Gañadores/as da décimo terceira edición do Premio literario Frei Martín Sarmiento

Desde o Premio Frei Martín Sarmiento:
“O día 9 de xuño coñecéronse os gañadores da décimo terceira edición do Premio Frei Martín Sarmiento, organizado polo departamento de Dinamización Lingüística de Escolas Católicas coa colaboración da Secretaría Xeral de Política Lingüística.
O acto, que estivo presidido por Juan Manuel Buján, presidente de Escolas Católicas de Galicia, contou coa presenza do secretario xeral de Política Lingüística, Valentín García así como coa de distintas personalidades do ámbito da cultura, ademais dunha representación do alumnado e dos pais que participaron no premio literario.
Os gañadores desta XIII edición do Premio Frei Martín Sarmiento foron:
– Educación Infantil
CÉ ORQUESTRA PANTASMA; Fíos do querer; S. Coop. Galega Miudiño.
– 1ª categoría: 1º e 2º de Educación Primaria
PINTO & CHINTO; A estrambótica Illa do Tesouro; E. Bululú.
– 2ª categoría: 3º e 4º de Educación Primaria
LÓPEZ DOMÍNGUEZ, XAN; Viaxe a Dragonia; Ed. Rodeira-Edebé.
– 3ª categoría: 5º e 6º de Educación Primaria
LÓPEZ LÓPEZ, XABIER; O home que sabía voar; Ed. Tambre.
– 4ª categoría: 1º e 2º de ESO
RIPALDA, XOSÉ LOIS; O inspector Chumbo; Ed. Ir Indo.
– 5ª categoría: 3º e 4º de ESO
ALFAYA, AN; A cea das enaguas; Ed. Tambre.
– 6ª categoría: adultos
SOLAR, MARÍA; As horas roubadas; Ed. Xerais.”

A Coruña: actos literarios destacados na Feira do Libro para o luns 5

O luns 5 de agosto continúa a Feira do Libro da Coruña (nos Xardíns de Méndez Núñez, con horario de 11:00 a 14:00 h. e de 18:00 a 22:00 horas), cos seguintes actos literarios destacados para ese día:

Luns 5
19:00 h. Máis Luzes para Galicia. Xornalismo e cultura en crise. Participan o escritor Manuel Rivas e o xornalista Xosé Manuel Pereiro. No acto presentarán o número cero da revista Luzes & República.
20:00 h. Sinatura de Manuel Rivas na caseta de información da feira.
20:00 h. Xosé Lois Ripalda firma na caseta de Librería Nós.
20:00 h. Presentación do libro Lambetadas de Larpeiros, de Merchi Rodal, publicada por Galaxia.

Vigo: actividades do sábado 2 e domingo 3 na Feira do Libro

Continúa a XXXVII Feira do Libro de Vigo (nos Xardíns da Praza de Compostela), aberta do venres 1 ao domingo 10 de xullo, con horario de 11:00 a 14:00 h. e de 18:00 a 22:00 horas.

As actividades máis destacadas do sábado 2 son as seguintes:
20:30 h. Presentación do libro infantil Alba, a princesa das sete coroas, de Amalia Pérez Otero, con ilustracións de Nieves González Pardo, publicado por Ir Indo Edicións. Xunto coa autora, participará no acto Xelasio Suárez Santiso, director da editorial. Ao remate, a escritora asinará exemplares do seu libro.

E as do domingo 3 son estas:
19:00 h. Presentación do libro infantil O camiño dos druídas, de Xosé Lois Ripalda, publicado por Ir Indo Edicións. Xunto co autor, participará no acto Xelasio Suárez Santiso, director da editorial. Ao remate, o autor asinará exemplares do libro.
20:00 h. Presentación do libro Guía didáctica dos instrumentos galegos, de Moisés Quintas, publicada por Ouvirmos. Xunto co autor, participará no acto o mestre artesán Antón Corral e José M. Aldea, en representación da editorial.
21:00 h. O humor na Feira do libro. Cunqueiradas, divertido monólogo do actor e autor Cándido Pazó, baseado en textos de Álvaro Cunqueiro.