Arquivos da etiqueta: Manuel María

Lugo: Homenaxe a Manuel María

Publicado o por
convitelugo

Hoxe xoves 10 de decembro de 2009, ás 20.30 horas, no Círculo das Artes de Lugo, terá lugar a homenaxe a Manuel María Versos para sempre cantar polo seu quinto cabodano. Haberá un recitado de poemas a cargo de Santiago Fernández e Isidro Novo, e a representación da obra Aventuras e desventuras dunha espiña de toxo chamada Berenguela, peza dramática de Manuel María, musicada por Nani García e interpretada pola actriz María Inés Cuadrado e o cuarteto de clarinetistas “Xerión”. A entrada é de balde até completar aforo. Organiza a Área de Cultura e Deporte da Vicepresidencia primeira da Deputación de Lugo. Colaboran a Fundación Manuel María e a Asociación de Escritores en Lingua Galega.

Masiva asistencia á homenaxe a Manuel María na Coruña

Publicado o por

A Concellaría de Cultura da Coruña e a Fundación Manuel María encheron o pasado martes o Teatro Rosalía de Castro na homenaxe ao poeta da Terra Cha, Versos para sempre cantar. O xornal El Correo Gallego fíxose eco do rotundo éxito da convocatoria. Poden ver un pequeno resumo do acto neste vídeo:

Fonte: A Coruña Cultura

A Coruña: homenaxe a Manuel María

Publicado o por
convite
Picar sobre a imaxe para vela máis grande

O martes 8 de setembro no Teatro Rosalía Castro da Coruña, “VERSOS PARA SEMPRE CANTAR: HOMENAXE A MANUEL MARÍA”, cun recitado de poemas a cargo de Santiago Fernández e Dores Tembrás e a estrea da obra “AVENTURAS DE DESVENTURAS DUNHA ESPIÑA DE TOXO CHAMADA BERENGUELA”, unha peza dramática de Manuel María, musicada por Nani García e interpretada pola actriz María Inés Cuadrado e o cuarteto de clarinetes “Xerión”. Organiza a Concellaría de Cultura e Fundación Manuel María de Estudos Galegos. A función comeza ás 20:30 e a entrada é libre até completar capacidade.

Outeiro de Rei: xornada en lembranza de Manuel María

Publicado o por

O vindeiro 8 de setembro en Outeiro de Rei celebrarase unha xornada baixo o título Memoria da Chaira enteira no cabodano de Manuel María. Ás 15:00 haberá un xantar, seguido ás 17:00 por un recital en Penas de Rodas e unha hora despois unha ofrenda floral no cemiterio. No campo de Santa Sabela, a carón no Miño, farase entrega da navalla ofrecida pola Fundación Manuel María e Xermolos a Xulio Xiz. En Santa Sabela haberá tamén un recital de poesía e música coa interpretación da obra de Manuel María por Miro Casabella, Mini e Mero e Tino Baz, entre outros. Para apuntarse ao xantar cómpre chamar ao teléfono 646413890.

Moaña: homenaxe a Manuel María e Bernardino Graña

Publicado o por

Este sábado 20 de xuño Moaña homenaxea aos poetas Manuel María e Bernardino Graña co seguinte programa de actos:

19:30h. Rúa Bernardino Graña. Interpretación da Marcha do Antigo Reino de Galiza. Intervención do Alcalde de Moaña. Intervención da Asociación de Escritores en Lingua Galega. Descuberta da placa polo homenaxeado. Intervención de Bernardino Graña.

20:00h. Paseo do Poeta Manuel María. Descuberta da placa co nome de Manuel María por parte da súa viúva. Intervención de Saleta, compañeira de Manuel María. Recital de Poemas coa intervención de: Heitor Mera, Marta Dacosta, Anxo Angueira, Lucía Novas, Xosé Daniel Costas e Celso Parada. Interpretación do Himno Galego.

20:30h. Acto Musical no salón de actos do I.E.S. As Barxas. Banda e Coral Solfa (Santiago de Compostela). Tino Baz. Cantautor.

A Terra Chá lembra o cuarto cabodano de Manuel María

Publicado o por

Manuel Mar�a«Amigos e admiradores celebrarán o luns en Outeiro de Rei o cuarto cabodano do poeta Manuel María. A xornada comeza cun xantar na Casa Rural Reboreda de Abaixo e continuará, a partir das catro e medio da tarde, coa lectura de poemas de Manuel María en Penas das Rodas. […]» (Galicia-Hoxe)

Cabo de ano Manuel María

Publicado o por

O sábado 8 de setembro celebrarase o “Día de memoria e lealdade a Manuel María” (terceiro cabo de ano). Os actos previstos son os seguintes:

  • 12:00 horas (no Muíño do Rañego de Vilalba): Celebración literaria en honra de Manuel María arredor dos Soños na gaiola (con motivo dos trinta anos da súa publicación en portugués). Mesa Redonda. Colocación proba recordo desta publicación no Paseo dos Soños (propoñen levar un soño para lelo alí).

  • 14:00 horas: Xantar de irmandade no Restaurante Río Ladra de Gaioso (pregan confirmar asistencia nos tfnos 982372040 e 646 413890. Custa 17€ e debe facerse o ingreso na c.c. nº 0000100296 do Banco Pastor de Guitiriz).

  • 18:00 horas: Recital de poemas de Manuel María en Penas de Rodas (propoñen levar un poema para recitar alí).

  • 19:00 horas: Pregaria e ofrenda de flores no Cemiterio de Outeiro de Rei (pregan levar unha flor). De seguido no campo de Sta Isabel: Rito compartido: “A navalla de Manuel”. Recital de poesía e música: A Quenlla, Miro Casavella, Antón Valcarce e outras e outros.