O 
venres 10 de decembro, ás 16:00 h., no Auditorio de Galicia (Sala Ángel Brage) de Santiago de Compostela, e dentro do Foro Compostela, terá lugar unha conferencia de Francisco Castro titulada John Lennon embaixador da paz, 30 anos do seu pasamento. Give peace a chance.
Arquivo da categoría: Conferencias
Ramón Villares: “Brañas non está morto”
Ponteceso: conferencia de Darío Xohán Cabana no Outono Pondaliano
O 
martes 30 de novembro, a partir das 16:00 h., na Fundación Eduardo Pondal de Ponteceso, proseguen as actividades do Outono Pondaliano, coa conferencia de Darío Xohán Cabana sobre De Pondal a Novoneyra. O programa completo pódese consultar aquí.
Ponteceso: conferencia de Anxo Angueira no Outono Pondaliano
O martes 23 de novembro, a partir das 16:00 h., na Fundación Eduardo Pondal de Ponteceso, proseguen as actividades do Outono Pondaliano, coa conferencia de Anxo Angueira sobre Rosalía, a musa dos poetas. Posteriormente, a partir das 19:45 desenvolverase un recital cívico rosaliano en conmemoración do 125 aniverrsario do pasamento da poeta. O programa completo pódese consultar aquí. Vía Fervenzas Literarias.
Ponteceso: conferencias de Sechu Sende no Outono Pondaliano
O martes 16 de novembro, a partir das 16:00 h., na Fundación Eduardo Pondal de Ponteceso, proseguen as actividades do Outono Pondaliano, coa conferencia de Sechu Sende sobre Os prexuízos lingüísticos desde Eduardo Pondal ata hoxe. O programa completo pódese consultar aquí. Vía Fervenzas Literarias.
A Coruña: Ricardo Carvalho Calero: (Re)nacer cen anos despois, por Mercedes Queixas
O mércores 
17 de novembro, a partir das 20:00 h., na Casa Museo Casares Quiroga (Rúa Panadeiras, 12) da Coruña, desenvólvese unha conferencia de Mercedes Queixas sobre Ricardo Carvalho Calero: (Re)nacer cen anos depois.
A Coruña: conferencia de Xulio Pardo de Neyra sobre A xestación da literatura infantil galega
O 
martes 16 de novembro, a partir das 20:00 h., na Fundación Caixa Galicia (Cantón Grande, s/n.) da Coruña, Xulio Pardo de Neyra, doutor en Filoloxía Galega e en Historia Contemporánea, e docente da Universidade da Coruña, falará sobre A xestación da literatura infantil galega, dentro do ciclo Lingua, Literatura e Nación que organiza a A. C. O Facho.
A Coruña: conferencia sobre Israel-Palestina, a cargo de Lois Diéguez
O 
venres 12 de novembro, a partir das 20:00 h., en Portas Ártabras (Rúa Sinagoga, 22), na Coruña, terá lugar unha conferencia, ilustrada de imaxes, sobre Israel-Palestina: o pasado, a situación hoxe, visión persoal do escritor Lois Dieguez, a raíz da última viaxe realizada por un grupo do colectivo de Amigos dos Museos de Galicia.
Lugo: III Xornadas de Literatura de Tradición Oral
As 
III Xornadas de Literatura de Tradición Oral, organizadas pola Asociación de Escritores en Lingua Galega (AELG), co patrocinio da Deputación de Lugo. Vicepresidencia Primeira, reunirán na cidade de Lugo (no Salón de Actos da Deputación de Lugo, rúa San Marcos, nº 8) entre o venres 5 e o sábado 6 de novembro, a unha serie de expertos ao redor do tema Mitoloxía da morte: agoiros, ánimas e fantasmas, baixo a coordinación xeral de Antonio Reigosa e Isidro Novo. O programa é o seguinte:
Venres 5 de novembro.
17:00 h. Inauguración, coa presenza de Antón Bao, Vicepresidente da Deputación de Lugo e Cesáreo Sánchez, presidente da AELG.
17:10 h. Conferencia As narrativas sobre a morte na cultura tradicional galega: estratexias de posta en valor, por Marcial Gondar Portasany.
18:10 h. Conferencia Da morte á Morte na cultura popular catalá, por Joan Soler.
De 19:10 a 20:00 h. Mesa redonda sobre A morte pre-vista. Participan: Marcial Gondar Portasany e Joan Soler i Amigó. Modera: Antonio Reigosa.
Sábado 6 de novembro
10:30 h. Conferencia Representación da morte na narrativa oral, por Camiño Noia.
11:30 h. Conferencia Ánimas, aparecidos e mortos en compaña na tradición galega, por Xoán Ramiro Cuba.
De 12:30 a 13:30 h. Mesa redonda sobre Mortos de ida e volta. Participan: Camiño Noia e Xoán Ramiro Cuba. Modera: Isidro Novo.
Vigo: conferencia de Xesús Alonso Montero sobre Bibliofilia na Galicia do século XX. A personalidade de Fermín Penzol
O 
xoves 28 de outubro, ás 20:00 h., no salón de actos da Casa Galega da Cultura (Praza da Princesa, s/n.) de Vigo, terá lugar unha conferencia co título: Bibliofilia na Galicia do século XX. A personalidade de Fermín Penzol, a cargo do profesor Xesús Alonso Montero.
