Arquivos da etiqueta: Alba Sánchez Ares
Entrega de premios do VIII Certame de Microrrelatos de Vilalba
Desde Culturalia GZ:
“Este sábado, 5 de setembro, na Casa da Cultura de Vilalba celebrarase a cerimonia de entrega dos premios ás persoas galardoadas no VIII Certame de Microrrelatos de Vilalba.
Este certame, organizado polo Concello de Vilalba, coa colaboración de Culturalia GZ, vaise consolidando dentro do panorama literario galego. Na presente edición houbo unha achega de 60 obras presentadas nas tres categorías de participación (infantil, xuvenil e adulta).
No acto deste sábado, ademais das persoas galardoadas, tamén estarán presentes a alcaldesa de Vilalba, Marta Rouco Seoane, a concelleira de Cultura, Mónica Gónzalez Fernández, e a concelleira de Comercio, Turismo e Promoción da Lingua, Mª Xosé Fernández Pardo, na mesa presidencial. Martiño Maseda, como administrador de Culturalia GZ, exercerá de presentador do acto.
Para a deliberación deste 2026 contouse cun xurado composto por Mercedes Queixas Zas, profesora e escritora, Atenea Ruibal Durán, bibliotecaria da Biblioteca Municipal de Vilalba, e a docente Pilar Otero Cabarcos.
A relación das obras premiadas e autores/-as das mesmas é a que segue a continuación:
Categoría Infantil
1º Premio: Leah Ferreiro García, co microrrelato QUÉROTE, AVÓ
2º Premio: Carmen López Tenreiro co microrrelato O BOSQUE DAS MIL MARABILLAS
3º Premio: Antía Pérez Cendán, co microrrelato AS AMÉRICAS
Categoría Xuvenil
1º Premio: Darío Pita Rodríguez, co microrrelato O SOBRADO
2º Premio: Duarte Mariño Torrado, co microrrelato OLA, HAI ALGUÉN AÍ?
3º Premio: Adriana Garrido Santos, co microrrelato O LIBRO
Categoría Adulta
1º Premio: Patricia Torrado Queiruga, co microrrelato HISTORIA UNIVERSAL
2º Premio: Cándido Paniagua Pousa, co microrrelato Á HORA ACORDADA
3º Premio: Alba Sánchez Ares, co microrrelato APOÑENDO
Tamén se contará co acompañamento musical da Asociación Cultural Árdelle o Eixo.”
De Ela, obra gañadora no XVII certame de poesía Díaz Jácome para novos creadores
Desde Crónica 3:
“Alba Sánchez Ares, veciña de Santiago de Compostela, foi a gañadora do XVII Premio de Poesía Díaz Jácome para novos creadores, convocado polo Concello de Mondoñedo en colaboración coa Área de Cultura da Deputación Provincial de Lugo. O traballo presentado pola gañadora que obterá un premio de 1500 €, placa e diploma, ten por título De Ela.
O segundo premio, dotado con 600 €, placa e diploma, recaeu na obra O suicídio da camelia, da que é autora Tamara Andrés Padín, de Poio.
Daniel Irimia Yáñez acadou o 3º premio, dotado con 300 €, placa e diploma, coa obra Resoar de amor e morte. Daniel Irimia é de Momán, Cospeito.
A entrega do Premio terá lugar o vindeiro sábado, 10 de decembro a partir das 12:15 horas da mañá segundo o seguinte programa:
– 12:15 horas. Recepción oficial na Casa do Concello.
– 12:30 horas. Entrega de Premios no Salón de Plenos do Concello.”
Concedidos en Cornellá os premios do Certame Literario Rosalía de Castro 2014
Desde
Galicia en el Mundo:
“O sábado 29 de novembro, tivo lugar o acto de concesión dos premios do Certame Literario Rosalía de Castro 2014, organizado pola Asociación Cultural Galega Rosalía de Castro de Cornellá (Barcelona), que este ano acada a súa 28ª edición na modalidade de poesía en lingua Galega e a 11ª na de narrativa, e no que foron galardoados cos primeiros premios: Miriam Ferradáns, en poesía, e Alba Sánchez, na modalidade de narrativa.
O acto de concesión dos premios foi precedido dunha charla-coloquio a cargo da escritora Elí Ríos, filla de pais emigrantes galegos en Londres e residente en Galicia, que presentou o seu ultimo libro, Anamnese, un poemario co que ven de gañar o II premio de poesía Manuel Lueiro Rey. (…)
O presidente do xurado do certame, Jordi García Guitart (Rexedor delegado da Cidade da Lectura e Política Lingüística do Concello de Cornellà), e composto por persoas relevantes da cultura galega, deu a coñecer aos gañadores da edición deste ano 2014.
Na modalidade de poesía, na 28ª edición do Certame de Poesía en Lingua Galega Rosalía de Castro, os gañadores foron os seguintes:
– Primeiro premio: Miriam Ferradáns, de Bueu, polo seu poema titulado O sangue que corre polas rúas. Dotación, 500 euros.
– Segundo premio: Verónica Martínez e Alberte Momán, de Lugo, polo poema Test de embarazo positivo. Dotación, 300 euros.
– Terceiro premio: Xosé Otero Canto, de Lugo, polo seu traballo Rolando o vento para o Nordés. Dotación, 200 euros.
Na modalidade de narrativa o mesmo xurado concedeu o premio da 11ª edición do Certame de Narrativa Rosa Reboredo, ao traballo en Galego presentado por Alba Sánchez Ares, de Santiago, polo seu traballo Querida Lola. Dotación 500 euros.”
