Arquivos da etiqueta: Cuestionario Proust

Cuestionario Proust: Xoán Carlos Domínguez Alberte

Publicado o por

Desde o blogue de Ramón Nicolás, Caderno da crítica, este Cuestionario Proust a Xoán Carlos Domínguez Alberte:

«1.– Principal trazo do seu carácter?
– Vitalidade.
2.– Que calidade aprecia máis nas persoas?
– Sinceridade.
3.– Que agarda das súas amizades?
– Permanencia.
4.– A súa principal eiva?
– Non estar activo máis horas.
5.– A súa ocupación favorita?
– A (agri)cultura.
6.– O seu ideal de felicidade?
– Que o rural galego estea poboado con xente de todas as idades que viva ben.
7.– Cal sería a súa maior desgraza?
– Ver esborrallarse a casa do meu interior.
8.– Que lle gustaría ser?
– Profesor de lingua non estranxeira.
9.– En que país desexaría vivir?
– Nunha Galiza próspera e soberana.
10.– A súa cor favorita?
– O verde do outono tenro.
11.– A flor que máis lle gusta?
– A das roseiras do país.
12.– O paxaro que prefire?
– A curuxa.
13.– A súa devoción na prosa?
– Otero Pedrayo talvez.
14.– E na poesía?
– O poder da palabra que se expande entre Mahmud Darwix e Luís Pimentel.
15.– Un libro?
– Dous de mil: Pedro Páramo e Os camiños da vida.
16.– Un heroe de ficción?
– Astérix.
17.– Unha heroína?
– As viúvas dos vivos e as viúvas dos mortos. Calquera delas.
18.– A súa música favorita?
– Clásica.
19.– Na pintura?
– Carlos Maside.
20.– Un heroe ou heroína na vida real?
– Castelao.
21.– O seu nome favorito?
– É composto: Celtia Minia ou ben ao revés.
22.– Que hábito alleo non soporta?
– A traizón.
23.– O que máis odia?
– Non procurar o ben común.
24.– A figura histórica que máis despreza?
– Calquera fascista; nin sequera son dignos de chamalos polo nome.
25.– Un feito militar que admire?
– A resistencia da guerrilla antifranquista.
26.– Que don natural lle gustaría ter?
– A constancia.
27.– De que maneira lle gustaría morrer?
– Felizmente.
28.– Cal é o seu estado de ánimo máis habitual?
– A fabulación.
29.– Que defectos lle inspiran máis indulxencia?
– Os feitos para gañar unha ración de pan de subsistencia.
30.– Un lema na súa vida?
– Denantes mortos que escravos.”

Cuestionario Proust: Xavier Queipo

Publicado o por

Desde o blogue de Ramón Nicolás, Caderno da crítica, este Cuestionario Proust a Xavier Queipo:

«1.– Principal trazo do seu carácter?
– A lealdade.
2.– Que calidade aprecia máis nas persoas?
– A flexibilidade intelectual, a negación do pensamento dogmático.
3.– Que agarda das súas amizades?
– Que digan a verdade do que pensan.
4.– A súa principal eiva?
– Os excesos na tolerancia.
5.– A súa ocupación favorita?
– Pasear sen rumbo fixo.
6.– O seu ideal de felicidade?
– Ter una casa grande onde recibir aos amigos.
7.– Cal sería a súa maior desgraza?
– A soedade non procurada, a outra podo soportala ben.
8.– Que lle gustaría ser?
– Profesor e avó.
9.– En que país desexaría vivir?
– Alí onde o amor me leve.
10.– A súa cor favorita?
– O azul mudábel do mar.
11.– A flor que máis lle gusta?
– O xirasol, que non ten nada de discreto e dá un froito delicioso.
12.– O paxaro que prefire?
– O paporroibo, que trae a primavera no seu corazón ardente.
13.– A súa devoción na prosa?
– Vai mudando, agora aínda Severo Sarduy.
14.– E na poesía?
– As antoloxías.
15.– Un libro?
– De donde son los cantantes.
16.– Un heroe de ficción?
– Os heroes só existen na vida real.
17.– Unha heroína?
– As heroínas tamén.
18.– A súa música favorita?
– O jazz.
19.– Na pintura?
– As vangardas do século XX.
20.– Un heroe ou heroína na vida real?
– Aquel que tanto me quere.
21.– O seu nome favorito?
– Teño varios.
22.– Que hábito alleo non soporta?
– A vaidade.
23.– O que máis odia?
– Os que prefiren a inxustiza á desorde.
24.– A figura histórica que máis despreza?
– Franco leva moitos boletos, mais teño outros que non desmerecen.
25.– Un feito militar que admire?
– A xornada de Omagua e El Dorado, deu magníficas novelas.
26.– Que don natural lle gustaría ter?
– A adiviñación, mais non sei se é natural.
27.– De que maneira lle gustaría morrer?
– Sen ninguén chorando a carón de min.
28.– Cal é o seu estado de ánimo máis habitual?
– Ocupado.
29.– Que defectos lle inspiran máis indulxencia?
– As dependencias.
30.– Un lema na súa vida?
– Ubi bene, ibi patria.”

