Arquivo da categoría: Narrativa
Arantza Portabales: “Estaba nun momento escuro e a literatura veu para salvarme, escribín este libro sen máis pretencións”
Entrevista de Pilar G. Rego a Arantza Portabales no Zig-zag da Televisión de Galicia:
“”E vivían todos xuntos nunha casa torta. Así somos. Tampouco é que a casa sexa tan pequena, pero torta, iso seguro”. A cita coa é da novela Crooked house de Agatha Christie, coa que Arantza Portabales abre a súa nova nova novela Asasinato na casa rosa. Unha familia rica, un asasinato e dous inspectores de policía tecen o argumento deste libro que arranca unha nova serie, Os crimes de Loeiro. A entrevista pode verse aquí.”
Compostela: encontro con lectoras e lectores arredor de Cereixas roubadas, das Comadres das Letras
Lugo: presentación de Arredor do cuarto pequeno, de Xosé Manuel do Castro
Ourense: presentación de Dormen baixo terra, de Alba de Evan
Vigo: presentación de As aventuras de Joe e Fonte. Joe e Fonte múdanse a Mondariz-Balneario, de Aurora Corbacho
Compostela: presentación de O mergullador das verbas, de Majo Villar
Compostela: presentación de Conta, Sherezade, de Suso de Toro
Crónica fotográfica da Polavila Xabier P. DoCampo. Na memoria 2025
Estas son algunhas das fotografías da Polavila DoCampo, que tivo lugar o 3 de abril no Pazo de San Marcos. Deputación de Lugo, organizada pola Iniciativa Polavila Docampo, a Deputación de Lugo e a Asociación de Escritoras e Escritores en Lingua Galega, coa colaboración de da Asociación Galega do Libro Infantil e Xuvenil (Gálix) e ProLingua. A crónica fotográfica completa pode verse aquí (fotografías enviadas por Ghanito).
A Coruña: “Homenaxe a Castelao: Arte, Narrativa e Teatro”
O 8 de abril, ás 19:30 horas, na A. C. Alexandre Bóveda (Rúa Santo André, 36, 1º), na Coruña, o grupo Alexandre Bóveda Teatro súmase ao aniversario de Castelao cun espectáculo que combina diferentes expresións artísticas inspiradas na obra do autor. A través de debuxos que evocan os seus contos, narrados polos intérpretes do grupo, e a representación dun fragmento da súa célebre obra dramática Os vellos non deben de namorarse, o público poderá mergullarse no universo creativo de Castelao. Dirixe a montaxe Manuela Varela. As persoas interesadas poden inscribirse aquí.
