O 
martes 17 de maio, ás 19:30 horas, na Libraría Couceiro (Praza de Cervantes, 6), de Santiago de Compostela, preséntase o libro O negro leite da aurora. Viaxe á xeografía lírica de Lois Pereiro, de José Luís Calvo e Carlos Gegúndez, publicado en Toxosoutos.
Arquivo da categoría: Presentacións de libros
Pazo de Goiáns (Boiro): I Romaría das Letras
O 
martes 17 de maio, na finca do pazo de Goiáns, en Boiro, celébrase a I Romaría das Letras no Barbanza, organizado pola Asociación Cultural Barbantia, a Asociación Artesá e Etnográfica O Faiado-2, a Asociación de Veciños Cruceiro do Monxo, a Escola de Música Municipal e o Concello de Boiro. Do programa salientamos as seguintes actividades literarias:
– 12:00 horas: presentación do libro O negro leite da aurora. Viaxe á xeografía lírica de Lois Pereiro (Editorial Toxosoutos), coa presenza dos seus autores: José Luis Calvo e Carlos Gegúndez López, así como de David González Couso.
– 16:00 horas: recital de textos de Lois Pereiro, autor homenaxeado no Día das Letras Galegas 2011.
Santiago: presentación de Pacto de cabaleiros, de Raúl Veiga
O 
martes 17 de maio, ás 13:00 horas, na Praza de Cervantes de Santiago de Compostela, preséntase o libro Pacto de cabaleiros, de Raúl Veiga, publicado en Biblos. No acto, o autor estará acompañado polo crítico Eduardo Galán.
A Coruña: presentación da Guía AGPI 2011
O luns 16 de maio, dentro 
da FESTA DO LIBRO, a partir das 20:00 horas, no Kiosko Alfonso (Xardíns de Méndez Núñez) da Coruña, preséntase a Guía AGPI 2011, da Asociación Galega de Profesionais da Ilustración.
Ferrol: presentación de As outras historias, de Paula Carballeira
O 
luns 16 de maio, ás 19:30 horas, na Galería Sargadelos (Rúa Rubalcava, 30-32, esquina rúa María) de Ferrol, presentación de As outras historias, de Paula Carballeira, publicado en Galaxia, e sesión de contos-poema con Paula Carballeira e Chiqui Pereira.
A Coruña: Festa do Libro, actividades do domingo 15 de maio
Prosegue esta nova edición da FESTA DO LIBRO, do venres 13 ao martes 17 de maio nos Xardíns de Méndez Núñez da Coruña, organizada pola Concellaría de Cultura e a Agrupación de Libreiros da cidade, con horarios de 11:30 a 14:00 e de 17:30 a 21:30 horas. Este é o programa de actividades para o domingo 15: PROGRAMA ACTIVIDADES FESTA DO LIBRO MAIO 2011:
* Domingo 15:
– 12:00 h.- Obradoiro “Creación dunha personaxe: Golfiño”, realizado por Fausto Isorna. A partir de 6 anos. Diante do Kiosco Alfonso.
– 12:30 h.- Presentación de “Agullas de ironía”, documental sobre Lois Pereiro feito polo alumnado de Comunicación Audiovisual da Facultade de Ciencias da Comunicación da Universidade da Coruña. No Kiosco Alfonso.
– 13:30 h.- Sinatura de exemplares por parte de Fausto Isorna. No posto das Bibliotecas Municipais.
– 18:00 h.- Presentación do libro de ilustración de Pinturero “Rapazas, las pin-up de Pinturero” (Editorial Dibbuks). No Kiosco Alfonso.
– 18:00 h.- Sinaturas do libro “A Frecha Azul do Teixo” por parte de Eva Veiga, publicado en Espiral Maior Edicións. No posto das Bibliotecas Municipais.
– 18:30 h.- Sinaturas de Diana Varela Puñal do seu último poemario “Animalabismo”, publicado en Espiral Maior Edicións. No posto das Bibliotecas Municipais.
