Arquivos da etiqueta: Normal

A Coruña: obradoiro Laboratorio das letras, dirixido por Antía Otero

Publicado o por

Laboratorio das letras, obradoiro impartido por Antía Otero, tratará de achegar os participantes ao entramado literario dende unha visión actual e contemporánea a través da teoría e a práctica. No proceso aportaranse chaves que axuden a escoitar e mirar dende o aquí e o agora da cotidianidade, do inmediato, do pequeno, facendo fincapé na construción do texto.

OBXECTIVOS:
– Coa mestura da teoría e da práctica, aportar chaves que axuden á elaboración e creación de textos partindo da mirada única de cada participante.
– Poñer en relación o literario co interdisciplinar: cinema, música, artes plásticas…
– Atopar os silencios no lenzo.
– Bucear nas propias creacións ao redor da imaxinación, a escoita, o concreto, os diálogos, o eu e os personaxes, o tempo, o espazo, o silencio.
– Debater, ler, compartir buscando o verso e o reverso.

TEMAS:
– Descubrir/redescubrir as palabras.
– Atrapar as ideas.
– Camiñar entre o abstracto e o concreto.
– Traballo de ritmos e tonos.
– De John Cage ao lenzo en branco.
– A personalización do tema.
– Entre o eu e os personaxes.
– O tempo da acción.
– O conflito.
– A presenza do adxectivo.
– Metáforas.
– Tallar un texto: como Miguel Anxo dentro do bloque… atopar a escultura.
– Do literario ao interdisplinar: materializándonos a través das palabras pero tamén a través das imaxes, a pintura, a fotografía, a música, o cine…
– Comentario e lecturas de textos de diferentes autores e autoras referentes da literatura contemporánea galega e internacional.

OBSERVACIÓNS:
– Cada alumn@ terá dereito a unha titoría personalizada.
– Ao finalizar o obradoiro haberá a posibilidade de realizar unha mostra.

Datas: todos os martes entre o  25 de febreiro de 2014 e o 13 de maio de 2014.
Horario: de 19:00 a 21:00 horas (30 horas en total).
Lugar: aula de obradoiros de NORMAL.
Prezos: 35€ comunidade universitaria da UDC (25€ en segunda matrícula) / 55€ público xeral (45€ en segunda matrícula)
Créditos solicitados: 2 créditos libre elección (plans antigos), 1 crédito recoñecemento (plans novos)
Participantes: un mínimo de 8 e un máximo de 15 persoas.
O prazo de matrícula e pagamento comprende desde o día 1 até o 15 de febreiro. Pode facerse directamente nesta plataforma en liña, seguindo estas instrucións:
• elixa o obradoiro no que quere inscribirse.
• prema en “ver máis”.
• siga a ligazón “inscrición”.
• seleccione o xeito de pagamento e confirme.

Máis información en:
NORMAL. Espazo de intervención cultural da UDC. Paseo de Ronda 47, A Coruña.
TF: 981 167 000, extensión 4502 Mail: info@istoenormal.org
Área de Cultura. Casa do Lagar, Campus de Elviña, A Coruña.
TF: 981 167 000, extensións 1954 e 1962 Mail: cultura.coruna@udc.es

A Coruña: obradoiro O ollo da arte (II), dirixido por Antía Otero

Publicado o por

O ollo da arte II, obradoiro impartido por Antía Otero, propón coñecer, descubrir e valorar o feito contemporáneo e a creación actual a través dunha mirada propia. Se tes unha idea, un proxecto artístico no que leves tempo pensando, un bosquexo que che bule na cabeza… e queres participar nun proceso compartido entre máis persoas con inquietudes comúns… ou se non tes nada pensado, pero posúes inquietudes artísticas e ganas de deixarte levar polo proceso e a deriva…. O ollo da arte II é un laboratorio de creación que está pensado para iso.
Empregando a práctica, ferramentas que nos axuden a colocarnos na propia experiencia artística, xerando dinámicas de grupo nas que tod@s sexamos creadoras e espectadores a un tempo e marcando un plan de traballo, dende a primeira xornada teremos a oportunidade de colocarnos na pel d@ outr@ e de acompañarnos nos procesos partindo dunha vía de traballo personalizada para cada participante.
Ao longo do laboratorio teremos a visita de dous creadores que traballen en activo e que se achegarán a NORMAL para compartir co alumnado as súas experiencias, guiar os proxectos e aportar novas ferramentas.

OBXECTIVOS:
– Presenciar – Escoitar – Poñerse na pel do outr@ – Materializar – A deriva.

METAS:
– Participar en actividades cooperativas e dinámicas de grupo.
– Abrir vías de percepción empregando a experimentación e a imaxe como material de traballo.
– Materializarnos a través das palabras, do concepto e da imaxe.
– Ser o máis conscientes posible do acto creativo e das ferramentas das que dispoñemos para chegar a el.

