A presentación da novela Os nomes do traidor, de Xurxo Sierra Veloso, terá lugar o venres 4 de xullo ás 20:00, na Feira do Libro de Vigo.
Arquivo da categoría: Narrativa
“Unha noite na biblioteca” de Gondomar
«O vindeiro sábado 21 de xuño celebraremos unha experiencia innovadora e atrevida no ámbito do fomento da lectura: unha noite na biblioteca, organizado por Espazo Lectura coa colaboración do Concello de Gondomar. O programa […] consta de dúas partes. A primeira é para nenos e nenas de todas as idades e a asistencia é totalmente libre e celebrarase no exterior, na Praza de Portugal, diante da Biblioteca. A segunda parte do programa celebrarase na biblioteca e é necesario inscribirse. Hai 25 prazas e daráselle preferencia aos nenos e nenas que participaron ao longo do curso nas nosas actividades de fomento da lectura (Contomar ou Lendo Contigo). Estamos seguros de que será unha fermosa e intensa noite de pixamas na biblioteca. […]» (Espazo Lectura)
Preséntase na mesma cidade o libro Ferrol, de Miguel Fernández Fernández
O día 19 na Central Librera (Rúa Real), a partir das 18:00, Miguel Fernández Fernández asinará exemplares do seu libro Ferrol antes de presentalo na Fundación Caixa Galicia (20:00). No acto de presentación desta obra acompañarán a Miguel Fernández o coautor do libro, o escritor e xornalista Ramón Loureiro, ademais de Hermenegildo Franco Suances e Tucho Calvo.
Preséntanse en Compostela O tempo do revés e Boa sorte, de María Solar
O venres 13 de xuño ás 18:00, na Fundación Caixa Galicia de Santiago de Compostela (Rúa do Vilar, 19), terá lugar a presentación das obras O tempo do revés e Boa sorte (Baía Edicións), de María Solar, con ilustracións de Xosé Tomás e actividades de Arturo Iglesias e Xosé Tomás. No acto intervirán Jorge Mira, Santiago Pemán e Vítor Fábregas.
Ollos de auga, de Domingo Villar, no Times Literary Supplement
Xavier López Rodríguez no “Lendo Contigo” de Gondomar
Este sábado 31 de maio, ás 12:00, Espazo Lectura celebrará na Biblioteca Pública de Gondomar a sexta sesión do club de lectura compartida “Lendo contigo”. O libro proposto é A serea do deserto, de Xavier López Rodríguez, que estará presente para falar da súa obra.
V Diálogos Literarios de Mariñán
Os V Diálogos Literarios de Mariñán terán lugar no Pazo de Mariñán (Bergondo, A Coruña) do 4 ao 7 xuño de 2008. O coordinador será Román Raña. Para consultar o programa debe consultarse a web da Fundación Carlos Casares.
Preséntase en Boiro a novela de Xosé Carlos Caneiro A vida nova de Madame Bovary
A editorial Galaxia, a Asociación Cultural Barbantia, La Voz de Galicia e o Proxecto Leñaverde, convídano/a á presentación da novela de Xosé Carlos Caneiro A vida nova de Madame Bovary, así como á saída do nº 35 do suplemento cultural “A voz de Barbantia”.
Acompañarán o autor do libro Xerardo Piñeiro (Concelleiro de Cultura), Carlos Lema (editor de Galaxia) e Antón Riveiro Coello, presidente de
Barbantia, que manterán unha conversa co escritor verinense. O acto terá lugar o vindeiro venres 30 de maio, na Estación Leñaverde (Centro Social) de Boiro, ás 20:30.
Preséntase en Compostela Pan e coitelo, de Bieito Iglesias
A presentación de Pan e coitelo (Galaxia), de Bieito Iglesias, terá lugar o xoves 29 de maio ás 20:30 na Fundación Torrente Ballester (Rúa do Vilar, 7, Santiago). O acto contará coa presenza de Víctor Freixanes, Paulino Vázquez e o autor.
Luis Rei Núñez na Biblioteca de Estudos Locais da Coruña
O mércores 28 de maio Luis Rei Núñez charlará cos participantes do obradoiro de escritura da Biblioteca Municipal de Estudos Locais e dos clubes de lectura das Bibliotecas Municipais da Coruña sobre a súa novela Urbano Lugrís e a negra sombra, Premio Nacional da Crítica en 2007.
