Mañá venres 27 de febreiro ás 17:30 na Galería Sargadelos de Ferrol haberá unha sesión aberta do obradoiro literario de Fene para celebrar a aparición en papel do libro Os veos da paisaxe de Eduardo Estévez preparada por Antonio Piñeiro en Edicións Bourel. Esta edición consta de 80 exemplares cosidos e pegados a man acompañados por cinco fotografías orixinais da serie Os veos da paisaxe, algunhas das cales están expostas este mes na propia Galería Sargadelos xunto co traballo de Igor Lugrís, Poesía para ver, poesía para ler. Na sesión de hoxe o editor Antonio Piñeiro falará sobre o que significa unha editora de libros artesáns e contará como é que se fai un obxectos coma este. A seguir, Eduardo Estévez fará un pequeno recital con textos do libro e despois as persoas presentes que queiran poderán participar dun exercicio de escrita a partir das imaxes da exposición.
Arquivo da categoría: Obradoiros
Cambre: Francisco X. Frenández Naval imparte un obradoiro de creación literaria
Organizado pola Asociación de Escritores en Lingua Galega, o escritor Francisco X. Fernandez Naval ven impartindo un obradoiro de creación literaria no IES “David Buján” de Cambre.
A primeira xornada celebrouse o pasado día 1, e a segunda será mañá día 4, para pechar o obradoiro nas xornadas correspondentes aos días 11 e 15 do mes que nadamos.
Tocante aos obradoiros de creación literaria, considera a AELG que o contacto persoal cos escritores e coas escritoras, o uso da biblioteca e as diversas actividades de animación á lectura, deben servir para crear hábitos lectores, eliminar prexuízos contra os libros e melorarr a competencia lectora da nosa mocidade.
Asemade, estima a asociación dos escritores galegos que un novo enfoque na educación debe poñer o acento na adquisición de hábitos lectores, no goce do texto durante a infancia e a adolescencia, como antesala dun achegamento máis complexo e reflexivo que dea entrada no inicio á creación literaria.
Cee: Miro Villar comandará un obradoiro de creación literaria
A Asociación de Escritores en Lingua Galega, en colaboración co Xacobeo, organiza un obradoiro de creación literaria titulado “Encontros no Camiño”, que será impartido polo escritor Miro Villar, no CEIP Eugenio López de Cee, os días 18, 19, 20, 25 e 27 do mes que andamos.
Quinta quenda de obradoiros de literatura
A Asociación de Escritores en Lingua Galega, en colaboración co Servizo Galego de Igualdade da Vicepresidencia da Igualdade e do Benestar, comezou o 30 de outubro unha nova quenda de 2 obradoiros de creación literaria.
O primeiro foi impartido na Biblioteca Municipal de Lourenzá por Mª Xosé Lamas. O segundo, con resonsabilidade de Antía Otero, terá lugar na Casa da Cultura de Sada o 14 de novembro ás 19:00.
O obxectivo xeral é o de contribuír á dignificación da identidade feminina a través da literatura, colaborando na visibilización da obra das nosas escritoras, reflexionando e demostrando a existencia dunha escrita feminina.
Gondomar: proxecto Contos e Cantos
Do 11 ao 15 de novembro. Máis información en Espazo Lectura.
Espazo Lectura crea dous novos clubs de lectura no Val Miñor
Máis información aquí.
Oito editoriais fomentan o galego co apoio de Política Lingüística
«[…] O programa incluirá lectura, música, contacontos, teatro, xogos, pintura e outras actividades gratuítas destinadas a unha franxa de idade que “é onde está o futuro do galego”.
Así, as editoriais participantes, A Nosa Terra, Baía, Galaxia, Kalandraka, Oqo, Rodeira, Sotelo Blanco e Xerais, organizarán diferentes actividades baseadas en temas escollidos por elas que está previsto que cheguen a perto de 50.000 mozos co obxectivo de “formar lectores que serán futuros falantes”. […]» (A Nosa Terra)
Bos Aires: V Xuntanza aberta do obradoiro ‘Cousas de mulleres’
(Bos Aires, 30 de xulio) – O colectivo de galegas na emigración Herbas de Prata organiza o sábado 9 de agosto a quinta xuntanza dos seus obradoiros “Cousas de Mulleres” coa intención de abrir un espazo para a voz das mulleres, un sitio no que elas sexan escoitadas e teñan a liberdade de falar de todo canto viven, pensan e sinten.
A cita será na Asociación hijos del ayuntamiento do Porto do Son o vindeiro sábado 9 de agosto ás 15,30 horas na rúa Mariano Acosta 240, da localidade de Avellaneda.
Os obradoiros vivenciais están a percorrer as institucións da colectividade galega en Bos Aires, alí onde cada centro ou asociación abra as súas portas. “Unha vez ao mes abrimos estes faladoiros onde o que buscamos é escoitarnos, é falar do que nos pasa como mulleres, como emigrantes, como nais ou fillas ou avóas ou netas, como traballadoras ou como personas no paro. Falar, ou sexa, do noso vivir como mulleres”, detallaron dende Herbas de Prata. Máis información en herbasdeprata@gmail.com.
“(Re)novarte”, obradoiro de poesía para escritores novos
«Outro Taller Xuvenil que nace neste ano 2008 en Artes no Camiño é (Re)novarte. A poesía únese ao Encontro das Artes que ten lugar na tempada estival polos camiños de Lugo. Profesionais da literatura traballarán e prepararán a un alumnado escollido mediante a previa valoración dos seus escritos, con fins como realizar presentacións en público que dean vida a ese traballo tan íntimo que é a creación poética.» Máis información aquí. (Artes no Camiño)
IV Obradoiro “Cousas de mulleres” en Bos Aires
A Sociedade Galega de Arantei, Vilamarín e A Peroxa e a Asociación Civil Herbas de Prata organizan o cuarto encontro dos obradoiros “Cousas de Mulleres” o vindeiro sábado día 28 de xuño ás 15:30 na Sociedade Galega de Arantei, Vilamarín e A Peroxa. O encontro será o sábado 28 de xuño ás 15,30 na rúa Moreno 3281 da cidade de Bos Aires. (Herbas de Prata)
