Na Galería das Letras do Festigal 2010, que se celebrará no Campus Universitario Sul, desenvolveranse os seguintes 
actos culturais o domingo 25 de xullo:
Ás 15:30 h., presentación de Galiza en Suíza. 50 anos de presenza galega na Suíza, de Xurxo Martínez Crespo, editado pola CIG. No acto participarán Luís Manuel Calvo Salgado e o propio autor.
Ás 16:00 h., Carlos G. Figueiras presenta Quero saber onde se agacham as cores, publicado en Galiza Editora.
Ás 16:30 h., Pepe Cáccamo presenta Un home impuntual, publicado en Galaxia, acompañado por Francisco Castro.
Ás 17:00 h., Carlos Taibo presenta Parecia não pisar o chão, publicado en Avante Editora, da AGAL, acompañado por Valentim R. Fagim.
Ás 17:45 h., María Pilar García Negro presenta O clamor da rebeldía. Rosalía de Castro, ensaio e feminismo, publicado en Sotelo Blanco, acompañada de Diego Pardo Amado.
Ás 18:30 h., Marilar Aleixandre presenta O coitelo en novembro, publicado en Xerais. No acto participan coa autora Manuel Bragado e Dolores Vilavedra.
Ás 19:15 h. haberá un recital de poesía con textos de Uxío Novoneyra e Rosalía de Castro.
Ás 20:00 h., Teresa Moure presenta A Intervención, publicado en Xerais, acompañada por Manuel Bragado. No acto proxectarase unha videointervención creada pola propia autora.
Ás 20:45h., Francisco Castro presenta O segredo de Marco Polo, publicado en Galaxia, acompañado por Víctor F. Freixanes e Montse Penas Presas.
E, por último, ás 21:30 h., preséntase a primeira versión en galego-portugués do Sempre en Galiza, publicado en Avante Editora, da AGAL, onde intervirán Fernando V. Corredoira, Camilo Nogueira e Miguel R. Penas.
Arquivos da etiqueta: Francisco Castro
Cangas: presentación de Un home impuntual, de Pepe Cáccamo e sinatura de exemplares de Dragal, de Elena Gallego
O xoves 22 de xullo ás 19:00 h., dentro da Feira do Libro de Cangas, Elena Gallego asinará exemplares da súa novela Dragal, publicada por Edicións Xerais.
O mesmo día, ás 20:30 horas, Pepe Cáccamo presentará Un home impuntual, publicado en Galaxia, acompañado por Francisco Castro e Manuel Pizcueta.
Ás 21:00 horas, Camiño Noia presenta Catálogo tipolóxico do conto galego de tradición oral, editado polo Servizo de Publicacións da Universidade de Vigo.
Barcelos (Portugal): tertulia sobre Letras da Galiza na Feira do Livro
O luns 12 de xullo ás 21:30 h. (hora local), no marco da Feira do Livro de Barcelos (Avenida da Liberdade), desenvolverase unha tertulia sobre Letras da Galiza, onde participarán Francisco Castro, Marta Dacosta, Antía Otero, Xavier Queipo e Carlos Quiroga. O moderador será Vergílio Alberto Vieira.
Vigo: presentación de Un home impuntual, de Pepe Cáccamo
Dentro das actividades da Feira do Libro de Vigo, o venres 9 de xullo, ás 20:30 horas, Pepe Cáccamo presenta o seu libro Un home impuntual, publicado en Galaxia. No acto participan o autor acompañado de Francisco Castro.
Previamente, a partir das 20:00 horas, Pablo Díaz e Marc Taeger asinarán exemplares do seu libro–disco Tic Tac, publicado por Kalandraka Editora.
Vigo: presentación de O segredo de Marco Polo, de Francisco Castro
Dentro das actividades da Feira do Libro de Vigo, o xoves 8 de xullo, ás 20:30 horas, preséntase O segredo de Marco Polo, de Francisco Castro, publicado en Galaxia. No acto participarán Xesús Domínguez Dono, Ledicia Costas e o propio autor.
