Arquivos mensuais: Decembro 2011

Bases do Certame de poesía sobre os faros da Costa da Morte

Publicado o por

“O Seminario de Estudos Comarcais da Costa da Morte (SEMESCOM) convoca o Certame de Poesía sobre os Faros da Costa da Morte para poñer en valor a riqueza paisaxística e turística que teñen estes sinais luminosos da nosa costa, e máis concretamente da Costa da Morte, é dicir aquela que abrangue dende as illas Sisargas ata o Monte Louro. A razón da escolla dun certame de poesía é a de continuar o labor de grandes escritores galegos que se viron inspirados nestes senlleiros edificios, como foi o caso de Gonzalo López Abente, Xervasio Paz Lestón, Antón Zapata García ou Miro Villar. A realización deste certame ten lugar grazas ao Proxecto Singular Percorrendo Vieiros da Costa da Morte aprobado pola Deputación da Coruña.

As bases polas que se rexerá o Certame son as seguintes:

1. Establécense tres categorías: na primeira poderán participar os nenos e nenas que teñan ata 12 anos; a segunda vai dirixida a rapaces de entre 13 e 16 anos; e a terceira a todos aqueles autores maiores de 16 anos. A idade contémplase con data de 1 de xaneiro de 2011.
2. Os traballos presentados deberán ser orixinais e inéditos, escritos en lingua galega, e terán como temática os Faros da Costa da Morte (das Sisargas ao Monte Louro). Cada persoa poderá presentar os traballos que quixer.
3. Non é requisito imprescindible que cada traballo conste dun único poema, mais si que teñan no seu conxunto unha relación. Non hai límite na súa extensión (malia todo, recoméndase que non supere os 200 versos).
4. O SEMESCOM establece para este Certame tres premios en cada categoría, coa seguinte dotación económica: a) Para a 1ª categoría, un vale para mercar libros ou xogos cuxo importe é distribuído do seguinte xeito: 1º premio: 75 euros; 2º premio: 50 euros; 3º premio: 25 euros. b) Para a 2ª categoría, un vale para mercar libros ou xogos cuxo importe é distibuído do seguinte xeito: 1º premio: 100 euros, 2º premio 75 euros e 3º premio 50 euros c) Para a 3ª categoría establécense as seguintes cantidades: 1º premio: 500 euros; 2º premio: 350 euros; 3º premio: 200 euros.
5. Os traballos enviaranse ao seguinte enderezo: Seminario de Estudos Comarcais, Rúa Vilar, 12 2º esq. 15.129 VIMIANZO. De cada traballo entregaranse 3 (tres) copias mecanografadas, escritas por unha soa cara, e grampadas ou encadernadas. Deberanse presentar nun sobre sen remitente indicando: PARA O CERTAME DE POESÍA SOBRE OS FAROS DA COSTA DA MORTE e a categoría na que participa. Dentro, acompañando o traballo, debe figurar un sobre pechado no que conste: no exterior, o lema do autor (que figurará tamén na primeira folla do traballo); e no interior, o nome e apelidos do autor, o NIF, o enderezo, o número de teléfono e o correo electrónico.
6. O prazo de admisión de orixinais rematará o 30 de decembro de 2011.
7. O xurado estará composto por tres membros: presidirao o presidente do SEMESCOM, ou persoa na que delegue, e dúas persoas máis de recoñecido prestixio no ámbito literario. A súa composición farase pública unha vez se peche o prazo de entrega dos orixinais.
8. Se o xurado estima que a calidade dos traballos así o require, pode declarar desertos un, dous ou os tres premios en calquera das categorías.
9. As deliberacións do xurado son secretas e delas estenderase acta correspondente. O xurado fará público o resultado a través dos medios de comunicación no día no que se falle o premio. Tamén se lles comunicará aos gañadores, quen se comprometerán a acudir a recibir o premio.
10. A concesión do premio non supoñerá a perda dos dereitos do autor do traballo. Non obstante, o SEMESCOM resérvase o dereito a publicar os traballos premiados.
11. Calquera incidencia non prevista nestas bases será resolta polo xurado.
12. O feito de participar supón a aceptación destas bases.”

Santiago: presentación de Contos da terra da tarde, de Bieito Iglesias

Publicado o por

O martes 20 de decembro, ás 20:00 horas, na Libraría Couceiro (Praza de Cervantes, 6) de Santiago de Compostela, preséntase o libro Contos da terra da tarde, de Bieito Iglesias, publicado en Galaxia. No acto participan, xunto ao autor, Carlos Lema e Manuel Outeiriño.

