Kalandraka deu a coñecer as bases do III PREMIO INTERNACIONAL DE POESÍA INFANTIL CIUDAD DE ORIHUELA, co prazo aberto para a presentación de traballos en castelán até o 20 de setembro de 2010. Bases: PDF, 563 KB.
Arquivo da categoría: Infantil e xuvenil
Ás de bolboreta, seleccionado para os White Ravens
Segundo informa a editorial Xerais, “a novela Ás de bolboreta de Rosa Aneiros foi seleccionado para formar parte da prestixiosa exposición The White Ravens 2010 que a Internationale Jugendbibliothek organiza anualmente no marco da Feira del Libro per Ragazzi de Bologna”. A exposición contén 250 libros infantís e xuvenís en máis de trinta idiomas e vai acompañada dun catálogo en inglés coas informacións bibliográficas e reseñas de todos os títulos.
A Coruña: concerto-presentación do libro disco Tic Tac
O Forum Metropolitano da Coruña acolle o vindeiro domingo 21 de marzo ás 18.00 horas a presentación do libro-disco Tic-Tac do músico coruñés Pablo Díaz, nun acto que contará coa colaboración de músicos como Xabier Díaz, Carmen Re, Pedro Lamas, Diego Rodríguez Sánchez, As Axeitiñas e o grupo Ruote entre outros. O concerto comezará ás 18.00 horas e o prezo das entradas é de 5 euros (carné xoven, maiores de 65 anos e desempregados, 3 euros).
O Salón do Libro de Pontevedra homenaxea a Agustín Fernández Paz
Mañá sábado 13 de marzo ás 13:00 o Salón do Libro Infantil e Xuvenil de Pontevedra tributa unha homenaxe a Agustín Fernández Paz. O acto celebrarase no Auditorio do Pazo e contará coa intervención de Xabier P. DoCampo e a actuación de Mini e Mero.
Vigo: Yolanda Castaño presenta Punver de volta
Yolanda Castaño e Eduardo Hermida, ilustrador do libro, van contar a historia do verme punki este sábado 13 de marzo na Casa do Libro de Vigo. Será a partir das 12 horas, con entrada libre.
Ferrol: presentación de libros na Galería Sargadelos
Mañá xoves 11 de marzo na Galería Sargadelos de Ferrol terá lugar a presentación dos libros de Edicións Embora titulados O país dos mandóns, A urna dos desexos e O segredo de flora. No acto participarán Paloma Rodríguez e Cristina Justo (autoras) e Spela Trobec (ilustradora).
Santiago: presentación da colección infantil “A igualdade conta”
Ferrol: Yolanda Castaño presenta o libro Punver de volta
Mañá sábado 27 de febreiro ás 12 horas na Galería Sargadelos de Ferrol terá lugar a presentación do libro PUNVER DE VOLTA, coa participación da autora Yolanda Castaño e o ilustrador Eduardo Hermida.
A Coruña: presentación do libro-disco Tic-Tac
O músico Pablo Díaz presenta este venres 19 de febreiro a partir das 18:00 horas, no Fórum na FNAC (A Coruña), un concerto para todos os públicos con algúns temas deste traballo. No espectáculo van participar, entre outros artistas, Carmen Rey e Xabier Díaz.
Editado por Kalandraka, Tic-Tac contén cancións do músico coruñés Pablo Díaz e ilustracións de Marc Taeger, deseñador suizo afincado en Galicia, e conta con numerosas colaboracións musicais: Xabier Díaz, Guadi Galego, Carmen Rey, Ruote… así como as achegas de Santiago Auserón e de Xurxo Souto no prólogo e no epílogo da obra, respectivamente.
Salón do Libro Infantil e Xuvenil: axenda do venres 12 de febreiro
O contacontos “Carballo con botas” de Papaventos visita o Centro Cultural de Monteporreiro mañá venres 12 de Febreiro ás 17:30 horas na derradeira xornada das “Tardes na sala”. As exposicións do Salón do Libro, ubicadas no Pazo da Cultura, pódense visitar de Martes a Venres de 17:00 horas a 21:00 horas. Os Sábados permanecerán abertas entre as 11:00 horas e as 14:00 horas e tamén polas tardes no horario xa citado. Os domingos e festivos só abrirán as súas portas en horario matinal, mentres que o luns permanecerán pechadas.
