Distintas entidades do país, a CIG, Adega, Organización Galega de Montes en Man Común, BNG, FRUGA, Asociación de Escritoras e Escritores en Lingua Galega, AS-PG, Galiza Nova, Liga Estudantil Galega, Comités, Plataforma en Defensa dos Servizos Sociais Públicos, Galiza Cultura, MEU e a Rede Galega de Empresas, diante das graves consecuencias que para a clase traballadora e para a soberanía do noso país vai traer a recente Reforma da Constitución Española, convocan un acto público en formato de concentración-mitin, que terá lugar o vindeiro sábado, día 17 de setembro, ás 18:00 horas, na Praza da Quintana, en Compostela, baixo o lema Galiza, pola soberanía, os dereitos sociais e os servizos públicos. Esta reforma da Constitución é unha fraude. Este é o contido do Manifesto para o acto público: Manifesto Acto Publico 17 de Setembro.
Arquivos da etiqueta: Galiza Nova
Santiago: I Xornadas De Rosalía de Castro a nós. Unha análise dos cambios impulsados polas mulleres galegas desde os tempos de Rosalía
A 
Asemblea de Mulleres de Galiza Nova, dentro das actividades arredor do día 8 de marzo, Día Internacional das Mulleres, organiza as I Xornadas De Rosalía de Castro a nós. Unha análise dos cambios impulsados polas mulleres galegas desde os tempos de Rosalía. Nelas, a través do pensamento e da obra rosaliana abordaranse moi diversos temas que afectan directamente ás mozas galegas a día de hoxe como a situación laboral, a violencia de xénero, a memoria histórica das mulleres ou a resposta ante as políticas regresivas por parte da Xunta de Galiza. As mesmas terán lugar os vindeiros 17, 18, 31 de marzo e 1, 2 de abril en Santiago de Compostela. Todas as sesións serán no Salón de Actos da Biblioteca Pública Ánxel Casal (Avenida de Xoan XXIII, s/n.) agás o día 2 de abril que serán na Libraría Couceiro, na Praza de Cervantes. Aquí pode ser consultada toda a información.
