Presentación n’ A Coruña de Seavia é nome de parroquia, de José Antonio Andrade Figueiras

O xoves 20 de setembro, ás 20:30 horas, terá lugar a presentación do libro Seavia é nome de parroquia, de José Antonio Andrade Figueiras. No acto, ademais do autor, estarán presentes diversas personalidades da comarca de Bergantiños, territorio no que se sitúa a acción do libro. Será na Asociación Cultural Alexandre Bóveda d’ A Coruña.

Presentación n’ A Coruña de “Literatura galega de vangarda”, de Xulio Pardo de Neyra

Xulio Pardo de Neyra presentará o luns 6 de agosto o seu libro Literatura galega de vangarda. A iconoclastia rupturista dos primeiros manifestos galegos, publicado por 3C3 Editores, ás 19.00 horas na Feira do libro d’ A Coruña (Xardíns de Méndez Núñez). Participarán en el acto Antonio Puentes Chao y X. Amancio Liñares Giraut.

Presentación en Vimianzo dun traballo etnográfico de X. Mª Lema e R. Mouzo sobre a Terra de Soneira

O 17 de xuño, ás 13:30 horas na Área recreativa de Mosquetín (Salto-Vimianzo), presentarase a obra O conxunto etnográfico dos batáns e muíños do Mosquetín, na Terra de Soneira. Outros batáns, folóns ou pisóns de España e Portugal (Seminario de Estudos Comarcais da Costa da Morte), de X. Mª Lema Suárez e R. Mouzo Lavandeira.

Santiago: presentación de “Outro mundo é posíbel: o reino da necesidade de Vandana Shiva”, de Anna Cervera i Iglesias

A presentación do libro Outro mundo é posíbel: o reino da necesidade de Vandana Shiva, de Anna Cervera i Iglesias (Baía Edicións – Servizo Galego de Igualdade), terá lugar en Santiago o próximo martes día 5 de xuño, ás 19:00 horas, na Sala de Conferencias da Fundación Eugenio Granell (Praza do Toural). Intervirán, ademais da autora, Ana Luísa Bouza Santiago (Directora Xeral do SGI) e María Xosé Agra Romero (Profesora da USC).

Convocatoria australiana sobre a literatura actual

Desde a revista Antípodas (Journal of Hispanic and Galician Studies) chega a convocatoria do número XXII coa intención de documentar o “Panorama da escrita en lingua galega entre os séculos XX e XXI”. É un proxecto que nace da colaboración entre Antípodas (Journal of Hispanic and Galician Studies) e a Universidade da Coruña:

“Convidamos a participar neste volume dedicado a escrita actual en galego a todos os especialistas e investigadores no eido da literatura galega no cambio de século (aproximadamente entre 1990 e hoxe), aínda que tamén poden remitirse artigos en torno a literatura escrita en lingua galega e publicada despois do ano 1975. Antípodas pretende poñer ó día o momento literario de Galicia e, asemade, presentar un panorama dos autores máis novos que están xa a publicar con éxito. Estamos á procura de artigos orixinais que permitan olladas novedosas, diferentes enfoques da crítica, e, nesa mesma liña, aportacións no eido poscolonial, a literatura comparada ou os estudos de xénero. Os traballos deberán versar, preferentemente, sobre a producción literaria de autores en lingua galega que acadaron un certo nivel de notoriedade a partir do ano 1990, e aqueles outros máis novos que están agora acadando os primeiros recoñecementos polo seu labor literario. Antípodas desexa, deste xeito, analizar a situación da literatura en galego e tamén as súas perspectivas cara ó futuro máis inmediato […].”

Prazo para o envío dos traballos completos: 15 de Decembro de 2007. Pódese obter máis información na web da revista.

Presentación d’ “A Escola Dramática Galega na configuración do sistema teatral”, de Carlos Biscainho

Este venres 11 preséntase o libro A Escola Dramática Galega na configuración do sistema teatral, de Carlos Biscainho, con Francisco Pillado, Manuel Lourenzo e Dores Sánchez Alegre. Será ás 20:30 horas no local da Asociación Cultural Alexandre Bóveda da Coruña (Rúa Olmos, 16-18, 1º).

Presentación de “Saudar a vida”, de Xavier Seoane

O ensaio Saudar a vida. Unha defensa das humanidades na sociedade do coñecemento, de Xavier Seoane, será presentado o xoves 19 de abril, ás 20:00 horas, na Galería Sargadelos d’A Coruña (Rúa Real, 56). No acto, que contará coa participación de Manuel Gallego Jorreto, participarán tamén Cesáreo Sánchez Iglesias, Manuel Bragado (Edicións Xerais) e o propio autor.

Preséntase en Compostela «Clío nas ondas», de Ramón Villares

No acto de presentación de Clío nas ondas. De libros, persoas e sazóns de Ramón Villares intervirán Virxilio Costas (director da Radio Galega), Ana Romaní (directora do Diario Cultural da Radio Galega e autora do epílogo do libro), Amancio Liñares (director editorial de tresCtres) e o propio autor. Terá lugar no Club Internacional de Prensa (Avda. da Coruña, 6-Baixo, Santiago de Compostela) o mércores 11 de abril ás 12:00 hs.