Cuestionario Proust: Medos Romero

Publicado o por

Desde o blogue de Ramón Nicolás, Caderno da crítica, este Cuestionario Proust a Medos Romero:

«1.– Principal trazo do seu carácter?
– Obsesiva.
2.– Que calidade aprecia máis nas persoas?
– Que non mintan.
3.– Que agarda das súas amizades?
– A entrega e a xenerosidade.
4.– A súa principal eiva?
– A falta de paciencia.
5.– A súa ocupación favorita?
– Pasear en bicicleta.
6.– O seu ideal de felicidade?
– Volver vivir na montaña.
7.– Cal sería a súa maior desgraza?
– Padecer unha demencia, non saber quen son.
8.– Que lle gustaría ser?
– Perfumista.
9.- En que país desexaría vivir?
– En Italia.
10.– A súa cor favorita?
– Os verdes.
11. – A flor que máis lle gusta?
– A flor da cerdeira.
12.– O paxaro que prefire?
– O paporroibo.
13.– A súa devoción na prosa?
– Margarite Yourcenar
14.– E na poesía?
– Rosalía de Castro.
15.– Un libro?
– La lluvia amarilla, de Julio Llamazares.
16.– Un heroe de ficción?
– Non teño.
17.– Unha heroína?
– Non teño.
18.– A súa música favorita?
– Blues e jazz.
19.– Na pintura?
– Os impresionistas e os artistas do Renacemento.
20.– Un heroe ou heroína na vida real?
– Parellas con varios fillos que adoptan nenos con problemas de saúde.
21.– O seu nome favorito?
– Adriana.
22.– Que hábito alleo non soporta?
– A soberbia.
23.– O que máis odia?
– A soberbia.
24.– A figura histórica que máis despreza?
– Franco.
25.– Un feito militar que admire?
– A Revolución dos Caraveis en Portugal.
26.– Que don natural lle gustaría ter?
– O sosego.
27.– De que maneira lle gustaría morrer?
– Consciente, con valentía, sabendo que morro.
28.– Cal é o seu estado de ánimo máis habitual?
– Estar enérxica e en tensión.
29.– Que defectos lle inspiran máis indulxencia?
– A ignorancia.
30.– Un lema na súa vida?
– Todo hai que loitalo, nada é regalado.”

