O martes 20 de abril preséntase na Biblioteca Henrique Rabuñal de Arteixo o libro Teatro incompleto do que é autor o propio Henrique Rabuñal. Ao acto pode asistir o público en xeral, terá lugar ás 19 horas e contará coa presenza e participación dos membros do Club de lectura da Bibblioteca.
Arquivo da categoría: Teatro
Lugo: Mostra de teatro especial
«O Xacobeo 2010 e a Fundación Anade, que traballa na integración social e laboral de persoas con discapacidade, presentaron o luns 5 de abril en Lugo a Mostra de teatro especial, unha iniciativa incluída no ‘Camiño das Artes Escénicas’ da programación do Xacobeo, que se iniciou na capital lucense e concluirá o próximo 8 de abril.» (El Progreso)
Faladoiro con Victorino Pérez Prieto e representación do Grupo de teatro Alexandre Bóveda
«A AC Alexandre Bóveda informa que xa está aberto o prazo de inscripción para o vindeiro Faladoiro e Farra que organiza a nosa entidade. Terá lugar o venres nove de abril no Club do Mar de Santo Amaro, a partir das 22:00 h, e nesta ocasión contará coa presenza de Victorino Pérez Prieto para falar sobre “O Movemento Cristián Galego. Unha Igrexa que existe e resiste”. É necesaria a inscrición previa no local da asociación ou no tlf: 981 200 869 en horario de tarde.
Os “faladoiros e farra”, son reunións que xuntan unha tertulia amena e cordial, introducida por algún experto na materia que se aborda, e que se celebra durante unha cea a base de petiscos e que normalmente ten como colofón algunha actuación musical espontánea. Como xa sabedes é necesario inscribirse previamente para participar na cea dos faladoiros que ten un custe de quince euros por persoa, podedes inscribirvos por tlf: 981 200 869, ou no local da asociación no horario habitual.
Por outra banda e tamén este venres 9 de abril terá lugar a representación do Grupo de teatro Alexandre Bóveda da obra Tres, tres, tres de Xoán Carlos Mexuto. Será no Forum Metropolitano do Parque Europa, ás 20:00h, con entrada de 2 € para socios, xubilados, carnet xovén e 4 € en xeral.»
Secretaría da ACAB
Publícase o texto de Pressing Catch
«A editorial Positivas leva ao papel o texto orixinal de Pressing Catch, o espectáculo que a compañía Berrobambán estreou o pasado 11 de marzo na sala Nasa de Santiago baixo a dirección de Quico Cadaval, quen aquí oficia como prologuista. Obra de Paula Carballeira, o texto reelabora o imaxinario do wrestling para evidenciar a violencia cotiá, as tensións e os medos cos que se convive a diario. […]» (Xornal.com)
Día Mundial do Teatro: Mensaxe 2010
O Día Mundial do Teatro é unha oportunidade para celebrar o teatro en todas as súas múltiples manifestacións. O teatro é fonte de entretemento e inspiración e ten a capacidade de unificar as diversas culturas e pobos que existen no mundo. Pero o teatro vai aínda máis aló e ofrece tamén oportunidades para ensinar e informar.
O teatro represéntase en todo o mundo e non sempre no escenario tradicional dun teatro. As representacións poden ter lugar nunha pequena aldea de África, a carón dunha montaña en Armenia, ou nunha diminuta illa do Pacífico. O único que se precisa é un espazo e un público. O teatro ten a capacidade de facernos rir, de facernos chorar, pero tamén nos debería facer pensar e reflexionar.
O teatro é produto do traballo en equipo. Os actores son a xente que se ve, pero hai un grupo marabilloso de xente que non se ve. Son tan importantes coma os actores, e as súas habilidades, diversas e especializadas, fan posible a produción. Tamén eles deben compartir os triunfos e os éxitos que se poidan acadar.
O 27 de marzo sempre é oficialmente o Día Mundial do Teatro. Por moitos motivos, todos os días se deberían considerar o día do teatro, pois temos a responsabilidade de continuar a tradición de entreter, ensinar e ilustrar o noso público, sen o cal non poderiamos existir.
