Vigo: entrega do premio Concurso Balbino de Relatos a Xosé Alfredo Naz Fernández

O Museo do Mar de Vigo acolle o venres 10 de decembro, ás 18:00 h, a entrega do premio Concurso Balbino de Relatos ao gañador desta edición, o vigués Xosé Alfredo Naz Fernández, nun acto que servirá de presentación da obra premiada, o libro Gumes entre a néboa, publicado por Fervenza.

Lalín: presentación de Fondo rural, de Xoán Carlos García Porral

O 12 de novembro, ás 20:15 horas, no Museo Municipal Ramón María Aller Ulloa de Lalín, preséntase o libro Fondo Rural. Identidade social e estrutura familiar, de Xoán Carlos García Porral, publicado por Edicións Fervenza. No acto, o autor estará acompañado por Begoña Blanco Blanco, Celso Fernández Sanmartín e Xosé Crespo Iglesias.

Miño: presentación de Recortes de risa, de José Luís Graña Muíño

O 7 de novembro, ás 19:00 horas, no Centro Social da Rúa, en Miño, represéntanse as pezas +Positivo e O caso é furar, incluídas no libro de teatro Recortes de risa, de José Luís Graña Muíño, publicado por Edicións Fervenza.
O elenco de actores que interpretará a peza +Positivo inclúe a Alejandro Alonso, Amador Manuel Torre e J. L. Graña; mentres que para O caso é furar, a representación correrá a cargo de Adrián Agustín Vázquez, Andrea Montero, Manolo Bermúdez e Mara Guillén.
Ademais da representación teatral, durante o acto terá lugar unha mesa redonda sobre o contido do libro Recortes de Risa, e na que participarán o poeta e estudante universitario Adrián Agustín Vázquez; o profesor, ensaísta e tradutor Alberto Allegue; a música e educadora social Andrea Montero; e a concelleira de Cultura do Concello de Miño, Catalina Morado.

Compostela: presentación de Memorias dun profesor, de Xacobe Medina Dacasa

O 28 de outubro, ás 19:00 horas, na Facultade de Filosofía de Santiago de Compostela, Xacobe Medina Dacasa presenta o libro Memorias dun profesor, publicado por Edicións Fervenza. No acto, o autor estará acompañado polo músico e estudante de filosofía Raúl Temperán. Así mesmo, contarase cunha sorpresa musical a cargo do propio autor, Xacobe Medina. Cabe sinalar que o acto tamén será retransmitido pola canle de Youtube “xaco medina”.

Baiona: presentación de Cartas de Poboamento inéditas de Baiona e Monte Real, de Avelino Sierra

O 16 de outubro, ás 19:00 horas, no Hotel Bahía de Baiona preséntase o libro Cartas de Poboamento inéditas de Baiona e Monte Real, de Avelino Sierra, publicado por Fervenza. No acto, xunto ao autor, participa Valentín García, Secretario Xeral de Política Lingüística.

Corcubión: presentación de Pallaso, de Fernando Castro

A Capela do Pilar, en Corcubión, acolle o venres 15 de outubro, ás 20:00 horas, a presentación do libro de teatro Pallaso, de Fernando Castro, obra gañadora do Premio de Teatro Varela Buxán, publicado por Edicións Fervenza. O acto incluirá a lectura dramatizada dunha das escenas da obra por parte das actrices Elisa Lema, Andrea Rodríguez e Lucía Senra, de Farándula Velutina.

Vigo: Mamasunción. Como facer unha película a través da mirada de Chano Piñeiro, de Pedro Sancho

O 13 de outubro, ás 19:00 horas, no Salón de Actos do Museo do Mar de Galicia, en Vigo, preséntase o libro Mamasunción. Como facer unha película a través da mirada de Chano Piñeiro, de Pedro Sancho, publicado por Edicións Fervenza. En dito acto, o autor estará acompañado pola directora do Museo do Mar de Galicia, Marta Lucio; Mari Luz Montes, viúva de Chano Piñeiro; e o secretario xeral de Política Lingüística da Xunta de Galicia, Valentín García.