TEMAS:
– A mirada: o retrato, o autorretrato, o voyeur, a identidade.
– O espazo : físico, recreado, mental, conceptual, trans, performance.
– O son: o silencio, a presencia.
– O corpo : denuncia, soporte, espido, obxecto, o propio material.
– O efémero/ o residuo.
– Contar: a ocultación, a desocultación, a familia.
– O público/ o privado/ a ventá/ o escaparate/a cortina/ eu-o outro.
– O collage contemporáneo.
– Vídeo: found footage, collage, live cinema.
– Outras escritas.

ORGANIZACIÓN:
– Lecturas / conversas.
– Teoría / exercicios prácticos na aula e na rúa individuais e en grupo.
– Visita(s) de outros creadores.
– Folla de ruta persoal.

Datas: todos os luns entre o 24 de febreiro de 2014 e o 12 de maio de 2014.
Horario: de 19:00 a 21:00 horas (30 horas en total).
Lugar: CUBO de NORMAL.
Prezos: 35€ comunidade universitaria da UDC (25€ en segunda matrícula) / 55€ público xeral (45€ en segunda matrícula)
Créditos solicitados: 2 créditos libre elección (plans antigos), 1 crédito recoñecemento (plans novos)
Participantes: un mínimo de 8 e un máximo de 15 persoas.
O prazo de matrícula e pagamento comprende desde o día 1 até o 15 de febreiro. Pode facerse directamente nesta plataforma en liña, seguindo estas instrucións:
• elixa o obradoiro no que quere inscribirse.
• prema en “ver máis”.
• siga a ligazón “inscrición”.
• seleccione o xeito de pagamento e confirme.

Máis información en:
NORMAL. Espazo de intervención cultural da UDC. Paseo de Ronda 47, A Coruña.
TF: 981 167 000, extensión 4502 Mail: info@istoenormal.org
Área de Cultura. Casa do Lagar, Campus de Elviña, A Coruña.
TF: 981 167 000, extensións 1954 e 1962 Mail: cultura.coruna@udc.es

A Coruña: obradoiro de iniciación á creación literaria, dirixido por Alfredo Ferreiro e Tati Mancebo, desde o 31 de outubro

Publicado o por

Alfredo Ferreiro e Tati Mancebo dirixen un obradoiro de iniciación á creación literaria na Normal (Paseo de Ronda, 47), da Coruña, a partir do 31 de outubro.
“Somos moitas as persoas que nos marabillamos coa aparente sinxeleza das mellores obras literarias. Esas obras que logran emocionarnos sen que acabemos de saber ben por que e nas que intuímos que o autor usou unha fórmula persoal para escribir sobre un tema, elaborar un argumento e plasmalo nun discurso literario no que non sobra nin falta unha palabra. Sabemos, ao mesmo tempo, que para escribir algo así non abonda con elaborar unha boa redacción, senón que ademais é preciso imbuír de maxia as palabras.
Neste curso de creación literaria partiremos desde o primeiro momento de casos prácticos que nos axudarán a descubrir que a maxia da literatura non é un misterio insondable, senón que obedece a recursos concretos que un lector atento pode converter en propios. Nesta liña, os participantes estarán a traballar constantemente nas súas propias creacións literarias e poderán enmarcalas no xénero da súa preferencia. O curso constará nunha sesión de unha hora e media por semana.
Prácticas e contidos:
– As sesións serán prácticas desde o inicio.
– Fomentaremos a ollada persoal na interpretación das obras literarias.
– Traballaremos para descubrir as mellores cualidades persoais.
– Atenderemos as preferencias estéticas de cada participante.
– Algunhas das prácticas poderán ser: escritura automática, cadáver exquisito, poema e relato colectivos, relato sobre unha historia familiar ou anécdota real, relato fantástico, textos paródicos, microrrelatos, haikus, poemas de ocasión, temáticos, etc.
– Distinguiremos os diversos elementos do discurso: a estrutura do argumento, os puntos de vista, as personaxes, as descricións, as comparacións e as metáforas, así como a sonoridade do discurso e a precisión do vocabulario, entre outros aspectos.
– Coñeceremos os erros máis comúns, como a redundancia, o exceso de retórica, o plaxio, etc.
Os materiais básicos necesarios son: intuición, vontade, ferramentas de escritura persoal, tempo, improvisación, sensibilidade e paciencia. Poderase crear un blog onde se podan compartir privada e/ou publicamente os traballos dos participantes, segundo a vontade individual.

