O xoves 24 de xaneiro de 2008 é a estrea da obra de Teatro Aurora Rodríguez e a súa filla Hildegard. A obra estará en cartel todo o mes de xaneiro e febreiro: xoves, venres, e sábados ás 21 horas. Domingos ás 20 horas. O TAL (Teatro Arte Livre) está na rúa Vázquez Varela de Vigo. O seu teléfono é: 986 114444.
Arquivo da categoría: Teatro
Estrearase en Buenos Aires a obra Aurora Rodríguez e a súa filla Hildegart, de Marga do Val
A Compañía Arte Livre porá en escea en Buenos Aires a obra da escritora galega Marga do Val Aurora Rodríguez e a súa filla Hildegart. O domingo 9 de decembro estrearase no Teatro Bambalinas, da Federación de Sociedades Galegas de Buenos Aires. Estará en carteleira até o día 13 de decembro.
Comezan as Historias da Coruña. Memoria da cidade
O sábado 17 de novembro comenzan as xornadas Historias da Coruña. Memoria da cidade, coa intervención de Xosé Ramón Barreiro, Presidente da Real Academia Galega que leva por título “A forza das palabras, ás 10:30 horas.
Destacamos tamén que o mesmo sábado pola tarde, ás 17:00 horas haberá un roteiro guiado de Felipe Senén pola Cidade Vella. Sairá dos Xardíns de San Carlos.
Por último, indicarvos que o sábado, ás 20:30 horas, e o domingo, ás 19:00 horas, o grupo de teatro Áncora Produccións representará no Teatro Rosalía Castro a obra Medidas Preventivas de Gustavo Pernas, incluída na Rede Galega de Teatros en colaboración co IGAEM. O prezo das entradas é de 7 euros (carné xove e maiores de 65 anos: 5 euros). (Concellaría de Cultura – Concello da Coruña)
Representación n’ A Coruña de Medidas preventivas, de Gustavo Pernas Cora
A COMPAÑÍA ANCORA PRODUCCIÓNS representará Medidas preventivas, Premio AELG ao mellor libro de teatro de 2007, de Gustavo Pernas Cora, o día 17 de novembro ás 20:30 horas e o domingo 19 ás 19:00 horas. Será no Teatro Rosalía de Castro d’ A Coruña.
Presentación en Pontevedra de Medidas preventivas, de Gustavo Pernas Cora
A COMPAÑÍA ANCORA PRODUCCIÓNS presentará Medidas preventivas, Premio AELG ao mellor libro de teatro de 2007, de Gustavo Pernas Cora, o día 11 de novembro ás 20:30 horas. Será no Centrosocial Caixanova de Pontevedra.
“Medidas preventivas lanza unha mirada irónica e crítica, non exenta de humor…negro, sobre as novas relacións e os novos comportamentos sociais. MEDIDAS desenfocadas e dirixidas acidadáns de a pé, presuntos culpables nos seus actos cotiáns. MEDIDAS absurdas que venden protección a cambio da submisión, e seguridade a cambio de medo. MEDIDAS que converten aos cidadáns en policías de si mesmos. Fragmentos de ficción ou sucesos dunha realidade que xa existe ou á que asistiremos en breve. HOMENAXE A TODAS AS VÍTIMAS DE TODOS OS TERRORISMOS. Por unha culturacrítica, divertida e reflexiva.”
Marica Campo será nomeada Chairega de Honra
O día 10 de novembro, no IES “Poeta Díaz Castro” de Guitiriz terá lugar o nomeamento de Marica Campo como Chairega de Honra. Organizado pola Fundación Manuel María da Terra Cha e Xérmolos, o acto completarase cos seguintes eventos:
-Ás 12:00: unha mesa redonda sobre Marica na que interveñen X. M. Carballo, Pilar García Negro, Manuel López Foxo e Bernardo Penabade;
-Ás 14:00: xantar;
-Ás 17:00: representación dunha obra de teatro da autoría de Marica;
-Ás 18:00: concerto de poesía musicada de Marica Campo na voz de Tino Baz e A Quenlla.
Contacto no 646 413 890 e no 982 372 040.
Antía Otero presenta Operatorio na Sala Nasa
Antía Otero (poeta e actriz) presenta o seu primeiro traballo de creación propia: Operatorio. A cita será na Sala Nasa de Santiago de Compostela o día 8 de novembro ás 22:00 horas. Máis información en na web da Sala Nasa e no blogue da artista.
“Alén do Irimia: Un río de contos”, proxecto de animación lectora da ASPG
«Do 4 ao 9 de novembro. No pedregal de Irimia, no nacemento do Río Miño, en Meira, (Lugo) a AS-PG pon a andar un proxecto comarcal de animación lectora que abranguerá non só Meira, senón Concellos veciños como A Pastoriza, Castro de Rei, Pol, Ribeira de Piquín e Riotorto.» (ASPG)
Presentación d’ A lenda do pirata en Ferrol
O 11 de outubro, ás 12:00 horas na Galería Sargadelos de Ferrol, celebrarase a presentación do libro A lenda do pirata,do Colectivo A Garola. Contará cunha dramatización a cargo da compañía Talía Teatro.
Presentación da Colección Barriga Verde de textos de teatro para monicreques
O IGAEM, a Asociación Cultural Barriga Verde e Baía Edicións presentarán a Colección Barriga Verde de textos de teatro para monicreques. O acto terá lugar o 2 de outubro de 2007 ás 13 horas na Sala de Conferencias da Fundación Eugenio Granell (Praza do Toural-Santiago de Compostela).
Os títulos que inician esta colección son O afundimento do Tiránic, de Breogán Riveiro, Misterio en Guernica, de Xosé Manuel Fernández Castro e O soñador, de Gabriel Castilla. Intervirán Miguel Martín (Xerente do IGAEM), Belén López (Directora Editorial de Baía Edicións), Xosé Manuel Fernández Castro (autor), Breogán Riveiro (autor) e Jorge Rey (Presidente da Asociación Cultural Barriga Verde).
