“Fallouse 
o 
VIII Premio Frei Martín Sarmiento para as categorías de 1º e 2º da ESO e de 3º e 4º da ESO. Gañaron, respectivamente, Dragal, de Elena Gallego (Xerais) e Menú de enganos de Manuel Núñez Singala (Galaxia).” Vía Gálix.
Arquivos da etiqueta: Edicións Xerais
Chantada: presentación de Como defenderes os teus dereitos lingüísticos, de Carlos Callón
O 
luns 23 de abril, ás 18:30 horas, na Casa da Cultura de Chantada, preséntase Como defenderes os teus dereitos lingüísticos, de Carlos Callón, publicado en Xerais. No acto, organizado pola Mesa pola Normalización Lingüística, intervirá, xunto ao autor, André Sánchez Labandeira.
Ferrol: actividades do venres 20 na Feira do Libro
O 
venres 20 de abril continúa a Feira do Libro de Ferrol (no Cantón de Molíns), cos seguintes actos literarios:
– 19:00 horas. Sinatura de Luces, bicos e cores, de Concha Blanco, publicado en Embora.
– 19:30 horas. Presentación de Vento galerno, de Antonio Yáñez Casal e Vaia tropa!, de Antón Cortizas, publicados en Xerais. No acto, xunto aos autores, participa Manuel Bragado.
Barcelona: presentación de Poñente, de Pere Tobaruela
O 
venres 20 de abril, ás 20:00 horas, na Galería Sargadelos (Carrer Provença, 276) de Barcelona, preséntase a novela Poñente, de Pere Tobaruela, publicada en Xerais. No acto, xunto ao autor, participará Helena González.
Pontevedra: presentación de Como defenderes os teus dereitos lingüísticos, de Carlos Callón
O 
xoves 19 de abril, ás 20:30 horas, no Pazo de Mugartegui de Pontevedra, preséntase Como defenderes os teus dereitos lingüísticos, de Carlos Callón, publicado en Xerais. No acto, organizado pola Mesa pola Normalización Lingüística, interveñen, xunto ao autor, Miguel Anxo Fernández Lores e Nacho Carballal.
Vigo: presentación de Os fillos do mar, de Pedro Feijoo
O
mércores 18 de abril, ás 20:00 horas, na Libraría Librouro (Rúa Eduardo Iglesias, 12) de Vigo, preséntase a novela Os fillos do mar, de Pedro Feijoo, publicada en Xerais. No acto, xunto ao autor, participan Marcos Calveiro, Manuel Bragado e Sergio Zearreta.
Lira: presentación de Cita en Fisterra, de Luís Rei Núñez
O 
venres 13 de abril, ás 20:00 horas, no Local da Confraría de Lira (Portocubelo, Lira, Carnota), preséntase o libro Cita en Fisterra, de Luís Rei Núñez, publicado en Xerais. No acto, coorganizado pola editora e a Asociación Cultural Canle de Lira, participan, xunto ao autor, Manuel Bragado e o músico Xabier Díaz.
A poesía abre o apetito. Vídeo sobre O meu gato é un poeta, de Fran Alonso
Desde
Xerais:
“Un grupo de nenos e nenas de 3º de Primaria da aula de música do CPI Virxe da Saleta, de Cea, elaboraron un vídeo, A poesía abre o apetito, a partir dun dos poemas de O meu gato é un poeta, de Fran Alonso, quen publica na súa web unha páxina de recursos didácticos sobre o libro que inclúe tamén esta ficha de traballo en pdf elaborado polo Club de Lectura do CPI O Rosal.
A Poesía abre o apetito para comer from cpivirxedasaleta on Vimeo.
Vídeo de Luz verde, curtametraxe baseada en Cemiterio de elefantes, de Fran Alonso
“Baseada no 
relato 01 AM de Cemiterio de elefantes, de Fran Alonso, a curtametraxe Luz Verde pode ser visionada xa na rede. Cun reparto protagonizado por Dorotea Bárcena, César Cambeiro, Miguel Llanderas, Susana Álvarez, Carmelo Abollo, Uxío Couto e Martín Martínez, Luz Verde relata a historia dunha muller de Cabral, en Vigo, que chega ao centro da cidade, de madrugada, para mercar un medicamento nunha farmacia. A curtametraxe está producida por Urban Pig Films e dirixida por Sara Casal.” Vía Xerais.
Gondomar: Antón Cortizas falará sobre Vaia tropa!
O
sábado 24 de marzo, a partir das 12:00 horas, na Biblioteca de Gondomar, terá lugar a sesión mensual do Lendo Contigo, dedicado a nenos e nenas de 8 a 12 anos, e seus pais e nais, organizado por Espazo Lectura. Nesta ocasión, o libro do que se vai falar é Vaia tropa!, de Antón Cortizas, publicado en Xerais, e contarase coa presenza do autor para charlar cos nenos e nenas que participen na actividade.