Datas: xoves desde o 31 de outubro de 2013.
Horario: de 18:00 a 19:30 horas (30 horas en total).
Lugar: aula de obradoiros de NORMAL.
Prezos: 35€ comunidade universitaria da UDC (25€ en segunda matrícula) / 55€ público xeral (45€ en segunda matrícula)
Créditos solicitados: 2 créditos libre elección (plans antigos), 1 crédito recoñecemento (plans novos)
Participantes: un mínimo de 8 e un máximo de 15 persoas.
O prazo de matrícula e pagamento comezou xa. A autoliquidación realizarase nas oficinas da Área de Cultura en NORMAL.

Máis información en:
NORMAL. Espazo de intervención cultural da UDC. Paseo de Ronda 47, A Coruña.
TF: 981 167 000, extensión 4502 Mail: info@istoenormal.org

A Coruña: obradoiro O ollo da arte, dirixido por Antía Otero

Publicado o por

O ollo da arte é un obradoiro de creación artística contemporánea impartido por Antía Otero, onde as persoas participantes poderán coñecer, descubrir e valorar o feito contemporáneo e a creación actual a través dunha mirada propia. Para participar non se precisa ningunha experiencia previa e está destinado a todas as persoas que están interesadas no feito artístico, xa sexa desde o punto de vista do espectador como da acción. Neste obradoiro crearase un espazo de convivencia ao redor da teoría e da práctica propoñendo ferramentas que axuden ao descubrimento do propio proceso artístico e fomentando o desenvolvemento das capacidades e habilidades artísticas de cada participante. Buceando en disciplinas moi diversas que van desde a fotografía ao collage, ou do video á arte urbana, pasando por outras como a performance ou o cinema experimental, en O ollo da Arte plantexamos un programa aberto que, dividido en sesións teóricas e prácticas, nos permita ampliar referentes sendo máis conscientes do acto creativo, da experiencia, do debate e da aprendizaxe grupal.
Tod@s aqueles e aquelas que cursen O ollo da Arte I no primeiro cuadrimestre poderán continuar a experiencia no Ollo da Arte II. Laboratorio de Creación durante o segundo cuadrimestre. Entre outras cuestións, afondaremos nos contidos iniciados na primeira parte e plantexarase un laboratorio de creación, coa fin de crear un marco idóneo no que cada participante poida transitar os seu propio proceso artístico. Os traballos resultantes serán presentados a finais de xullo nunha Mostra aberta ao público en NORMAL.
Pódese coñecer un pouco máis de preto o universo de O ollo da Arte a través deste vídeo…

Datas: todos os luns entre o 14 de outubro de 2013 e o 10 de febreiro de 2014.
Horario: de 19:00 a 21:00 horas (30 horas en total).
Lugar: aula de obradoiros de NORMAL.
Prezos: 35€ comunidade universitaria da UDC (25€ en segunda matrícula) / 55€ público xeral (45€ en segunda matrícula)
Créditos solicitados: 2 créditos libre elección (plans antigos), 1 crédito recoñecemento (plans novos)
Participantes: un mínimo de 8 e un máximo de 15 persoas.
O prazo de matrícula e pagamento comprende desde o día 18 de setembro até o 7 de outubro. Pode facerse directamente nesta plataforma en liña, seguindo estas instrucións:
• elixa o obradoiro no que quere inscribirse.
• prema en “ver máis”.
• siga a ligazón “inscrición”.
• seleccione o xeito de pagamento e confirme.

Máis información en:
NORMAL. Espazo de intervención cultural da UDC. Paseo de Ronda 47, A Coruña.
TF: 981 167 000, extensión 4502 Mail: info@istoenormal.org
Área de Cultura. Casa do Lagar, Campus de Elviña, A Coruña.
TF: 981 167 000, extensións 1954 e 1962 Mail: cultura.coruna@udc.es

A Coruña: obradoiro O ollo da arte, impartido por Antía Otero

Publicado o por

O ollo da arte é un obradoiro impartido por Antía Otero onde se pretende ofrecer unha alternativa ás aulas propiamente académicas ao redor da experimentación e da arte contemporánea. Para iso, créase un espazo de convivencia ao redor de elementos tan importantes como a mirada, a expresión e os procesos artísticos, fomentando o desenvolvemento da imaxinación, da creatividade e das capacidades e habilidades artísticas de cada un dos participantes. Botando man de disciplinas moi diversas que van dende a fotografía ao collage, ou do video á arte urbana, pasando por outras como a performance ou o cinema experimental, no Ollo da Arte plantexamos un programa que, dividido en sesións teóricas e prácticas, nos permita ser o máis conscientes posible do acto creativo e das ferramentas das que dispoñemos para chegar a el a través da experiencia propia, mais tamén do debate e da aprendizaxe grupal. Pódese coñecer o universo de O ollo da Arte a través deste vídeo…
Celebrarase todos os luns entre o 18 de febreiro e o 3 de xuño, de 18:00 a 20:00 horas, na aula de obradoiros de Normal (Paseo de Ronda, 47) da Coruña. O prezo é de 35 euros para membros da comunidade universitaria (25 euros en segunda matrícula) e 55 euros público xeral (45 euros en segunda matrícula), con dous créditos de libre elección (plans antigos) e 1 crédito de recoñecemento (plans novos). O número máximo de participantes é de 15 persoas.
O prazo de matrícula e pagamento comprende desde o día 30 de xaneiro até o día 15 de febreiro. Pode facerse directamente nesta plataforma en liña.