Judi Dench
Tradución: Sandra Sanmiguel
Hoxe na Coruña, entrega dos Premios María Casares de Teatro
A Asociación de Actores e Actrices de Galicia entrega hoxe os Premios María Casares de Teatro, nunha gala que terá lugar no Rosalía de Castro a partir das 20:30. Os candidatos ao mellor texto orixinal en galego son:
Manuel Lourenzo por As Dunas do Centro Drámatico Galego
Mofa & Befa por Shakespeare para Ignorantes de Producións
Teatráis Excéntricas
Santiago Cortegoso por Os Cómicos Dell ́Auto de Teatro De
Ningures
Podedes descargar o dossier informativo coa listaxe completa de candidatos (PDF, 442 KB)
Actualización: crónica e listaxe de gañadores en Xornal de Galicia
A Coruña: Presentación do libro A revolta da Casa dos Ídolos de Pepetela
Catro autores optan ao Premio Max ao mellor autor teatral en galego
Catro autores optan ao Premio Max al Mejor Autor Teatral en Gallego: Ánxeles Cuña Bóveda por Dame veleno, eu tamén soñar; Cándido Pazó por A piragua; Jorge Rey por Fidra; e Roberto Salgueiro por Valentino Rufini e âkil pillabán de viaxe a Milán (a van sen un can). O 22 de febreiro comeza a segunda rolda de votacións da que sairá o gañador nesa categoría. Máis información: sitio web dos Premios Max.
Aberta a primeira fase de votación dos XIV Premios María Casares de Teatro
A Asociación de Actores e Actrices de Galicia (AAAG) ven de abrir o proceso que culminará na elección dos gañadores dos Premios de Teatro María Casares, que este ano chegan á súa decimo cuarta edición nunha gala que se celebrará no Teatro Rosalía Castro da Coruña o vindeiro 24 de marzo. Unha edición que terá, ademais, un carácter moi especial, xa que coincide coa celebración do 25 aniversario da constitución da AAAG. [Ler noticia completa]
Salón do Libro Infantil e Xuvenil: axenda do mércores 10 de febreiro
Mañá, Mércores 10 de Febreiro, “Os Bolechas” chegan ao Auditorio do Pazo da Cultura da man de Caramuxo Teatro. Cunha duración de 45 minutos, está recomendado para público a partir de 3 anos. As funcións previstas para a mañá son concertadas cos colexios e contan cun aforo de 409 asistentes para as 10.00 horas e de
395 nenos e nenas para as 12.00 horas. A sesión da tarde é aberta a todos os públicos e as entradas estarán á venda na billeteira dende unha hora antes do comezo, sendo o seu custo de 3 euros, salvo para os menores de 12 anos, que terá un desconto do 50%.
Na Sala de Exposicións do Pazo da Cultura ás 17.30 horas, o contacontos Carballo con botas de Papaventos amenizará por terceira xornada das “Tardes na sala”.
O XI SALÓN DO LIBRO INFANTIL E XUVENIL DE PONTEVEDRA organiza no serán do mércores, 10 de febreiro de 2010, ás 19.00 horas, no Café Moderno (Fundación Caixagalicia) a presentación do proxecto “Contos do Camiño”
de OQO Editora, que empregará os contos populares de distintos países como fío condutor. Os relatos narrados, a música e as imaxes permitiranlles aos máis pequenos peregrinaren polas distintas rutas xacobeas e afondaren asemade nos valores da convivencia entre culturas.
A programación do Salón no Café Moderno continúa o ciclo “Os autores e as cidades”, que ás 19:30 horas contará coa conferencia NY coma cidade con luz, de Inma López Silva.
As actividades previstas na programación do XI Salón do Libro Infantil e Xuvenil de Pontevedra inclúen ademais:
-10:00 – 10:40 e 11:45 – 12:25
Obradoiro Escrita, con Tagen Ata
Obradoiro Ilustración, con Anxo Fariña
Obradoiro “A Cidade Enorme”. OQO Editora
CONTACONTOS: Celso Fernández, Pavís Pavós e Queliña
TEATRO: Migallas
-10:00 / 11:15.- OBRADOIROS URBANOS: Nenos Policía por un día
-10:00 e 12:00 Caramuxo teatro – Os Bolechas (Auditorio do Pazo – función concertada cos centros escolares)
-10:40 – 11:10: visita ao Salón
-11:00 – 11:30: visita ao Salón
– 11:30 – 13:00: OBRADOIROS URBANOS: Nenos Policía por un día
-12:25 – 12:45: visita ao Salón
-12:45 – 13:30: visita ao Salón
-17.30: Tardes na Sala: “Carballo con botas” (Papaventos)
-18:30: Caramuxo teatro – Os Bolechas (Auditorio do Pazo para todos os públicos)
-19:00: Presentación do proxecto “Os contos do camiño”. OQO editora (Casa das Campás)
-19:30 CONFERENCIA Ciclo Os autores e as cidades (Caixagalicia): “NY como cidade con luz” – Inma López Silva