Cuestionario Proust: Arturo Casas

Publicado o por

Desde o blogue de Ramón Nicolás, Caderno da crítica, este Cuestionario Proust a Arturo Casas:

«1.– Principal trazo do seu carácter?
– Agora mesmo a paciencia, e moito me tardou. Tamén unha certa incapacidade para deixar de ver o aspecto cómico que se agocha en case toda acción humana.
2.– Que calidade aprecia máis nas persoas?
– A xenerosidade, a intelixencia, a discreción, a bondade, a educación, a valentía, o candor, o riso, a boa vocalización, todas por igual.
3.– Que agarda das súas amizades?
– Que me fagan rir e que non o beban todo.
4.– A súa principal eiva?
– A descrenza en todo plan quinquenal. Pero iso mesmo vai a favor do momento e a favor da utopía.
5.– A súa ocupación favorita?
– Actual? Ver durmir certas persoas.
6.– O seu ideal de felicidade?
– Igualdade, emancipación, pluralidade, viño, percebes e pel.
7.– Cal sería a súa maior desgraza?
– Ninguén sabe nada a ese respecto.
8.– Que lle gustaría ser?
– Contorsionista. No seu defecto, un río.
9.– En que país desexaría vivir?
– En Noruega, en Chile, nalgún país longo e marítimo. Neste mesmo, malia el ser cadrado. Pero con algún amaño, con bastantes amaños. Por poñer un, diría contarmos cunha esquerda medianamente lúcida.
10.– A súa cor favorita?
– A cor que recende, a do mar dos ártabros.
11.– A flor que máis lle gusta?
– Papoula e memoria.
12.– O paxaro que prefire?
– O tucano, por me resultar inverosímil e serme simpático malia o exceso.
13.– A súa devoción na prosa?
– Bourbaki. Spinoza. Weil. Cunqueiro. Lotman. Arendt. Cervantes. Canetti.
14.– E na poesía?
– Safo e a poesía arcaica grega; en xeral, todos os arcaicos. E logo Celan. Tamén Pepe Cáccamo, Chus Pato e oito ou dez poetas máis do meu tempo e do meu país. Admiro igualmente quen traduce poesía e o fai ben. Poucas cousas se me ocorren máis complicadas.
15.– Un libro?
– O bosque harmonioso, de Augusto Abelaira. Quen sabe por que?
16.– Un heroe de ficción?
– Lázaro. E, en xeral, os esdrúxulos.
17.– Unha heroína?
– Eurídice, por non desviarnos. Tamén Atenea, malia todo.
18.– A súa música favorita?
– Depende da hora, do sitio, da posición e de se estou só ou con xente. Algúns nomes e xéneros, por exemplo mentres conduzo, resultan inconfesábeis. Sendo dono de min, gústame Pärt, Mozart, Bach, Schubert. Tamén Abe Rábade, que hai uns días me conmoveu até un límite para min descoñecido. A música de Patricia Barber, Shirley Horn, Abbey Lincoln, Nina Simone e moitas outras compositoras e cantantes estadounidenses.
19.– Na pintura?
– Colmeiro e Seoane, para pensar no mito e para a alegría. E moita pero moita máis. De antes e de despois.
20.– Un heroe ou heroína na vida real?
– Os que cruzan desertos e mares procurando algo que nós xa temos. As que se xogan a vida por falar en voz alta.
21.– O seu nome favorito?
– Ilduara, Artemio e algún nome eslavo, como Zbigniew ou Katarzyna.
22.– Que hábito alleo non soporta?
– Poñamos catro: a facundia, a pompa, a nugalla e a desorde. E un quinto: a incapacidade para poñerse no lugar do outro. E un máis, por ir á media ducia: a egolatría.
23.– O que máis odia?
– O colonialismo, a violencia física e simbólica contra as mulleres, a relixión de estado, a escravitude, o fascismo.
24.– A figura histórica que máis despreza?
– Franco e os seus xenerais, bispos, xuíces e banqueiros, por todo o que directa e sistematicamente nos fixeron (século XX) e nos seguen a facer a nós (século XXI).
25.– Un feito militar que admire?
– Calquera que implique a liberación de seres humanos sometidos por motivos étnicos, sociais, relixiosos ou doutra clase. A revolución haitiana de 1791 contra a escravitude e mais a colonización e a correlativa organización militar debida a Toussaint Louverture, por exemplo.
26.– Que don natural lle gustaría ter?
– Beleza e intelixencia, por esa orde ou pola inversa. Fóra diso gustaríame ser negra e ter sentido do ritmo e da proporción. Tamén, con todo o anterior, ser mediofondista, danzarín e tocar o saxo alto ou o bandoneón. A miúdo querería, asemade, ser contorsionista, creo que xa o dixen.
27.– De que maneira lle gustaría morrer?
– Sen tortura, sen escenario, sen relixión e sen dar a lata. Pero asumo aquilo de Blanchot: morrín, vivín, morrín. Non se morre só unha vez nin só dunha vez.
28.– Cal é o seu estado de ánimo máis habitual?
– A proxección individual e colectiva sobre o futuro, un principio esperanza menor que o que querería manter aceso.
29.– Que defectos lle inspiran máis indulxencia?
– A simpleza, agás cando vai unida a poder. Pero quen é un para perdoar?
30.– Un lema na súa vida?
– Nunca souben de lemas. Gustoume o resultado dunha enquisa do Times, el mesmo paradoxal: “No motto please, we’re British”.”