Máis información en:
NORMAL. Espazo de intervención cultural da UDC. Paseo de Ronda 47, A Coruña.
TF: 981 167 000, extensión 4502 Mail: info@istoenormal.org
Área de Cultura. Casa do Lagar, Campus de Elviña, A Coruña.
TF: 981 167 000, extensións 1954 e 1962 Mail: cultura.coruna@udc.es

A Coruña: performance (Retro)visor, con Antía Otero e Isaac Garabatos

Publicado o por

O xoves 22 de novembro, ás 20:30 horas, na Normal (Paseo de Ronda, 47) da Coruña, Antía Otero e Isaac Garabatos, partindo do libro (Retro)visor, publicado pola propia Antía Otero en 2010, afrontan a escenificación dos textos partindo da hibridación da escrita cunha atmosfera sonora onde conflúen o vídeo, o Live Cinema, a instalación artística e o poema obxectual. Unha proposta metaliteraria onde o xogo temporal se desdebuxa, creando unha voz monologada que se separa da propia autoría, para facerse acción e diálogo co público. Trátase dun espectáculo creado en residencia artística en Normal. A entrada é libre até completar aforamento.

A Coruña: conversa entre Xurxo Souto e Daniel Salgado sobre A literatura na música galega

Publicado o por

O luns 12 de novembro, ás 19:30 horas, na Normal (Paseo de Ronda, 47), Xurxo Souto e Daniel Salgado pechan o Espazo Escritorio desta entidade cunha conversa sobre A literatura na música galega, coordinados polo xornalista Iago Martínez.

A Coruña: Mario Regueira e Xesús Fraga conversan sobre A música na literatura galega

Publicado o por

O mércores 7 de novembro, ás 19:30 horas, na Normal (Paseo de Ronda, 47), Mario Regueira e Xesús Fraga proseguen co Espazo Escritorio desta entidade cunha conversa que versará sobre A música na literatura galega, coordinados polo xornalista Iago Martínez.

A Coruña: conversa sobre lingua, música e literatura entre Manuel Rivas e Xosé Manuel Pereiro

Publicado o por

O xoves 25 de outubro, ás 19:30 horas, na Normal (Paseo de Ronda, 47), Manuel Rivas e Xosé Manuel Pereiro inauguran o Espazo Escritorio desta entidade cunha conversa que versará sobre lingua, música e literatura en Galicia, coordinados polo xornalista Iago Martínez.

A Coruña: obradoiro O ollo da arte, a cargo de Antía Otero

Publicado o por

O ollo da arte é un obradoiro impartido por Antía Otero onde se pretende ofrecer unha alternativa ás aulas propiamente académicas ao redor da experimentación e da arte contemporánea. Para iso, créase un espazo de convivencia ao redor de elementos tan importantes como a mirada, a expresión e os procesos artísticos, fomentando o desenvolvemento da imaxinación, da creatividade e das capacidades e habilidades artísticas de cada un dos participantes. Botando man de disciplinas moi diversas que van dende a fotografía ao collage, ou do video á arte urbana, pasando por outras como a performance ou o cinema experimental, no Ollo da Arte plantexamos un programa que, dividido en sesións teóricas e prácticas, nos permita ser o máis conscientes posible do acto creativo e das ferramentas das que dispoñemos para chegar a el a través da experiencia propia, mais tamén do debate e da aprendizaxe grupal.
Celebrarase todos os luns entre o 1 de outubro e o 21 de xaneiro, de 19:00 a 21:00 horas (30 horas en total), na aula de obradoiros de Normal (Paseo de Ronda, 47) da Coruña. O prezo é de 35 euros para membros da comunidade universitaria (25 euros en segunda matrícula) e 55 euros público xeral (45 euros en segunda matrícula), con dous créditos solicitados de libre elección.
O prazo de matrícula comprende desde o día 1 ao 28 de setembro. Non hai preinscrición e a matrícula formalizarase por orde de chegada. Para constar entre os matriculados, os usuarios deberán entregar o xustificante de pagamento dentro do prazo indicado polo persoal do servizo.
Máis información aquí.