Será o venres 16 na Biblioteca de Estudos Locais (Durán Loriga 10) ás 19:00, e no acto intervirán Victorino Pérez Prieto, Xácome Santos, Ramón Muñiz e Gumersindo Campaña, Xan Arias e María Xosé Bravo. Entrada libre até completar capacidade.
[kml_flashembed movie="http://www.youtube.com/v/t1dGMwCmaig" width="425" height="350" wmode="transparent" /]
«A Asociación Cultural Alexandre Bóveda informa que o vindeiro martes 13 de abril, terá lugar a presentación na Coruña do libro Klásicos de Marcelino Fernández Mallo, coa presencia xunto co autor, de Francisco Fernández Naval e Alberte Ansede. Será ás 20:30 h. no salón de actos da asociación. Entrada libre.
Licenciado en Ciencias Económicas e Empresariais pola UNED e MBA polo IMD, Escola de Negocios de Lausana. Desenvolveu a meirande parte da súa carreira profesional no sector financeiro galego. Publicou o ensaio De la peseta al euro, o libro de relatos Cabilia e as novelas A Trenza e Klásicos. Mantén a bitácora persoal A trenza.»
ACAB
Máis información sobre a obra na web de Edicións Laiovento.
Inmunda escoria. A universidade franquista e as mobilizacións estudantís en Compostela, 1939-1968, de Ricardo Gurriarán será presentado mañá, mércores 7 de abril, ás 19:30 horas no Salón Nobre de Fonseca en Santiago. O acto contará coa participación dos prologuistas da obra, Vicente Álvarez Areces (Presidente do Principado de Asturias) e Senén Barro (Reitor Magnífico da USC), ademais de Víctor Santidrián (Director da Área de Historia da Fundación 10 de marzo), Manuel Bragado (Director de Xerais) e do propio autor.
Xoán Abeleira presenta iste xoves 8 de abril, ás 20.00 horas, na Asociación Cultural Alexandre Bóveda (Rúa Olmos, enfronte da Libraría Colón), El azor en el páramo, a súa escolma de Ted Hughes, un dos poetas ingleses máis importantes de tódolos tempos. O acto consistirá nunha lectura comentada das versións en galego dos poemas de Hughes. As persoas que merquen ise día o volume serán agasalladas cunha ilustración orixinal realizada polo tradutor.
Hoxe ás 20:00 horas presentarase na libraría Couceiro de Santiago (praza de Cervantes) o libro de Luisa Castro Melancolía de sofá. No acto acompañarán á autora o profesor Roberto Blanco Valdés e o editor Manuel Bragado.
A Asociación Cultural Barbantia, a Editorial Toxosoutos e o Proxecto Leñaverde presentan o libro O fenómeno cultural da fascinoloxía. As Illas Británicas e Galiza, de Milagros Torrado. O acto terá lugar na Estación Leñaverde de Boiro, o vindeiro venres 26 de marzo ás 20:30 horas, e nel estarán presentes a autora; o catedrático de Historia e Cultura Inglesas da Facultade de Filoloxía da USC, Fernando Alonso Romero; o director de publicacións de Toxosoutos, David González; o coordinador de Barbantia, Alberto Piñeiro; e mais o alcalde de Boiro, Xosé Deira.
Mañá xoves 25 de marzo na Biblioteca de Estudos Locais presentarase o libro Bailabén, de Gustavo Couto e Edith Cotilla (Ed. do Cumio). O acto comeza ás 20 horas e a entrada é libre até completar capacidade.
A Biblioteca da Poesía “Uxío Nonoveyra” de Vilamelania-Vilaboa celebra o Día Internacional da Poesía coa presentación da publicación 16 Sonetos de Carlos Pereira, un libro intimista e de homenaxes a persoeiros contemporáneos. O acto terá lugar o vindeiro mércores 24 de Marzo ás 20h.
