Compostela: Diálogos ao redor de Castelao, con Carlos L. Bernárdez

Desde a Cidade da Cultura:
“O 30 de xaneiro, ás 18:30 horas, na Aula Seminario do Museo Centro Gaiás, na Cidade da Cultura, terá lugar a conferencia de Carlos López Bernárdez Fronte da Arte. Castelao e a plástica galega durante a Guerra Civil, nos Diálogos ao redor de Castelao. A entrada é de balde, previa inscrición, aquí.”

Gondomar: faladoiro con Carlos López Bernárdez arredor de Identidade e universalidade

A sexta feira 23 de marzo, ás 20:00 horas, na Libraría Libraida (Rosalía de Castro, 13), en Gondomar, terá lugar un faladoiro con Xosé Carlos López Bernárdez arredor do seu ensaio Identidade e universalidade. Lecturas de pintura galega, publicado por Laiovento. O acto estará presentado por Pepe Pintado e Carlos Méixome.

Carlos López Bernárdez: Identidade e universalidade. Lecturas de pintura galega

Desde o Diario Cultural da Radio Galega:
Xosé Carlos López Bernárdez presenta o volume Identidade e universalidade. Lecturas de pintura galega, que publica Laiovento. Pode escoitarse a entrevista aquí.”

Vigo: Un avant-goût de modernidade, conferencia de Xosé Carlos López Bernárdez

O xoves 25 de xaneiro, ás 20:30 horas, na Biblioteca da Alliance Française de Vigo (Rúa República Arxentina, 22), Xosé Carlos López Bernárdez pronunciará a conferencia Un avant-goût de modernidade. A estancia de Robert e Sonia Delaunay en Vigo.

Vigo: presentación de Libro dos lugares, de Antón Patiño

O xoves 28 de decembro, ás 20:00 horas, en Detrás do Marco (Rúa Londres), en Vigo, Antón Patiño presenta Libro dos lugares. No acto participan, xunto ao autor, Graciela Baquero Ruibal, X. Carlos López Bernárdez e Xabier Romero, da Editorial Elvira.