O xoves 24 de xaneiro, ás 20:15 horas, na Librería Biblos (Rúa Salvador de Madariaga, 1, local 4) de Lugo, preséntase a novela A noite branca, de Francisco X. Fernández Naval, publicada en Xerais. No acto participan, xunto ao autor, Carmen Blanco e Fran Alonso, co acompañamento musical de Carlos Arias.
Arquivos da etiqueta: Edicións Xerais
Santiago: presentación de Todo OK, de Diego Ameixeiras
O xoves 24 de xaneiro, ás 20:00 horas, na Libraría Couceiro (Praza de Cervantes, 6) de Santiago, terá lugar a primeira presentación da novela Todo OK, de Diego Ameixeiras, publicada en Xerais. Xunto ao autor, participan Fran P. Lorenzo e Manuel Bragado.
Marín: presentación de Como falar e escribir en galego con corrección e fluidez, de Carlos Callón
O luns 21 de xaneiro, ás 20:00 horas, na Casa da Veiguiña (Praza da Veiguiña) de Marín, preséntase o libro Como falar e escribir en galego con corrección e fluidez, de Carlos Callón, publicado en Xerais.
Vídeo da entrevista a Agustín Agra sobre o seu libro Trampa de luz no IES Porto do Son
Desde Xerais:
“Dous alumnos do IES Porto do Son (Alexandra e Carlos), usuarios da Biblioteca Fraga de Novio, entrevistan nun vídeo o escritor Agustín Agra polo seu libro Trampa de luz.”
“O best seller como elemento normalizador: fillos dun mar complicado”, reflexión de Pedro Feijoo
“O escritor Pedro Feijoo, autor de Os fillos do mar, pronunciou o pasado mes de decembro unha conferencia na Universitat de Barcelona baixo o título O best seller como elemento normalizador dun sistema literario en crise. A partir daquela conferencia, a revista Galicia 21. Journal of Contemporary Galician Studies publicou unha longa reflexión do autor sobre o mesmo tema e baixo o título: O best seller como elemento normalizador: fillos dun mar complicado. O artigo pode descargarse e lerse en pdf neste enlace.” Desde Xerais.
Paiosaco: presentación de Como falar e escribir en galego con corrección e fluidez, de Carlos Callón
O sábado 19 de xaneiro, ás 18:00 horas, no local da Asociación de Veciñas e Veciños Campo da Feira (Avenida de Bergantiños, 48) de Paiosaco, preséntase o libro Como falar e escribir en galego con corrección e fluidez, de Carlos Callón, publicado en Xerais.
Booktrailer de O códice do Santo Lugar, de Pere Tobaruela
Premios Fervenzas Literarias para Os mellores libros do 2012
“Tras pechar o día 15 de xaneiro as votacións temos, un ano máis, os resultados cos que as lectoras e os lectores de Fervenzas Literarias decidiron o que ao seu xuízo foi o mellor do 2012. En total, este ano recibimos 453 enquisas. Desde Fervenzas Literarias queremos agradecer unha vez máis a vosa participación e o voso interese, porque estes premios, aínda que polo de agora só sexan de carácter simbólico, queren reflectir a voz dos lectores e das lectoras galegas. A voz dos que somos receptores e consumidores dos libros que @s escritor@s e editoriais poñen nas librarías e nas bibliotecas. E agora os resultados e os nosos parabéns aos premiados…
– Mellor libro de Narrativa de adultos para As voces baixas, de Manuel Rivas (Xerais).
– Mellor libro de Poesía para Calado testamento, de Xavier Rodríguez Barrio (Espiral Maior).
– Mellor libro de Ensaio para O rastro que deixamos, de Agustín Fernández Paz (Xerais).
– Mellor libro de Literatura dramática para o Banqueiros, de varios autores (Laiovento).
– Mellor libro de Banda Deseñada para Ardalén, de Miguelanxo Prado.
– Mellor libro traducido ao galego para adultos para Mr. Gwyn, de Alessandro Baricco (Galaxia).
– Mellor libro xuvenil para Palabras de auga, de Marcos Calveiro (Xerais).
– Mellor libro infantil para María Fumaça, de varios autores (Galaxia).
– Mellor libro traducido ao galego para público infantil e xuvenil para Lilus Kikus, de Elena Poniatowska, traducido por Teresa Moure (Trifolium).
– Autor do ano para Agustín Fernández Paz.
– Ilustrador do ano para Miguelanxo Prado.
– Mellor portada dun libro para adultos para Tonas de laranxa (Xerais).
– Mellor portada dun libro para público infantil e xuvenil para Palabras de auga (Xerais).
– Mellor editorial para Xerais.
– Mellor crítico/a para Armando Requeixo.
– O mellor acontecido para o Culturgal.
– O peor acontecido para a política cultural da Xunta.
– Mellor Libraría para a libraría Couceiro.
– Mellor medio de comunicación para Praza.
– Mellor blog para Brétemas, de Manuel Bragado.”
Ribadavia: presentación de Como falar e escribir en galego con corrección e fluidez, de Carlos Callón
O venres 18 de xaneiro, ás 20:30 horas, no Pub Aljama de Ribadavia (Tras Mesóns), preséntase o libro Como falar e escribir en galego con corrección e fluidez, de Carlos Callón, publicado en Xerais. No acto, xunto ao autor, participa Eladino Cabanelas, responsábel da Mesa pola Normalización Lingüística na zona do Carballiño-Ribeiro.