Arquivo da categoría: Narrativa
Miguel Anxo Murado no III Encontro Cidade da Coruña
Organizado conxuntamente pola Asociación de Escritores en Lingua Galega e a Concellaría de Cultura do Concello da Coruña, o mércores día 28 do mes que andamos, ás 20,00 horas, terá lugar na sede da Real Academia Galega (Rúa Tabernas 11, A Coruña) a segunda conferencia inscrita no III Encontro Cidade da Coruña, nesta ocasión a cargo de Miguel Anxo Murado, baixo título “Inventar un lugar en vez dunha historia”. Ler máis.
A Coruña: presentación do libro de Yolanda Castaño Mariña surrealista
Mércores 28;
20:00;
Museo de Belas Artes da Coruña;
Entrada libre até completar aforo.
A presentación do libro de Yolanda Castaño Mariña surrealista, conto infantil ilustrado por Xosé Cobas, contará coa colaboración de Pedro A. Ramos García.
Lalín: comezan as xornadas sobre Neira Vilas na UNED
Miguel Anxo Murado no III Encontro Cidade da Coruña
Organizado conxuntamente pola Asociación de Escritores en Lingua Galega e a Concellaría de Cultura do Concello da Coruña, o mércores día 28 do mes que andamos, ás 20,00 horas, terá lugar na sede da Real Academia Galega (Rúa Tabernas 11, A Coruña) a segunda conferencia inscrita no III Encontro Cidade da Coruña, nesta ocasión a cargo de Miguel Anxo Murado, baixo título “Inventar un lugar en vez dunha historia”. O III Encontro Cidade da Coruña, baixo lema “Literatura e viaxe”, contou xa coa presenza do poeta arxentino Juan Gelman, e acollerá a Hélia Correia (5 de maio), Alberto Manguel (11 de maio) e a Xavier P. Docampo (19 de maio). Autor galego dunha prolífica obra narrativa, poética, ensaística e dramática, Miguel Anxo Murado cubriu como xornalista as guerras de Croacia e Bosnia e mais a Segunda Intifada Palestina. Durante as súas estadías en Oriente Medio traballou como oficial de prensa das Nacións Unidas, asistindo ao goberno palestino e, máis tarde, como correspondente en Xerusalén do diario El Mundo, xermolo dos volumes Fin de século en Palestina, A segunda Intifada ou Ruído. Presentará ao conferenciante Mercedes Queixas, secretaria xeral da Asociación de Escritores en Lingua Galega.
Compostela: presentación do libro Níxer, de Francisco X. Fernández Naval, Camilo Franco, Alfonso Costa, Moustapha Bello Marka
O acto, que contará coa participación de Alfonso Costa, Camilo Franco, Francisco Fernández Naval, Isabel Iglesias Santos e Manuel Bragado, terá lugar o vindeiro mércores, 28 de abril, ás 20:15 horas no Casino de Santiago na rúa do Vilar.
Ferrol: presentación de A do 21, de Hixinio Puentes
A Galería Sargadelos convídanos á presentación do libro de Hixinio Puentes, A do 21, premio Vicente Risco 2009, da editorial Sotelo Blanco. O acto terá lugar mañá martes, 27 de abril ás 20 horas coa participación de Elia Rico e o propio autor.
Vigo: presentación de Settecento, de Marcos Calveiro
Settecento será presentada no Auditorio David Russell do Conservatorio Profesional de Música de Vigo, o vindeiro martes, 27 de abril, a partir das 19:30 horas, nun acto que contará coa participación do autor, de Manuel Candelas (Arume dos piñeiros) e da Orquestra de Corda «CMUS Profesional de Vigo», dirixida por Edita Shulman, que interpretará o concerto «Alla Rustica» de Antonio Vivaldi.
A despedida de Suso de Toro
Suso de Toro: «Hai deceséis anos que son escritor profesional, traballador autónomo, e deixearei de selo nos próximos meses. Fun escritor de oficio en lingua galega e vivindo na miña cidade, Santiago, non estivo nada mal, agora volverei a ocupar unha praza de profesor nun liceo ( o mesmo no que tiven a miña primeira praza hai vintetantos anos, unha curiosa viaxe no tempo cara atrás). Sinto que terei que facer unha reflexión sobre o que foi esta aventura e sobre por que remata. Esta madrugada imaxinei dous títulos para esa explicación que debo facer para min propio: “Adeus a todo iso” ou “A fin da escapada”. Hai títulos que xa veñen feitos. Mentres, estes meses, voume despedindo xa de cousas. […]»
Isto provoucou unha súbita reacción dos medios:
“A vida son máis cousas: a miña carreira literaria como tal remata aquí”
Suso de Toro: “Xa escribín o que quería escribir, cambio de oficio”
“Adeus a todo iso”
E o escritor tivo que saír ao paso do que se convertía en toda unha noticia no sistema literario: «Non imaxinaba que un apuntamento no blog desencadenase a noticia, pretendía irme despedindo da vida de escritor a modo. E unha decisión que ven xa de tempo. Ando aínda a promocionar o último libro, o que un faga haino que facer até a fin e o mellor que se poda, a que volva do Sant Jorsdi terei que sentarme a dar unha explicación de modo. Desculpas e grazas.» (Suso de Toro)
A Coruña: presentación de O grito do Ipiranga, de Luís Manuel García Mañá
Mañá venres, 23 de abril, ás 19:00 horas na sede da Fundación Barrié da Coruña (Cantón Grande nº 9) presentarase a novela de Luís Manuel García Mañá O grito do Ipiranga. No acto acompañarán ao autor, José María Barja Pérez (Reitor da Universidade da Coruña), Xosé Luís Axeitos Agrelo (secretario da Real Academia Galega) e o editor Manuel Bragado (Xerais).