– 19:00 h.- Sinaturas dos libros do ilustrador Mariano Casas Gil “A historia xamais contada“, “La mancha negra” e outras obras do autor. No posto das Bibliotecas Municipais.
– 19:00 h.- Presentación da revista “Fiz” (Retranca Editora), por Kiko da Silva. No Kiosco Alfonso.
– 20:00 h.- Presentación do libro de Miguel Mato “Señardade da luz (A obra poética de Manuel María)”, publicado pola Asociación Cultural Alexandre Bóveda, con Alberte Ansede, Roberto Catoira e o propio autor. No Kiosco Alfonso.
Marín e Moaña: actos coa participación de Elena Gallego e Marcos Calveiro
O 
sábado 
14 de maio, ás 19:30 horas, no marco da I Mostra das Letras e das Artes de Marín, Elena Gallego Abad asinará exemplares da súas obras, mentres que, no mesmo evento, o domingo 15 de maio, ás 18:00 horas, Marcos Calveiro fará o mesmo con exemplares das súas obras.
O domingo día 15 Elena Gallego actuará como pregoeira na VII edición da Mostra de Arte na Illa de Moaña, e, posteriormente, asinará exemplares dos seus libros.
Seixalbo (Ourense): presentación de En castellano no hay problema, de Carlos Callón
O 
sábado 14 de maio, ás 17:30 h., nas Canellas (Seixalbo, Ourense), preséntase o libro En castellano no hay problema, de Carlos Callón, publicado en Xerais. O acto está coorganizado pola Asociación Irmandiños de Seixalbo e a Mesa pola Normalización Lingüística, e contará coa presenza do autor.
Lisboa: presentación de Circe ou o pracer do azul, de Begoña Caamaño
O 
sábado 14 de maio, ás 18:00 horas, na libraría Ler devagar de Lisboa, preséntase o libro Circe ou o pracer do azul, de Begoña Caamaño, publicado en Galaxia. No acto intervirán Emilio Xosé Cambeiro López, Urbano Tavares Rodrigues, e a propia autora.
O luns 16 de maio, ás 19:00 horas, na Faculdade de Ciências Sociais e Humanas de Lisboa, coa participación tamén de Emilio Xosé Cambeiro, manterá un encontro-coloquio cos alumnos da Universidade Nova de Lisboa.
Lalín: actividades do fin de semana na Feira do Libro
Remata 
a Feira do Libro de Lalín (na Praza da Igrexa) neste fin de semana, con horarios de 11:00 a 14:30 h. e de 17:30 a 21:00 h.
Das actividades do sábado 14 destacamos as seguintes:
– 12:00 h. Charla e coloquio coa escritora Fina Casalderrey, Premio Nacional de Literatura Infantil co tema: O tempo libre e os libros. Ao remate, a escritora asinará exemplares dos seus libros.
– 13:00 h. A escritora Gracia Santorum fará a presentación de Abelcebú, do escritor de Lalín Carlos Negro, publicado por Edicións Positivas. No acto, xunto co autor do libro, estará presente o director da editorial, Paco Macías.
– 13:45 h. Charla coloquio: A literatura galega dende o Deza, coa participación dos escritores da comarca Gonzalo Navaza, Xosé Vázquez Pintor, Ignacio Vilariño e Alba Payo Froid. O moderador será Carlos Negro. Ao remate do acto os escritores asinarán exemplares dos seus libros.
E do domingo 15, último día da Feira, destacamos:
– 12:00 h. Presentación do libro A cociña de Larpeiros 2, de Benigno Campos, publicado por Editorial Galaxia. Xunto co autor, participará no acto o xornalista gastronómico Miguel Vila e o representante da editorial, Xulio Amigo.
– 13:00 h. Cunqueiradas. Monólogo humorístico do actor e autor teatral Cándido Pazó, sobre textos de Álvaro Cunqueiro.
