O mércores 3 de novembro, ás 20:00 h., no Museo do Verbum (Casa das palabras) de Vigo, a Lonxa Literaria de Moaña presenta o libro conservas de Xosé Daniel Costas Currás, obra gañadora do XXII Premio de Poesía Eusebio Lorenzo Baleirón do concello de Dodro e publicado pola editorial Sotelo Blanco. Soledad Ríos, presidenta da Lonxa Literaria presentarán ao autor e ao proxecto cultural da Lonxa. Asistirá á presentación o mestre e poeta Anxo Angueira e deseguido o autor fará un percorrido por diferentes poemas do libro.