O 
mércores 3 de novembro, ás 20:00 h., no Museo do Verbum (Casa das palabras) de Vigo, a Lonxa Literaria de Moaña presenta o libro conservas de Xosé Daniel Costas Currás, obra gañadora do XXII Premio de Poesía Eusebio Lorenzo Baleirón do concello de Dodro e publicado pola editorial Sotelo Blanco. Soledad Ríos, presidenta da Lonxa Literaria presentarán ao autor e ao proxecto cultural da Lonxa. Asistirá á presentación o mestre e poeta Anxo Angueira e deseguido o autor fará un percorrido por diferentes poemas do libro.
Arquivos da etiqueta: Sotelo Blanco Edicións
Lugo: presentación de O clamor da rebeldía. Rosalía de Castro: ensaio e feminismo, de Pilar García Negro
O 
xoves 28 de outubro, a partir das 20:00 h., no Museo de Lugo (Praza da Soidade, s/n.), preséntase a obra O clamor da rebeldía. Rosalía de Castro: ensaio e feminismo, de Pilar García Negro, publicada en Sotelo Blanco, e gañadora do XV premio Vicente Risco de Ciencias Sociais.
Sarria: Xosé Antonio Pet Posse presentou a súa novela O náufrago
(El Progreso).
EDITORES DE COMPOSTELA na Feira do Libro de Santiago
A Feira do Libro de Santiago, que o sábado se inaugura no paseo da Alameda, terá este ano como unha das súas principais novidades a presenza dun stand monográfico onde se poñerán á venda só títulos de temática local, máis de sesenta referencias de todos os xéneros (infantil, ensaio, novela, poesía…). A iniciativa partiu do recén creado grupo de traballo EDITORES DE COMPOSTELA, que empezou a funcionar este mes de abril fundado por tres empresas culturais da cidade: Alvarellos Editora, Sotelo Blanco Edicións e Edicións Positivas, e que espera integrar nas próximas datas a máis editoriais ubicadas na capital de Galicia.
Conta co apoio da Concellaría de Cultura e tamén do Consorcio de Santiago, que terá á venda no stand parte do seu fondo editorial. No stand de EDITORES DE COMPOSTELA poderanse atopar os títulos que, sobre Santiago de Compostela, ten cada unha destas editoras nos seus respectivos catálogos. Entre outros, estarán á venda os contos infantís da colección “Branco de cores” de Sotelo Blanco ou as novidades de Edicións Positivas como Abelcebú, de Carlos Negro. Alvarellos Editora presentará na Feira dúas novidades editoriais: o luns 3 ás 20 horas, Apuntes históricos sobre Santiago, de Antonio López Ferreiro, libro co-editado co Consorcio e que conmemora o centenario do falecemento deste insigne historiador; o venres 7 ás 19 horas, o audio-libro de Uxío Novoneyra Tempo de elexía.
Os responsables desta nova iniciativa cultural consideran que “pode ser atractivo para calquera compostelán ou visitante atopar, nunha soa caseta da Feira, esta ampla e tan variada selección de títulos locais, algúns deles nada doados de atopar. Por outra banda, os editores de Santiago estamos obrigados a establecer accións conxuntas para fomentar a presenza do libro e da lectura na nosa xente, e facer participar tamén nisto ás administracións”.
• Para contactar con EDITORES DE COMPOSTELA:
Paco Macías: 660 397 064
Quique Alvarellos: 609 90 88 52
Cee: presentación da antoloxía poética De Pondal ao Batallón Literario
Hoxe mércores ás 19.15 horas terá lugar o acto de presentación da antoloxía poética De Pondal ao Batallón Literario. 120 anos de poesía na Costa da Morte, editada por Sotelo Blanco en colaboración coa Asociación Neria.
A actividade terá lugar na Fundación Fernando Blanco de Cee (no paseo da Alameda), dentro da programación da Feira do Libro 2009.
Lugo: presentación dunha novela de Vicente Piñeiro sobre Ánxel Casal
Hoxe xoves 18 de xuño ás 20:15 na Galería Sargadelos (Praza de Santo Domingo, 4) de Lugo terá lugar a presentación da obra A morte dun editor. Derradeiros días de Ánxel Casal, do autor lugués Vicente Piñeiro, novela editada por Sotelo Blanco Edicións. Amais do autor do libro Vicente Piñeiro, intervirán Claudio Rodríguez Fer e Ánxela Gracián (directora da colección).
Homenaxe Nacional a Xosé Luís Méndez Ferrín
O venres 6 de febreiro terá lugar en Vigo o acto de Homenaxe Nacional a Xosé Luís Méndez Ferrín co gallo do seu 70 aniversario. Será no Auditorio do Centro Social Caixanova de Vivo (rúa Policarpo Sanz, 26) ás 20 horas e con entrada libre, e durante o mesmo presentarase o libro A semente da nación soñada. Homenaxe a X.L. Méndez Ferrín, coeditado por Sotelo Blanco Edicións e Edicións Xerais de Galicia.
Tralo acto de homenaxe haberá unha cea no Pazo Os Escudos (Avda. Atlántida 106, Alcabre, Vigo) a partir das dez da noite. Os interesados en asistir á cea deberán ingresar 35€ por persoa na conta de Caixanova número 2080 / 0065 / 36 / 0000388555, antes do 30 de xaneiro de 2009. Para acceder á cea é requisito imprescindíbel a presentación na entrada do restaurante do xustificante do pagamento.
Compostela: “Tardes coas aventuras de Paco Peco”
“Paco Peco Pequeneiro e o mundo do revés”, segundo título da colección, escrito por Xelís de Toro, e publicado por Sotelo Blanco Edicións, centra este venres e sábado as dúas sesións de “Tardes coas aventuras de Paco Peco”, campaña lúdico-didáctica que se celebrará en Area Central ata o vindeiro 29 de novembro.
Compostela: presentación do libro de María do Cebreiro Cuarto de outono
O día 8 de outubro, ás 20:00 Libraría Couceiro (Praza de Cervantes) de Santiago de Compostela, terá lugar a presentación do libro de María do Cebreiro Cuarto de outono (Sotelo Blanco, colección de poesía Edoy Leliadoura). Alén da autora do libro, intervirán no acto Xiana Arias, poeta, e Fernando Cabo, crítico literario.
Preséntase en Compostela Para dicir abril, de Xosé Vázquez Pintor
O xoves 10 de abril, ás 18:00 horas na libraría Couceiro (Praza de Cervantes) de Santiago de Compostela, presentarase Para dicir abril (Sotelo Blanco), de Xosé Vázquez Pintor. Para alén do autor intervirá Ánxela Gracián (directora da colección Medusa Narrativa).
