O 21 de abril, ás 19:30 horas, na A. C. Alexandre Bóveda (Rúa Olmos, 16-18, 1º), na Coruña, preséntase o poemario Coa luz negada, de Ricardo Seixo Fernández, editado pola Asociación veciñal, cultural, deportiva e recreativa do barrio da Agra do Orzán “Agra”, coa subvención da Deputación da Coruña. A Asociación veciñal Agra habilitou un espazo na canle Youtube para publicar os recitados dalgúns poemas deste libro. Podes escoitar os primeiros recitados feitos por persoas participantes na actividade Gosto de vivir a poesía. As persoas que queiran asistir á presentación inscribiranse previamente aquí.
Arquivos da etiqueta: Agrupación Cultural Alexandre Bóveda
A Coruña: presentación do número 6 da revista Follas Novas
O luns 18 de abril, ás 19:30 h, na A. C. Alexandre Bóveda (Rúa Olmos, 16-18, 1º), na Coruña, preséntase o número 6 de Follas Novas. Revista de estudos rosalianos, editada pola Fundación Rosalía de Castro. No acto participan o director da revista, Xosé Luís Axeitos; e varias das persoas contribuidoras deste número: Pilar García Negro, Patricia Carballal, Xosé A. Fraga Vázquez, Martín Pawley e Xabier Pérez Couto.
A Coruña: curso “Mellorando o uso do galego”, con Xosé Manuel Sánchez Rei
No mes de abril comeza un novo curso “Mellorando o uso do galego”, impartido por Xosé Manuel Sánchez Rei, profesor titular na Área de Filoloxía Galega e Portuguesa da Universidade da Coruña, na A. C. Alexandre Bóveda (Rúa Olmos, 16-18, 1º), na Coruña. Desenvolverase os días 19 e 26 de abril e 3 e 10 de maio, de 18 a 20h. Son 8h en total para aprofundar nunha mellor utilización do idioma e, por conseguinte, nunha práctica oral e escrita de calidade. As persoas interesadas deben reservar praza enviando un correo electrónico a acab@mundo-r.com
A Coruña: presentación de Cabanillas/Otero Pedrayo, de Manuel Castelao Mexuto
A Coruña: Carlos Garrido presenta O escándalo do léxico galego
A Coruña: presentación da serie “Premios de Teatro Rafael Dieste”
Palabra falada
Palabra falada é unha actividade feita en colaboración coa Agrupación Cultural Alexandre Bóveda.
O 21 de marzo, ás 17:30 horas, diante do Teatro Rosalía de Castro, festéxase o Día da Poesía dun xeito moi especial: a través da selección musical de Saya Mohamed e o recitado de Nuria Vil, mergullándoses nas paisaxes sonoras de Rosalía de Castro, Luz Pozo, Luísa Villalta, Pilar Pallarés e Nuria Vil. Música e palabra falada para celebrar a poesía a pé de rúa. Non é necesaria inscrición previa.
Saya Mohamed
Autodefínese como artista multipotencial, investigadora musical e activista antirracista. Sempre envolta en iniciativas audiovisuais, sitúase no eido musical actual como DJ multixénero, influenciada pola súa orixe palestina e os diversos mundos culturais e artísticos que a arrodean.
Nuria Vil
O seu traballo artístico envolve a palabra falada e o diálogo entre distintas artes para levar a poesía máis aló da escrita. Canda Vanessa Glemsel, forma parte do espectáculo de poesía escénica Dúas gamberras e un micro e da plataforma literaria A Sega. Comparte un proxecto de música experimental e poesía oral a carón de Olga Martínez, imparte obradoiros de creación poética e palabra falada, e xestiona un perfil na plataforma de mecenado Patreon.
A Coruña: presentación do poemario Embernallúas, de Eva Méndez Doroxo
O 17 de marzo, ás 19:30 horas, na A. C. Alexandre Bóveda (Rúa Olmos, 16-18, 1º), na Coruña, preséntase o poemario Embernallúas, de Eva Méndez Doroxo, publicado por Urutau. No acto acompañará á autora Emma Pedreira. As persoas que queiran asistir deben cubrir este formulario.
A Coruña: presentación de A necesidade de termos un feminismo galego, de Margarida Corral
O 14 de marzo, ás 19:30 horas, no local social da A. C. Alexandre Bóveda (Rúa Olmos, 16-18, 1º), na Coruña, terá lugar a presentación do caderno A necesidade de termos un feminismo galego, de Margarida Corral, obra que se suma á colección Ideas Impresas da Fundación Galiza Sempre. No acto de presentación estará acompañando á autora Vitoria Louro. Para asistir, cómpre inscribirse mediante este formulario.
Crónica fotográfica do acto do Día de Rosalía de Castro 2022 na Coruña
Estas son algunhas das fotografías do acto na Coruña do Día de Rosalía de Castro 2022, que tivo lugar o 23 de febreiro diante do Teatro Rosalía, organizado pola AELG e a A. C. Alexandre Bóveda, co apoio de CEDRO e a Área de Normalización Lingüística da Deputación da Coruña. A crónica fotográfica completa pode verse aquí.