Cuestionario Proust: Miguel Ángel Alonso Diz

Publicado o por

Desde o blogue de Ramón Nicolás, Caderno da crítica, este Cuestionario Proust a Miguel Ángel Alonso Diz:

«1.– Principal trazo do seu carácter?
– Honestidade.
2.– Que calidade aprecia máis nas persoas?
– Bondade.
3.– Que agarda das súas amizades?
– Que sexan boas persoas.
4.– A súa principal eiva?
– A ignorancia. Fáltanme moitas lecturas.
5.– A súa ocupación favorita?
– Ler, escribir, xogar ao baloncesto.
6.– O seu ideal de felicidade?
– “Un abrazo de familia”. A miña muller e a miña filla entenderán esta resposta.
7.– Cal sería a súa maior desgraza?
– Perder a miña familia.
8.– Que lle gustaría ser?
– O que son. Eu xa atopei meu camiño.
9.– En que país desexaría vivir?
– Nunha Galicia decidida, valente, que non educara @s seus fill@s para marchar; respectuosa con outras identidades e orgullosa da súa.
10.– A súa cor favorita?
– Direi que a mestura do azul ceo, as verdes follas e o marrón do chan. Inda que para vestir sen dúbida o negro.
11.– A flor que máis lle gusta?
– Gusto de todas.
12.– O paxaro que prefire?
– A anduriña.
13.– A súa devoción na prosa?
– Xosé Neira Vilas.
14.– E na poesía?
– Celso Emilio Ferreiro.
15.– Un libro?
– Querido Tomás.
16.– Un heroe de ficción?
– Luke Skywalker.
17.– Unha heroína?
– Princesa Leia Organa. Dende pequeno quedei engaiolado pola súa fortaleza e determinación.
18.– A súa música favorita?
– The Beatles. The Doors.
19.– Na pintura?
– Salvador Dalí. Pero podería dicir Goya ou Velázquez.
20.– Un heroe ou heroína na vida real?
– A miña muller.
21.– O seu nome favorito?
– Esther.
22.– Que hábito alleo non soporta?
– A falsidade e a cobiza sen medida por riba de todo e de tod@s.
23.– O que máis odia?
– As miserias do ser humano. Pero non sei se podo albergar odio onde hai tanto amor.
24.– A figura histórica que máis despreza?
– Posiblemente a Hitler.
25.– Un feito militar que admire?
– Numancia. Pola súa resistencia e valor da liberdade. Pero non creo que poida admirar ningún feito militar.
26.– Que don natural lle gustaría ter?
– Pintar e tocar algún instrumento musical.
27.– De que maneira lle gustaría morrer?
– Despois de facer o meu percorrido vital. En anciá idade e cos meus seres queridos. Inda que hei de confesar que non quero morrer nin que morran os demais.
28.– Cal é o seu estado de ánimo máis habitual?
– Ultimamente felizmente canso.
29.– Que defectos lle inspiran máis indulxencia?
– O medo. É normal ter medo até atopar o camiño. Coñezo ben a sensación. E o medo é un defecto que non deixa medrar a alma.
30.– Un lema na súa vida?
– As cousas son como son até que deixan de selo. Sempre cuestiono as realidades que vivo e nunca collo autoestradas na vida. O camiño do oficio é un camiño longo que desexo percorrer.”