VII Premio “Os Bos e Xenerosos”
No ano 2004 a Asociación de Escritores en Lingua Galega (Aelg) puxo en marcha a homenaxe “Os bos e xenerosos”, un acto de recoñecemento da figura dun escritor/a ou colectivo que contribuíse a unha maior difusión pública da cultura galega desde o compromiso vital con Galicia.
Son “bos e xenerosos” Avelino Pousa Antelo (2004), o Museo do Pobo Galego (2005), a Asociación Cultural e Pedagóxica Ponte… nas ondas! (2006), o Laboratorio de Formas de Galicia, singularizado na persoa de Isaac Díaz Pardo (2007), a Asociación Socio-Pedagóxica Galega (2008), e Mariví Villaverde na edición do ano pasado.
Este 2010, a homenaxe alcanza os sete anos de vida co tributo que se renderá aos Concellos que participan no desenvolvemento do Premio Blanco Amor de Novela Longa, nun acto que se desenvolverá no Salón de Actos do Museo do Pobo Galego (Santiago de Compostela), o sábado 6 de marzo ás 12,00 horas da mañá, segundo o seguinte programa:
12,00 horas
Acto musical a cargo de Xabier Díaz
12,15 horas
Intervención de Cesáreo Sánchez Iglesias, Presidente da AELG
Lectura da acta de concesión do Premio por Mercedes Queixas, Secretaria Xeral da AELG
Laudatio, pronunciada por Francisco Castro
Intervencións do Alcalde de Redondela (primer concello que organizou o “Premio Blanco Amor”) e da Concelleira de Cultura do Concello de Poio.
Entrega dunha placa conmemorativa ao Concello de Poio, organizador do “Premio Blanco Amor” deste ano
Entrega de diplomas a todos os Concellos organizadores.
Feira do Libro de Vigo: programa do mércores 15 de xullo
18.00 Actividades para nenos: A maxia metida nunha maleta. Fátima e o Mago David.
19.30 Presentación do libro A herdanza do marqués, de Conchi Regueiro, publicado por Baía Edicións. Xunto coa autora, participará no acto Patricia Gómez Uzal, representante da editorial.
20.00 O escritor Francisco Castro asinará exemplares das súas obras, publicadas pola Editorial Galaxia.
20.30 O escritor Agustín Fernández Paz, presentará o seu libro Lúa de Senegal, publicado por Edicións Xerais de Galicia. Xunto co autor, participarán no acto Paula Fernández e Manuel Bragado, director xeral da editorial.
Comeza a Feira do Libro de Vigo
Este venres día 10 ás 20:30 o escritor Francisco Castro lerá o pregón da Feira do Libro de Vigo, que permanecerá aberta até o 19 de xullo na Praza de Compostela. Nos próximos días incorporaremos á axenda algunhas das actividades que se desenvolverán durante esta Feira.
Vigo: conferencia de Francisco Castro
Mañá xoves 12 de febreiro o escritor Francisco Castro impartirá unha conferencia titulada A mirada literaria. Como ven os escritores no Centro Social Caixanova de Vigo, ás oito do serán, dentro do ciclo O traballo literario a través dos escritores. O acto será presentado polo crítico Ramón Nicolás. A entrada é libre.
Santiago: presentación do acordo entre a Editorial Galaxia e Google
Hoxe mércores 11 de febreiro ás 20.00 h na Biblioteca Ánxel Casal de Santiago celebrarase un acto de presentación do acordo entre a Editorial Galaxia e Google, un importante proxecto cultural que pon os fondos completos de Galaxia ao servizo da comunidade global. No acto participarán Luis Collado, responsable de Google Búsqueda de Libros en España, Víctor F. Freixanes, director xeral de Galaxia, o crítico literario Arturo Casas, e o coordinador de novos proxectos da editorial, Francisco Castro.
