O xoves 14, ás 20:00 horas, terá lugar a presentación d’ O paraíso das sombras, de Cesáreo Sánchez Iglesias. Será na Galería Sargadelos de Ferrol, onde acompañarán o autor Eva Veiga e Tucho Calvo.
Arquivos mensuais: Xaneiro 2010
Ana Paula Laborinho é a nova presidenta do Instituto Camões
A docente universitária Ana Paula Laborinho toma posse segunda-feira (=11 de xaneiro) como presidente do Instituto Camões (…)
Luís Amado justificou a escolha por a docente ser “uma pessoa de reconhecida competência, que tem uma experiência no sector”, apontando, ainda, a sua ligação ao Instituto Português do Oriente (…) A investigadora do Centro de Estudos Comparatistas da Faculdade de Letras da Universidade de Lisboa é “uma personalidade que nos dá garantia de ser uma boa gestora do Instituto Camões”. Isto num momento em que o Instituto “entra numa nova fase, com uma nova lei orgânica e com a responsabilidade de implementar uma nova estratégia para a afirmação da língua portuguesa no mundo”.
A docente universitária, de 52 anos, tem dedicado a sua carreira a história da Língua Portuguesa no mundo, desde os Descobrimentos à literatura colonial, dando particular destaque à posição do português no Extremo Oriente. A nova directora viveu em Macau (em dois períodos diferentes, num total de onze anos), onde foi responsável pelo Instituto Português do Oriente.
Noticia publicada en <a href="http://www.publico.pt/Pol
A Coruña: presentación de Once máis 15
Edicións do Cumio presenta este venres 15 no Fórum Metropolitano da Coruña o espectáculo poético-musical Once máis 15, libro-CD froito da unión entre once poetas galegos de todos os tempos e quince grupos da escena musical actual. Versos que van dende Rosalía e Curros ata Antón Lopo e Daniel Salgado convértense en cancións por virtude dun elenco variado de músicos no que conviven a electrónica, o pop, o rock de diversa inspiración e case todos os estilos imaxinables.
O libro recolle as versións orixinais dos poemas, aquelas que serviron como punto de partida para as composicións dos músicos, así como pequenas biografías dos autores. Por parte dos músicos, a edición aporta imaxes das bandas e textos que os presentan.
No concerto no Fórum, dentro do ciclo Espazo Aberto, presentará o proxecto coas actuacións de Elanor, Xurxo Mares e Miguel Alonso. O concerto será o venres 15 de xaneiro ás 20 h e o prezo das entradas será de 3 euros.
IV Encontro de Nov@s Escritor@s: resumo da Mesa 1 (vídeo)
Santiago: encontro con Fina Casalderrey
O clube de lectura Gálix Tendendo redes convoca para o vindeiro mércores 20 de xaneiro un encontro-coloquio con Fina Casalderrey arredor da súa novela A pomba e o degolado. A presentación da autora corre a cargo de Miguel Vázquez Freire. Será entre as cinco e as sete da tarde, no Consello da Cultura Galega (Pazo de Raxoi, s/n) en Santiago de Compostela.
A Real Academia Galega rexeita o borrador do decreto
Segundo informa hoxe El País, a Real Academia Galega dedicou o primeiro plenario do ano a falar do borrador do decreto de educación. Os académicos amosaron de maneira unánime a súa disconformidade co texto. Unha comisión de estudio formada por Xosé Luís Axeitos, Víctor Freixanes, Manuel Rivas, Francisco Fernández Rei e Xesús Ferro Ruibal preparará nos próximos días un documento resumo das valoracións da Academia, que será votado a finais desta mesma semana nunha nova reunión do plenario.
A Coruña: conferencia de Gustavo Martín Garzo
O escritor vallisoletano Gustavo Martín Garzo, Premio Nacional de Narrativa por El lenguaje de las fuentes e Premio Nacional de Literatura Infantil e Xuvenil por Tres cuentos de hadas, impartirá hoxe no MACUF unha conferencia co título A fráxil existencia. A cita é o martes 12 de xaneiro ás 20:00 horas, con entrada libre.
Entrevista a María Xosé Queizán: “Unha cousa é aprender idiomas e outra é perder o propio”
A idea lanzada desde instancias españolistas contra as outras linguas peninsulares, e esa falacia de que corría perigo o español, callou en mentalidades obtusas e conservadoras. De aí nace Galicia Bilingüe, que realmente aspira á Galicia monolingüe. Este brodio encontra un caldo de cultivo excelente no novo PP galego, que ten os ollos postos en Madrid. De non ser así, decataríanse que non pode existir unha Xunta de Galicia de non haber unha nación con estrutura e lingua propia. Como se pode dirixir unha Galicia trilingüe? Unha cousa é aprender idiomas e outra é perder o propio e equiparalo ao resto das linguas.
Entrevista de Manuel Vidal Villaverde a María Xosé Queizán. Ler entrevista completa en Galicia Hoxe.
O futuro da lingua é hoxe, suplemento do Xornal de Galicia
O suplemento Contexto do Xornal de Galicia dedicou onte as súas páxinas ao futuro da lingua. Deixámosvos aquí as ligazóns aos seus artigos:
Lingua e autonomía: a lenta forxa do consenso
Da convivencia á ‘guerra’ docente
Entrevista a María Reimóndez: “A pobreza é un sistema político”
Que desfeitas viviu vostede?
Pois en concreto un, cando foi o tsunami, porque as persoas que tomaban as decisións non tiñan nin puñeteira idea de onde estaban a traballar. Nós coordinámonos co goberno e coas organizacións que facían campañas de vacinacións, etc. E vimos a desfeita de quen non se coordinou en absoluto, vacinou varias veces, distribuíu cousas innecesarias, compresas que ningunha muller sabía usar, porque empregan trapos, e moitas outras cousas. É un gasto de cartos e, moito máis grave, unha falta de respecto porque no momento en que unhas persoas se vén nunha situación tan vulnerábel teñen que restituír a súa capacidade de decisión.Pódese axudar a cambiar o mundo desde unha organización como Implicad@s?
Nós levamos doce anos demostrando que si. Os impactos pódense medir de moitas maneiras, pódense medir nos países do sur, nos lugares onde traballamos, dunha forma tanxíbel. Ao cabo deste tempo traballamos aproximadamente con duascentas trinta mil persoas e os cambios na vida de cada unha delas creo que xa pagan a pena o esforzo. Pero a parte diso, desde a filosofía máis fidedigna da organización, para nós tamén é realmente importante é facer o cambio aquí, porque son as nosas maneiras de pensar e de actuar as que están causando a pobreza.
Ler entrevista completa a María Reimóndez en El Correo Gallego.