Cuestionario Proust: Miguel Anxo Fernández

Publicado o por

Desde o blogue de Ramón Nicolás, Caderno da crítica, este Cuestionario Proust a Miguel Anxo Fernández:

«1.– Principal trazo do seu carácter?
– Timidez e constancia. Iso de “o que resiste, gaña”…
2.– Que calidade aprecia máis nas persoas?
– Honestidade.
3.– Que agarda das súas amizades?
– Todo o que representa ser un amig@.
4.– A súa principal eiva?
– Incompatible coa burocracia e coa “burrocracia”…
5.– A súa ocupación favorita?
– Ver cine, escribir, gozar da compaña da boa xente.
6.– O seu ideal de felicidade?
– Xuntar todos os meus centos (diría miles…) de libros nunha única biblioteca e perderme nela con boa saúde e gozar do mellor cine da miña videoteca, nunha pequena sala a carón…
7.– Cal sería a súa maior desgraza?
– A morte dun ser querido e unha enfermidade sen remedio.
8.– Que lle gustaría ser?
– O que son, un tipo normal. Pero postos a ser fantasioso: un fulano con poderes para corrixir a estupidez humana no seu concepto máis amplo (que mira que abonda…).
9.– En que país desexaría vivir?
– Xa vivo no mellor país do mundo…
10.– A súa cor favorita?
– Negro, pero a bandeira das tres cores tamén: vermello, branco e azul…
11.– A flor que máis lle gusta?
– Unha rareza: a flor de toxo ten o seu aquel…
12.– O paxaro que prefire?
– A pomba de Picasso…
13.– A súa devoción na prosa?
– O teórico cinematográfico André Bazin.
14.– E na poesía?
– Non teño preferencia. Todos me parecen heroes da Palabra.
15.– Un libro?
– ¿Qué es el cine? (André Bazin).
16.– Un heroe de ficción?
– Frank Soutelo.
17.– Unha heroína?
– Non teño unha preferencia concreta.
18.– A súa música favorita?
– Calquera de Jerry Fielding, Georges Delerue e Ennio Morricone, compositores de cine.
19.– Na pintura?
– Son moi ecléctico: desde os impresionistas a Picasso, Dalí e Antonio López. Son historiador da Arte, e iso sácache espontaneidade nas preferencias.
20.– Un heroe ou heroína na vida real?
– Os meus pais, currantes toda a vida, de sol a sol.
21.– O seu nome favorito?
– Esa é a pregunta do millón…
22.– Que hábito alleo non soporta?
– Regreso ao principio: a estupidez, a corrupción e a intolerancia.
23.– O que máis odia?
– Prefiro centrar os meus esforzos noutro tipo de sentimentos.
24.– A figura histórica que máis despreza?
– Os ditadores (e hai un carro cheo deles).
25.– Un feito militar que admire?
– Sinto moito dicir que ningún …
26.– Que don natural lle gustaría ter?
– Ser invisible.
27.– De que maneira lle gustaría morrer?
– Ou nunha cama de puro apagamento biolóxico ou dun repente.
28.– Cal é o seu estado de ánimo máis habitual?
– Unha permanente incredulidade.
29.– Que defectos lle inspiran máis indulxencia?
– A ignorancia, por abondosa, sobre todo na xestión pública.
30.– Un lema na súa vida?
– A honestidade, con todo o que iso representa.”

