A Coruña: presentación de A Terra do Eo-Navia, de Manuel Miragaia
Muros: presentación de As palabras de Morfeo, de Ramón Beltrán, o 2 de outubro
Modesto Fraga: “A fisterranía transcende o pobo”
Compostela: Chamamento á Manifestación Nacional pola Palestina, o 5 de outubro de 2025
Miguel Anxo Fernán Vello: “Syra Alonso e Francisco Miguel tiñan gran capacidade para empatizar e explorar formas artísticas”
Entrevista de Pilar G. Rego a Miguel Anxo Fernán-Vello no Zig-zag da Televisión de Galicia:
“‘O vello agoniza e o novo canta tarda en chegar!’. Con esta frase ábrese Diarios, o libro que recolle os textos de Syra Alonso unha das máis importantes cronistas da represión franquista en Galicia.
Neste primeiro programa da temporada de Zigzag falaremos da figura de Syra Alonso e do seu marido, o pintor Francisco Miguel, que este mes son os homenaxeados en Coruña. Para falarnos deles convidamos a Miguel Anxo Fernán Vello, especialista na figura deste dous artistas esquecidos. A entrevista pode verse aquí.”
Vigo: sesión do club de lectura RioLagares arredor de Xurxo Borrazás
San Simón, Pontevedra e Vigo: XIV Obradoiro Internacional de Tradución Poética Con barqueira e remador
Bases do II Concurso de relatos breves Ecos da mente
A escritora Rita Doallo gaña o IV Premio Simbad de Literatura Infantil con su obra ‘Astralistoria’
Desde Agadea:
“A Biblioteca Pública Ánxel Casal de Santiago de Compostela acolleu esta mañá o acto de entrega do IV Premio SIMBAD de Literatura Infantil, organizado por AGADEA Alzheimer no marco do Mes do Alzheimer.
A gañadora desta cuarta edición foi a escritora Rita Doallo, coa obra Astralistoria, «unha historia que combina maxia, imaxinación e memoria» para transmitir ás novas xeracións valores de solidariedade, respecto e coidado interxeracional. Julia, usuaria do centro de AGADEA en Vedra, entregou o galardón á gañadora.
O evento contou coa presenza do Secretario Xeral da Lingua, Valentín García, quen salientou que “a lingua galega e a literatura infantil son ferramentas esenciais para construír unha sociedade máis consciente e máis humana; premios como o SIMBAD axudan a transmitir valores e a crear novas xeracións máis comprometidas”.
Cristina Villar, educadora social de AGADEA nos centros de Vedra e Cuntis, explicou o traballo da asociación cos centros educativos onde a asociación ten presenza, destacando cómo «máis alá de calquera diagnóstico, na literatura sempre hai un lugar para seguir lembrando, creando e compartindo.»
Un dos momentos máis emotivos do acto foi a lectura dun fragmento de Astralistoria a cargo de Celsa, usuaria do Centro de Día de Ensanche de AGADEA, que puxo voz á historia ante o público asistente. O peche do acto estivo marcado pola actuación musical do grupo SANARTE.
Na súa intervención, a presidenta de AGADEA, Isabel Gey, subliñou como «o Premio SIMBAD é un símbolo do noso compromiso coa sensibilización a través da cultura e a educación. Coidamos das persoas con Alzheimer, pero tamén queremos coidar da sociedade, sementando conciencia nas novas xeracións. Cada conto premiado convértese nunha semente de empatía e solidariedade que contribúe a manter viva a memoria colectiva”.
Con esta cuarta edición, o Premio SIMBAD consolídase como un referente da literatura infantil en Galicia, promovendo obras que axudan a comprender mellor a realidade do alzhéimer e a importancia dos coidados.”
“A poesía ten que confrontar co abuso de poder”: Poetas e artistas entregan as sinaturas de apoio ao manifesto contra o xenocidio en Palestina
Desde Nós Diario (foto do mesmo medio):
“O noso labor como poetas non pode quedar alleo á ética do tempo: a poesía tamén ten unha dimensión cívica, ten que estar cos que sofren e confrontar o abuso do poder”, explica a poeta Eva Veiga en declaracións a Nós Diario en referencia ao xenocidio que Israel está a cometer sobre o pobo palestino.
Así é que un grupo de poetas, integrado pola propia Eva Veiga, Pilar Pallarés, Francisco Xosé Fernández Naval e Ignacio Val decidiron dar un paso adiante para expresar a condena das galegas e dos galegos ante o “crime contra a humanidade” que se está a cometer en Palestina. Esta sexta feira, a Subdelegación do Goberno español na Coruña acolleu a entrega do manifesto e das sinaturas recollidas desde o mes de agosto por iniciativa destes poetas, que entenden que “a poesía ten unha dimensión cívica fundamental”. “A poesía ten que corresponder á ética do tempo; ten que estar cos que sofren e ten que confrontar o uso da forza e o abuso do poder”, engade Veiga.
“Queríamos facer algo. Non só laiarnos do que estaba a pasar, senón actuar, porque sabemos que calquera acto por pequeno que sexa é importante”, valora a poeta. Tal é que, por exemplo, as diferentes protestas desenvolvidas ao longo do percorrido da Volta ciclista, contra o xenocidio e a participación do equipo Israel-Premier Tech na proba, desataron un intenso debate no seo do deporte, coa UEFA debatendo se expulsar os equipos israelís de todas as súas competicións.
Estes poetas tamén saíron á rúa “fronte á indiferenza”. “Saír á rúa e pedir sinaturas de maneira presencial, non online ou virtualmente, significa pedir un acto de responsabilidade. Porque no momento en que a xente deixa os seus datos nun papel, é un acto de responsabilidade”, explica Eva Veiga.
E máis alá de ser un acto cívico, foi un acto “na colectividade, na comunidade”. Como símbolo desta colectividade, Veiga, Pallarés, Fernández Naval e Val estiveron acompañados esta sexta feira de nomes recoñecidos de diferentes sectores da sociedade galega, como o adestrador Fernando Vázquez, a cantautora Sés, ‘o cura de Xestoso’, Luís Ángel Rodríguez Patiño, a actriz Isabel Risco, o ex reitor da UDC Xosé Luís Armesto, o investigador e integrante da RAG Xosé Luís Axeitos ou o presidente da Asociación de Escritoras e Escritores en Lingua Galega, Cesáreo Sánchez Iglesias.”
O manifesto entregado esta sexta feira na Subdelegación do Goberno español na Coruña denuncia que a situación en Gaza non é unha guerra nin unha catástrofe natural, senón “un xenocidio planificado” que procura a anexión total do territorio palestino. Asegura que Israel emprega a fame como arma de exterminio e lembra que, segundo a Unrwa, o 78% da poboación está no límite da fame, mentres que o 22% restante xa a sofre.
As persoas asinantes exixen ao Goberno español e á Unión Europea a imposición de sancións, a ruptura das relacións diplomáticas e comerciais con Israel e a cancelación do acordo de asociación UE-Israel, así como o procesamento de responsables políticos e militares israelís perante o Tribunal Penal Internacional.”
