A Coruña: presentación de Banqueiros, coordinado por Francisco Pillado

O mércores 30 de xaneiro, ás 20:00 h., en Portas Ártabras (Rúa Sinagoga, 22) da Coruña, preséntase o libro de teatro de autoría colectiva Banqueiros, publicado por Laiovento. No acto participarán o coordinador e prologuista do libro, Francisco Pillado, e un dos autores, Lino Braxe, que escenificará, xunto cos actores Manuel Varela e Juan Carlos Mejuto, a obra Inverno occidental recollida no libro.

A Coruña: XVI Memorial de teatro Ibán Toxeiro

A Asociación Cultural Alexandre Bóveda informa que o vindeiro mércores 24 de outubro terá lugar o XVI Memorial de teatro Ibán Toxeiro. Será no Teatro Rosalía de Castro da Coruña, ás 20:30 horas, con entrada gratuíta. Nesta ocasión terán lugar as seguintes actuacións:
– Grupo de teatro da A. C. Alexandre Bóveda, cun fragmento da Ópera do patacón.
– Casa Hamlet, con dúas obras: Boznia e Poe.
– Caramuxo teatro, con E de maior quero ser….
– Teatro Proscrito, con Inverno occidental.
– Entrega do V Premio Alexandre Bóveda de teatro amador Ibán Toxeiro para Manuel Lourenzo polo seu labor en Casa Hamlet.
– Todo aderezado coa música en directo de Factoría.