Cuestionario Proust: Ledicia Costas

Publicado o por

Desde o blogue de Ramón Nicolás, Caderno da crítica, este Cuestionario Proust a Ledicia Costas:

«1.– Principal trazo do seu carácter?
– O inconformismo.
2.– Que calidade aprecia máis nas persoas?
– A integridade.
3.– Que agarda das súas amizades?
– Que comprendan a miña vea tola, que me queiran e que me fagan rir.
4.– A súa principal eiva?
– A introversión.
5.– A súa ocupación favorita?
– Escribir, recitar e durmir. Cústame escoller.
6.– O seu ideal de felicidade?
– Que as persoas que quero estean ben.
7.– Cal sería a súa maior desgraza?
– A perda dun ser querido.
8.– Que lle gustaría ser?
– Gústame ser Ledicia Costas. Aínda que confeso que me encantaría ser actriz fixa das pelis de Tim Burton.
9.– En que país desexaría vivir?
– Inglaterra, aínda que non a cambiaría por Galicia.
10.– A súa cor favorita?
– Negra.
11. – A flor que máis lle gusta?
– As mimosas.
12.– O paxaro que prefire?
– Os bufos.
13.– A súa devoción na prosa?
– Non son moi devota… Saramago, Michael Ende, Boris Vian.
14.– E na poesía?
– Sylvia Plath, Alejandra Pizarnik.
15.– Un libro?
– O Ensaio sobre a cegueira.
16.– Un heroe de ficción?
– Son Goku.
17.– Unha heroína?
– Pippi Langstrumpf.
18.– A súa música favorita?
– Badalamenti, Mike Olfield.
19.– Na pintura?
– Tamara de Lempicka, Salvador Dalí.
20.– Un heroe ou heroína na vida real?
– Só un? Mary Wollstonecraft.
21.– O seu nome favorito?
– O do meu avó Marciano.
22.– Que hábito alleo non soporta?
– A prepotencia, o exceso de ego.
23.– O que máis odia?
– A violencia en xeral e a machista en particular.
24.– A figura histórica que máis despreza?
– Adolf Hitler.
25.– Un feito militar que admire?
– Os tratados de paz.
26.– Que don natural lle gustaría ter?
– Sempre quixen ter o don da teletransportación, aínda que empezo a crer que ía producirme un exceso de estrés.
27.– De que maneira lle gustaría morrer?
– Durmindo. Ou soñando, para ser aínda máis concreta.
28.– Cal é o seu estado de ánimo máis habitual?
– A Ledicia.
29.– Que defectos lle inspiran máis indulxencia?
– O despiste, a desorde, a impulsividade.
30.– Un lema na súa vida?
– Non son de lemas. Sorrirlle á vida, sen máis.”

Cuestionario Proust: Marisol Gándara

Publicado o por

Desde o blogue de Ramón Nicolás, Caderno da crítica, este Cuestionario Proust a Marisol Gándara:

«1.– Principal trazo do seu carácter?
– Insegura.
2.– Que calidade aprecia máis nas persoas?
– Sinceridade.
3.– Que agarda das súas amizades?
– Sinceridade.
4.– A súa principal eiva?
– A baixa autoestima.
5.– A súa ocupación favorita?
– Actividades mecánicas que non me obriguen a pensar, xa o fago con demasiada frecuencia.
6.– O seu ideal de felicidade?
– Estou case segura de que non existe, por iso é ideal.
7.– Cal sería a súa maior desgraza?
– Supoño que demasiadas, prefiro non pensalo.
8.– Que lle gustaría ser?
– Escritora/crítica.
9.– En que país desexaría vivir?
– Aquel no que sexa capaz de atopar a miña independencia social, económica, moral, etc.
10.– A súa cor favorita?
– Negro e branco, depende do día.
11.– A flor que máis lle gusta?
– Non teño una favorita, gústanme moitas.
12.– O paxaro que prefire?
– Igual que a pregunta número 11.
13.– A súa devoción na prosa?
– Gabriel García Márquez.
14.– E na poesía?
– Bécquer.
15.- Un libro?
– Del amor y otros demonios.
16.– Un heroe de ficción?
– Xesús Cristo. Serve?
17.– Unha heroína?
– Lulú de Las edades de Lulú (Almudena Grandes).
18.– A súa música favorita?
– Depende do día, polo xeral rock.
19.– Na pintura?
– Teño varios que me gustan pero a imaxe do Cristo Morto de Mantegna paréceme incríble.
20.– Un heroe ou heroína na vida real?
-Coa debida abstracción e pulindo os “defectos” meu pai.
21.– O seu nome favorito?
– Rebeca.
22.– Que hábito alleo non soporta?
– O mesmo que non soporto en min cando se presenta. A preguiza.
23.– O que máis odia?
– Os preguizosos.
24.– A figura histórica que máis despreza?
– Non me gusta desprezar a ninguén pero supoño que entre eles están Hitler ou Trotsky.
25.– Un feito militar que admire?
– Ningún.
26.– Que don natural lle gustaría ter?
– A beleza.
27. – De que maneira lle gustaría morrer?
– Co tempo xusto para poder despedirme.
28.– Cal é o seu estado de ánimo máis habitual?
– Dubidoso, sempre estou cuestionando(me) todo.
29.– Que defectos lle inspiran máis indulxencia?
– A inseguridade.
30.– Un lema na súa vida?
– Calquera tempo pasado foi peor.”