Xosé Daniel Costas: “Una marioneta tiene más vida que un personaje real”

Publicado o por

Entrevista a Xosé Daniel Costas en La Opinión:
“(…) – La Opinión (LO): El jurado destaca de su poemario ‘su estructura auténticamente novedosa’.
– Xosé Daniel Costas Currás (XDCC): Es un poemario estructurado en seis partes. El primer poema de cada parte presenta al personaje o personajes, el siguiente es la escena donde se desarrolla y a partir de ahí sale cada parte del poema.
– LO: Tiene cierta similitud con el teatro…
– XDCC: Sí. Tiene cierta idea de estar leyendo algo y verlo claramente. Es algo original y loco. Dos de mis pasiones son la poesía y el teatro y aquí conjugo las dos, sobre todo después del interés que despiertan en mí el teatro de monicreques. Una marioneta tiene mucha más vida que un personaje real.
– LO: Tiene varios poemarios publicados y ha ganado varios premios. ¿Todos son tan locos?
– XDCC: Conservas, el primero que publiqué, es un poemario muy personal, donde hablo de mi infancia en Meira (Moaña), de la infancia de quienes vivimos la reconversión naval. Tiene poco que ver con este, pero sí, siempre intento que la poesía tenga diferencia; no presentar algo anodino, dar una hostia con el verso, que alguien que lo lea diga: ‘Qué guay’ porque los escritores escribimos para que nos lean. Tengo 30 años e intento que me lea gente de mi edad. Por eso también tengo que aportar otra cosa. Afortunadamente en Galicia tenemos una gran calidad de poetas y autores de teatro. (…)”.

Santiago: recital poético Picaversos, con Paco Macías, Iago Martínez e Mario Regueira

Publicado o por

O martes 20 de decembro, a partir das 21:00 horas, no Modus Vivendi (Praza de Feixoo) de Santiago de Compostela, chega outra edición do ciclo de lecturas poéticas Picaversos, en homenaxe a Lois Pereiro. Paco Macías, Iago Martínez e Mario Regueira lerán textos do poeta monfortino, co que o público asistente poderá escoitalo na voz deles e gozar, tamén, dalgunha das súas lecturas e músicas favoritas.

Ourense: recital de poesía a cargo de Celsa Barja

Publicado o por

O martes 20 de decembro, ás 17:30 horas, no Salón de Actos do Espazo Xove (Rúa Celso Emilio Ferreiro, 27) de Ourense, Celsa Barja dará un recital poético especialmente dedicado á Asociación de Familiares de Enfermos de Alzheimer de Ourense (AFAOR), dentro das actividades previstas nese recinto polo Día Internacional da Solidariedade. No acto, en que estará acompañada pola música de Israel Elíaz, poranse á venda exemplares do seu poemario Espindo un bico, destinando o 50% da mesma á AFAOR.

A Real Academia Galega sinala que non todos os anos se pode “ter un Lois Pereiro”

Publicado o por

Artigo de Camilo Franco en La Voz de Galicia:
“A Real Academia Galega está a punto de pechar o libro Lois Pereiro para abrir o libro Valentín Paz Andrade. A institución clausurou onte o congreso sobre o poeta case como punto final a un ano que distintas voces sinalaron como diferente no histórico das celebracións do Día das Letras Galegas. O presidente da Academia, Xosé Luís Méndez Ferrín, apuntou ao finalizar o congreso que a institución «escolle ben aos homenaxeados, pode haber autores menos divertidos, pero todos son importantes e todos os anos non podemos ter un Lois Pereiro».
Para o presidente da RAG o congreso finalizado onte culminou un ano intenso arredor do poeta e no que se demostrou que a academia «pensa ben». Ferrín explicou que dedicarlle o día «a Lois Pereiro non era ningún risco, risco foi cando llo dedicamos a María Mariño». Admitiu que este ano foi distinto «como é cada ano» engadindo que os autores poden gustar máis ou menos, pero a academia «é un tanque de pensamento dos mellores do país». Puxo de exemplo a importancia de Valentín Paz Andrade con que, explicou, «imos poder repasar case todo o século XX en Galicia e creo que é un asunto moi importante aínda que pareza menos divertido».
Na valoración do Congreso, o presidente apuntou dúas características fundamentais. «A participación maioritaria no mesmo foron poetas, co que temos a interpretación da poesía desde dentro e por tamén tivemos a ollada externa que nos deu Gimferrer e que colocou a Pereiro como un dos grandes de Europa».
Para o escritor Manuel Rivas o congreso e as celebracións de Lois Pereiro demostraron que era un poeta que ligaba «o individual e o colectivo, unha ponte entre o eu e o nós» e este carácter da poesía de Pereiro «escenificouse dunha maneira na que as celebracións non foron un culto á personalidade, senón un campo fértil e moi creativo e participativo».”

Santiago: rolda de prensa sobre Fantasmas da luz, de Agustín Fernández Paz

Publicado o por

O luns 19 de decembro, ás 12:00 horas, na Libraría Couceiro (Praza de Cervantes, 6) de Santiago de Compostela, terá lugar unha roda de prensa sobre o libro Fantasmas de luz, de Agustín Fernández Paz. No acto, xunto ao autor, participará Manuel Bragado.