Ourense: actividades destacadas do 1 de xuño na Feira do Libro 2019

O 1 de xuño finaliza a Feira do Libro de Ourense (na rúa do Paseo), organizada pola Federación de Librarías de Galicia, con horarios de 11:00 a 14:00 h. e de 18:00 a 22:00 h., cos seguintes actos literarios destacados dentro do seu programa para este día:

18:00 h. Sinatura de O galego mola, de Isabel Villanueva (Isashopaholic), na caseta da Libraría Cortizas.
18:45 h. Presentación de O tempo meteorolóxico, de Miguel Robledo, publicado por A Mesa. Participa Mónica Pazos.
19:30 h. Coloquio sobre Eternos propietarios, de Jorge Emilio Bóveda, publicado por Tandaia (Edicións do Peirao). Participan Eladio Medel e Francisco Javier Fontela.
20:15 h. Presentación de Kallaikos. Unha viaxe á Galiza Céltica, de Francisco Boluda.

Jorge Emilio Bóveda gaña o Premio de Novela do Peirao

Desde Cultura Galega:
“A obra Eternos propietarios, de Jorge Emilio Bóveda (Ourense, 1975) ven de alzarse co Premio de Novela do Peirao, convocado por Edicións do Peirao por vez primeira este ano. Setenta e tres traballos presentáronse ao certame dos que o xurado non destaca que a maioría dos textos presentados mostráronse orientados a temáticas de denuncia social en maior ou menor medida e cun bo nivel medio. Segundo a acta do premio, Eternos propietarios é unha obra que ofrece modernidade e realismo social na liña de novelas como La borra del café de Benedetti ou Manhattan Transfer de Dos Passos, como referencias. Para o xurado Jorge Emilio Bóveda “foi quen de mesturar contidos de denuncia con momentos retranqueiros nunha obra coral que vai desvelando novas tramas a medida que avanza a obra”, nunha polifonía no que a evolución do relato da historia e os sentimentos persoais van da man. O gañador ten xa escrita moita obra narrativa anterior así como ensaio.”