Memoria diversa, a memoria do LGTBIQ+ en Galicia

Desde a Televisión de Galicia:
Memoria diversa, de Eva Mejuto, é un libro con vocación de continuidade que nace para recoller as voces do colectivo LGTBIQ+ de Galicia. As súas protagonistas son Laura Bugalho, Nacha María Sánchez, Fito Ferreiro Seoane, Braulio Vilariño, Carmen López Picón, Guillermina Domínguez Touriño, Itos Domínguez, Nanina Santos Castroviejo, Lois Diéguez Vázquez, Trinidad Falcés, Vicente Montoto e María Xosé Queizán. A entrevista pode verse aquí.”

Anxo Angueira: “A Palmeira é a miña vida e a da miña aldea, é algo exótico e tamén da casa”

Entrevista a Anxo Angueira no Zig-zag da Televisión de Galicia:
“Anxo Angueira levaba 15 anos sen publicar poesía. Tampouco sabiamos que andaba a artellar un poemario que agora ve a luz co título, Palmeiras, piueiros, uns poemas que nacen da morte da palmeira de Manselle, e que reflexionan sobre a morte e o rexurdimento cultural de Galicia. A entrevista pode verse aquí.”

Olivia Rodríguez: “Luz Pozo Garza buscaba o misterio da vida a través da poesía”

Entrevista a Olivia Rodríguez González no Zig-zag da Televisión de Galicia:
“”O tempo é relativo e, ao contraluz do tempo, pasa a vida”. Son versos de Luz Pozo Garza, do seu último libro Pazo de Tor. Ela cumpriría o mes que vén 100 anos e escribiu ata o final dos seus días. Hoxe lembrarémola con Olivia Rodríguez, comisaria dunha mostra aberta estes días na Cidade da Cultura que amosa como Luz podía converter o cotián en poesía. A entrevista pode verse aquí.”

Yolanda Castaño: “A poesía para min non é un terreo dogmático, serve para as contradicións e as dúbidas”

Entrevista a Yolanda Castaño no Zig-zag da Televisión de Galicia:
“”Legados, relacións e ata proxeccións familiares: velaí a materia da que estamos feitas”. Iso di Yolanda Castaño. Tardou oito anos en darnos un novo poemario, pero a espera pagou a pena. Oito anos en que non parou de traballar, de levar o galego polo mundo e de facer moita xestión cultural. Yolanda preséntanos Materia, o seu novo poemario. A entrevista pode verse aquí.”

Xavier Queipo e a nebulosa mental que nos atorda

Entrevista a Xavier Queipo na Televisión de Galicia:
“Entrevistamos a Xavier Queipo polo seu último libro: Final feliz. Participa ademais na Semana do Libro de Compostela, a SELIC na charla ‘Relatos da xeración que non foi’. A entrevista pode verse aquí.”

Andrea Fernández Maneiro: “A poesía erótica explícita fainos perder capacidade sensitiva”

Entrevista a Andrea Fernández Maneiro no Zig-zag da Televisión de Galicia:
“A primeira vez que visitou o Zigzag Andrea Fernández Maneiro, falounos de Migratoria, o seu primeiro poemario. Desde aquela gañou o Premio Leiras Pulpeiro por Contra-tempos, que pronto sairá publicado, hai unhas semanas o Premio de Poesía Eduardo Pondal por Voto de silencio e, ademais, tamén o gañou a última edición do premio de poesía erótica Illas Sisargas con Edénicas. A entrevista pode verse aquí.”

Inma López Silva: “A miña pulsión é narrativa, pero agora precisaba contar doutro xeito”

Entrevista a Inma López Silva no Zig-zag da Televisión de Galicia:
Clepsidras. Este libro é o primeiro poemario dunha autora á que coñecemos por outros xéneros como a novela ou o ensaio. Así asistimos á inmersión inesperada de Inma López Silva na poesía. A entrevista pode verse aquí.”

Marcos Calveiro: “Son escritor, porque antes fun lector, pese a todos os inconvenientes”

Entrevista a Marcos Calveiro no Zig-zag da Televisión de Galicia:
“A última aventura de Marcos Calveiro lévanos a reunir a Curros Enríquez con Sherlock Holmes en Londres para buscar o manuscrito roubado d’O capital de Karl Marx. Todo é posible nun libro que inicia unha saga literaria. A entrevista pode verse aquí.”

Xesús Rábade Paredes: “Non existe a realidade, existen as realidades”

Entrevista a Xesús Rábade Paredes no Zig-zag da Televisión de Galicia:
“Revisar a memoria propia non é sen dúbida un proceso doado e nin tan sequera ten que ser un proceso cronolóxico. O poeta Xesús Rábade Paredes revisa a súa memoria e, con ela, revisa a memoria dun tempo e dunha xeración, desde a lingua ata a literatura, máis alá do persoal no seu libro A luz co tempo dentro. A entrevista pode verse aquí.”

Carlos Taibo: “A situación da nosa lingua é dramática, pero a xente nova, a pesar de todo, fala galego”

Entrevista a Carlos Taibo na Televisión de Galicia:
O feitiço das línguas está publicado por Através editora. A análise política internacional deixa paso cos anos a ensaios máis persoais do exprofesor da Universidade Autónoma de Madrid. O profesor Carlos Taibo asina unha autobiografía lingüística na que afirma que a lingua non é só un sistema de regras, senón unha institución sociocultural que constitúe a nosa identidade individual e colectiva. A entrevista pode verse aquí.”