Cuestionario Proust: Antonio Seijas

Publicado o por

Desde o blogue de Ramón Nicolás, Caderno da crítica, este Cuestionario Proust a Antonio Seijas:

«1.– Principal trazo do seu carácter?
– Inxenuidade.
2.– Que calidade aprecia máis nas persoas?
– A suma de calidades que as converten en boas persoas.
3.– Que agarda das súas amizades?
– Non agardo nada de ninguén.
4.– A súa principal eiva?
– Non sei dicir que non! E quizais a falta de autoestima.
5.– A súa ocupación favorita?
– Ler, pensar, crear… e se é na natureza mellor.
6.– O seu ideal de felicidade?
– Estar coa xente que quero, sen preocupacións.
7.– Cal sería a súa maior desgraza?
– A falta de amor e a falta dos seres queridos. É o único importante.
8.– Que lle gustaría ser?
– Eu mesmo ata o final. É o que me tocou.
9.– En que país desexaría vivir?
– No meu, o que levo na alma, Galiza.
10.– A súa cor favorita?
– Azul escuro. E todas as que se ven no ceo no amencer e no solpor. Todas as cores que nos da a luz do sol na natureza.
11.– A flor que máis lle gusta?
– A papoula, ten unha cor fascinante.
12.– O paxaro que prefire?
– Todos, dende os pardais, aos merlos cos seus cantos e as gaivotas que me levan ao mar con cada chío.
13.– A súa devoción na prosa?
– Lawrence Durrell.
14.– E na poesía?
– Vicente Aleixandre.
15.- Un libro?
– Pasión de la tierra e Justine, por exemplo.
16.– Un heroe de ficción?
– Ningún.
17.– Unha heroína?
– Ningunha.
18.– A súa música favorita?
– A que me pon a pel de galiña e me fai chorar, a banda inglesa Marillion. Tamén gusto da música clásica coma Bach, etc.
19.– Na pintura?
– Quizais o que me chamou a atención dende ben novo foi Caspar David Friedrich. Conecta con cousas que van máis alá da realidade física. Quizais conecta coa realidade verdadeira.
20.– Un heroe ou heroína na vida real?
– Toda a xente que pensa máis nos demais que en si mesmo.
21.– O seu nome favorito?
– Non sabía que había que ter un favorito! Non teño!
22.– Que hábito alleo non soporta?
– Calquera forma de falta de respecto.
23.– O que máis odia?
– Non odio.
24.– A figura histórica que máis despreza?
– Ningunha en concreto, máis todas as que causaron e causan dor entre a xente.
25.– Un feito militar que admire?
– Non atopo compatibilidade neses termos.
26.– Que don natural lle gustaría ter?
– Poder sandar á xente e facela feliz.
27.– De que maneira lle gustaría morrer?
– Ben vivo.
28.– Cal é o seu estado de ánimo máis habitual?
– Esperanzado, positivo e melancólico.
29.– Que defectos lle inspiran máis indulxencia?
– Os que non levan a danar aos demais.
30.– Un lema na súa vida?
– Tentar aprender e ser mellor persoa, tentar facer felices aos que me rodean, máis o meu avó sempre me dicía o de “é de ben nacidos ser agradecidos”, e o teño moi presente tódolos días.”

