Arquivos da etiqueta: Premio Exeria Ateneo Atlántico Fundación Xoán Piñeiro

Bases do Premio Exeria Ateneo Atlántico de relato curto 2026

Publicado o por

PREMIO EXERIA ATENEO ATLÁNTICO DE RELATO CURTO 2026

1.- Prazo de presentación de orixinais dende o 1 de marzo ata o 30 de abril.
2.- Poderán participar todas as persoas maiores de idade con un só relato, que sexa orixinal, inédito e non premiado. Ha estar escrito en lingua galega, sen axuda da IA e que non fose gañador en anteriores convocatorias.
3.- O relato, mecanografado con letra tipo 12 e a dobre espazo terá unha extensión máxima de 5.000 caracteres, incluídos espazos e título.
4.- O tema será… VIGO fronteira.
5.- Establecerase un premio de 1.500 euros e unha escultura de Cuqui Piñeiro, suxeito ás correspondentes retencións fiscais.
6.- Os relatos enviaranse ao enderezo do seguinte correo electrónico: exeria@ateneoatlantico.gal
No asunto do correo figurará Premio Exeria 2026.
7.- Adxuntaranse dous documentos:
– O primeiro co relato e o título, sen ningún tipo de identificación da autoría.
– O segundo, coa plica (título do relato, nome completo do autor/a, número do teléfono e breve currículo, se o houbese).
As persoas participantes recibirán acuse de recibo do seu envío.
8.- O xurado, presidido por unha persoa de recoñecido prestixio no eido cultural, estará formado polo gañador do Premio Exeria 2025 e dúas persoas máis, designadas polo Ateneo Atlántico, ademais da secretaria do certame.
9.- O ditame do xurado e a entrega do premios terá lugar na segunda semana do mes de xuño de 2026.
10.- A participación nesta convocatoria implica a aceptación das normas contidas nas presentes bases e o compromiso do gañador/a de ser parte do xurado do certame do próximo ano, ademais do consentimento para a publicación do seu relato nunha plaquette en edición non venal a finais do 2027, xunto cos relatos gañadores dos dous anos anteriores.

Ateneo Atlántico de Vigo / Febreiro de 2026″

Vigo: entrega de Premios Exeria 2024 a Fran Fernández Davila e Soledad García Riveiro

Publicado o por

Lois Alcayde Dans e Pablo Nogueira Campo gañadores, do terceiro certame Exeria de relato curto 2023

Publicado o por

“Lois Alcayde Dans e Pablo Nogueira Campo gañadores, do terceiro certame Exeria de relato curto promovido polo Ateneo Atlántico de Vigo e a Fundación Xoán Piñeiro.
No certame Exeria deste ano 2023 presentáronse trinta relatos de estilo e temática variada. Realizadas as pertinentes deliberacións, e por maioría, o xurado decidiu outorgar o primeiro premio do 3º Certame Exeria ao orixinal titulado Lugar fermoso, valorando de xeito especial a habelencia para desvendar o dó e o loito do pasado histórico por debaixo da beleza da paisaxe e do ambiente doméstico. O relato con grande economía de medios e un ritmo narrativo áxil, desenvolve unha historia densa de contraste entre o mundo afectivo e a memoria histórica.
No tocante ao accésit, o orixinal premiado foi o titulado Nó de mariñeiro, valorando, neste caso, o arrandeo temporal que narra, con tensión crecente, un relato de soidade e vinganza, envolto en lirismo urbano.
Abertas as plicas os autores resultaron ser:
Gañador, Lois Alcayde Dans, autor de Lugar Fermoso e
Accésit, Pablo Nogueira Campo, autor de Nó de mariñeiro. Ambos autores contan cunha acreditada traxectoria literaria.
O acto de entrega dos premios (mil euros e un bronce de Cuqui Piñeiro o premiado e cincocentos euros o accésit) patrocinados polas empresas Vieirasa e Bodegas Terras Gauda, foi o martes, 13 de xuño na Escola de Artes e Oficios de Vigo e contou coa actuación da cantante MJ Pérez.”