Arquivos da etiqueta: Raquel Castro
Carlos Labraña gaña o IX Premio de Textos Teatrais Roberto Vidal Bolaño coa obra “Sós”
Desde Galaxia:
“O dramaturgo Carlos Labraña gaña o IX Premio de Textos Teatrais Roberto Vidal Bolaño pola obra Sós, segundo acordou por unanimidade o xurado reunido o pasado 21 de maio de 2026 na Biblioteca do IES Ribeira do Louro, no Porriño.
O xurado, integrado por Iván Caloto, Pepa Barreiro, Delio García Represas e Raquel Castro, destacou da peza “que sexa unha obra que aborda un tema de actualidade, a guerra, con especial tenrura e sensibilidade; ademais de pola súa linguaxe poética, escrita cun delicado coidado da lingua”.
Na acta do fallo tamén se subliña que “a dramaturxia xoga cunha estrutura que separa o universo íntimo e o máis social dándolle relevancia a partes iguais e as anotación son en realidade poemas que transmiten un sentimento profundo que te leva á reflexión”.
O xurado considerou ademais que se trata “dunha obra moi acaída para o público xuvenil pola temática actual que trata, tanto para a súa representación como para a súa lectura”. (…)”
Gres: entrega do Premio Anisia Miranda de Teatro para a Infancia a Raquel Castro e presentación de Os dedos e o monstro, de Francisco Antonio Vidal
Raquel Castro gaña o Premio Anisia Miranda de Teatro para a infancia
Desde Cultura Galega:
“A obra Perder o norte, de Raquel Castro Martínez (Salvaterra do Miño, 1971) resultou a gañadora da quinta edición do Premio Anisia Miranda de teatro para a infancia que convoca a Fundación Xosé Neira Vilas en colaboración coa Dirección Xeral de Cultura da Xunta. O xurado destacou da obra gañadora a súa proposta visual, así como o áxil ritmo dos diálogos no texto. Destacan tamén a actualidade do tema polo tratamento dos valores relacionados co medio ambiente e coa paz e tamén consideran moi positiva a presentación dos personaxes e a relación entre os nomes dos corpos celestes coa mitoloxía e as lendas. O galardón está dotado con 1.000 euros e a publicación da obra na Editorial Embora. A entrega terá lugar na sede da Fundación en Gres o día 24 de maio ás 18.00 horas, nunha xornada na que tamén se presentará o libro premiado na edición do 2024. Raquel Castro é profesora de lingua galega e literatura no ensino secundario, así como presidenta e fundadora da Asociación Teatral de Alxén dende 1999.”
O Porriño: actividades do 15 de maio na Feira do Libro 2026
Feira do Libro do Porriño 2026
Xornadas Gálix. Desfacendo a Raia XVII. Ensinar dende a LIX
Encontro Ensinar co teatro ou ensinar teatro: diante e detrás do pano, con Raquel Castro
Compostela: Xornadas Gálix. Desfacendo a Raia XVII. Ensinar dende a LIX
Compostela: “Ensinar co teatro ou ensinar teatro: diante e detrás do pano”, con Raquel Castro, o 4 de novembro
Esta actividade enfócase como continuación dos Cursos de Formación. Os camiños nas narrativas literarias e artísticas da Literatura Infantil e Xuvenil, dado que desde 2020 non se levaron a cabo no seu formato habitual anterior.
Está orientada á formación do futuro profesorado de Educación Infantil e Primaria, e a todo tipo de mediador/a, no seu quefacer profesional no marco de ámbitos básicos como son a formación artístico-literaria e a comprensión e expresión escrita e lectora.
O 4 de novembro terá lugar este encontro:
– Santiago. O 4 de novembro, de 19:00 a 20:30 horas, na Aula 1 da Facultade de Ciencias da Educación (Campus Norte) da Universidade de Santiago de Compostela: Conferencia Ensinar co teatro ou ensinar teatro: diante e detrás do pano, por Raquel Castro, presentada por Marta Neira Rodríguez.
Nos dous casos, a entrada será libre até completar a capacidade.
A AELG colabora con esta actividade da Universidade de Santiago de Compostela, ao abeiro do convenio coa Secretaría Xeral da Lingua.