Cuestionario Proust: Ramiro Torres

Publicado o por

Desde o blogue de Ramón Nicolás, Caderno da crítica, este Cuestionario Proust a Ramiro Torres:

«1.– Principal trazo do seu carácter?
– A perseverância dialogante.
2.– Que calidade aprecia máis nas persoas?
– A humildade e a cercania.
3.– Que agarda das súas amizades?
– Mui pouco, acho que dessa maneira desfruto mais do que me oferecem.
4.– A súa principal eiva?
– Certa tendência à desordem se estou em várias situações simultaneamente, resolvo melhor as cousas uma por uma.
5.– A súa ocupación favorita?
– A leitura, a escrita, as amizades.
6.– O seu ideal de felicidade?
– Estar sempre atento e aberto ao que já temos aqui, à nossa volta.
7.– Cal sería a súa maior desgraza?
– A desaparição de seres queridos.
8.– Que lle gustaría ser?
– Um buscador permanente da luz, onde quer que esteja.
9.– En que país desexaría vivir?
– Acho que devo fazer o possível porque o país onde esteja fosse no que mais gostaria de estar, e melhor estivessem os meus congêneres.
10.– A súa cor favorita?
– O azul.
11.– A flor que máis lle gusta?
– A rosa (e se é invisível, ainda melhor).
12.– O paxaro que prefire?
– O merlo branco, e de não se encontrar, uma pomba.
13.– A súa devoción na prosa?
– Cortázar, Cunqueiro.
14.– E na poesía?
– Herberto Hélder, Rumi.
15.– Un libro?
– Poesia toda, de Herberto Hélder.
16.– Un heroe de ficción?
– Orfeu.
17.– Unha heroína?
– María Soliña, por exemplo.
18.– A súa música favorita?
– Berrogüetto, Mozart, entre muitas outras.
19.– Na pintura?
– Magritte, Lugrís, Granell, O Bosco, entre muit@s outr@s.
20.– Un heroe ou heroína na vida real?
– Gandhi, José Luis Sampedro, Hipátia de Alexandria, Doris Lessing, etc.
21.– O seu nome favorito?
– Alba.
22.– Que hábito alleo non soporta?
– A prepotência e a mentira.
23.– O que máis odia?
– Remito-me à anterior resposta, ainda que quiçá odeie mais deixar-me levar por esse ódio, e perder tempo valioso da minha vida.
24.– A figura histórica que máis despreza?
– Há demasiadas que me parecem completamente inúteis, tanto na história como no presente. Quem ordenou directa ou indirectamente matar a mais gente leva as de ganhar neste assunto (Hitler, talvez).
25.– Un feito militar que admire?
– A Revolução dos Cravos.
26.– Que don natural lle gustaría ter?
– A capacidade de desligar da realidade circundante e trabalhar intensamente desde o meu coração. Atrevo-me a dizer que esse é um dom natural, e que grande parte da realização do ser humano é converter isso em algo habitual, quase imperceptível, como a respiração, por exemplo. Nisso ando, na medida em que não deixo que os condicionamentos sejam maiores do que realmente lhes corresponde (ou deve corresponder-lhes).
27.– De que maneira lle gustaría morrer?
– Sem dor e sereno. A morte é parte da minha condição humana, e semelha-me mais importante não deixar nada pendente com ninguém que o feito de adiar algo que é consubstancial a esta forma (bem curiosa, todo seja dito) de existência.
28.– Cal é o seu estado de ánimo máis habitual?
– Acho que entre enviso e bem-humorado.
29.– Que defectos lle inspiran máis indulxencia?
– Os despistes ou qualquer cousa feita por amor.
30.– Un lema na súa vida?
– Poesia, Amor e Liberdade!!!”