Fina 
Casalderrey participará, convidada polo Instituto Cervantes de Hamburgo, na celebración do Día Internacional da Lingua Materna, que terá lugar o 21 de febreiro 2011 na sede desa institución na devandita cidade. Durante o acto, unha persoa lerá un texto da escritora galega en alemán e a continuación será a propia escritora quen o faga en galego. O acto será presentado por Veljka Ruzicka Kenfel profesora da Universidade de Vigo, especialista en tradución e literatura infantil, e nel participarán tamén a escitora Gemma Lienas que fará o mesmo en catalán, e o escritor Patxi Zubizarreta, que representará ao éuscaro. A nova ven a través de Xerais e tamén é recollida en Galicia Hoxe. En relación coa celebración deste día en Galicia: Galicia Hoxe.
Arquivo da categoría: Internacional
Tres días para Galicia en Kerry
Manuel Rivas participa no Día Mundial das Linguas Maternas na UNESCO, e comeza a publicación da súa obra en Brasil
Os 
escritores Manuel Rivas e Kirmen Uribe foron convidados a participar, os días 7 e 8 de febreiro, nos actos de celebración do Día Mundial das Linguas Maternas da UNESCO na sala dos Dereitos Humanos en Bruxelas, onde impartirán cadanseu recital poético nas súas respectivas linguas maternas, galego e eúscaro, con acompañamento musical. Ademais, ambos os dous escritores participarán en diversos actos, encontros e conferencias. Por outra banda, a editorial brasileira Tinta Negra (São Paulo) publica este mes de febreiro Que me queres, amor?, de Manuel Rivas, o primeiro chanzo para a publicación da obra completa de Rivas, responsabilidade que asume esa editora para todo o Brasil. A nova ven a través de Xerais. Aparece recollida tamén en Galicia Hoxe.
Jan estivo alí, de Xosé Antón Neira Cruz, sae en coreano
Cultura e Gálix estudan a proxección exterior
O colectivo Tender a man levará a Múnich e Tokio a poesía galega actual
Dicionario do estremecemento, de Miguel Anxo Fernán-Vello, en italiano
A Poetry Review achega a obra de vinte poetas galegos actuais chega aos lectores británicos
Novas traducións da Biblioteca Compostela
Que me queres, Amor?, de Manuel Rivas, será traducido ao chinés
A editorial chinesa Shanghai 99 realizará unha edición de 8.000 exemplares de Que me queres, Amor?, o libro de de relatos co que Manuel Rivas obtivo o Premio Nacional de Narrativa en 1996. O proxecto asinado coa editorial chinesa supón continuar coa edición do resto da obra narrativa de Manuel Rivas. Vía Xerais. Tamén recollido en Galaxia, Galicia Hoxe e Xornal.
