-20:00 Beneficios de ser socio/a de CEDRO.
Pedro Sánchez, xefe do Departamento de Socios de CEDRO.
Organizan:
– AELG (Asociación de Escritoras e Escritores en Lingua Galega)
– AGE (Asociación Galega de Editoras)
– CEDRO (Centro Español de Derechos Reprográficos)
Jorge Corrales é o director xeral de CEDRO desde marzo de 2017. Anteriormente dirixía o Departamento Económico e Tecnolóxico da Entidade. Licenciado en Ciencias Económicas pola Universidade de Alcalá, desenvolveu a súa traxectoria profesional nos sectores tecnolóxico, químico e, nos últimos 10 anos, no da propiedade intelectual.
Pedro Sánchez é o xefe do Departamento de Socios de CEDRO desde xaneiro de 2018, tras tres anos dirixindo o departamento de Licenzas nesta Entidade. Licenciado en Dereito e Historia pola Universidade Complutense de Madrid, ten unha ampla experiencia na área de Recursos Humanos.
