Arquivos do autor: asociacionescritoras-es

Compostela: visita guiada ao Panteón de Galegos Ilustres, guiada por Xoán Costa, organizada pola A. C. O Galo, o 5 de outubro

Publicado o por


“A A. C. O Galo convídate á visita guiada ao PANTEÓN DE GALEGOS ILUSTRES. Podedes levar a 1 acompañante.
Actividade: Visita guiada ao PANTEÓN DE GALEGOS ILUSTRES
Data e hora: Sábado, 5 de outubro de 2024, ás 11:55h.
Guía: Xoán Costa, profesor de ensino medio que escribiu varios estudos sobre este panteón.
Lugar de encontro: convento de S. Domingos de Bonaval. Na entrada ao Museo do Pobo Galego (Compostela).
Tedes que anotarvos poñendo nome, dous apelidos e número do DI, voso e de quen vos acompañe, enviando un email a comunicacion@ogalo.gal antes do xoves 4 de outubro ás 14h. Esa tarde avisarase ás persoas obtiveron prazas.

Na visita saberemos como se xerou e converteu nunha realidade o Panteón de Galegos Ilustres, ollaremos os seus enterramentos e teremos explicacións arredor das personaxes que nel descansan. Entre elas están figuras de tanto relevo para a cultura ou a política galega, como o xeógrafo Fontán, a escritora Rosalía de Castro, o escultor Asorey ou o político e artista Castelao.”

Bonito pra chover. Festival de arte e cultura brasileira en Santiago de Compostela. Euterpe na Sala Moon

Publicado o por

Bonito pra chover é un Festival de arte e cultura brasileira en Santiago de Compostela, con diversas actividades que terán lugar durante o mes de outubro e inicios de novembro de 2024. A AELG colabora con esta actividade co apoio de CEDRO.

Bonito pra chover é uma expressão nordestina para quando o dia amanhece nublado. Desse céu cai fartura, o ipê floresce, a cisterna enche d’água. No Nordeste a chuva é arte. Igual que em Compostela quando chove. E dessa vez, com o Festival Bonito Pra Chover, vai chover arte e cultura brasileira. Aqui chove poesia, música, fotografia, pintura e cinema. Também chove arte gastronômica em Santiago de Compostela.
Este é um espaço criado para trocas culturais, como uma homenagem da comunidade brasileira ao país que nos acolheu, essa Galícia/Galiza diversa, aberta ao mundo, com sotaques que veem de muitos lados. O próprio Bonito Pra Chover também é diverso. Concebe o Brasil que não sai na mídia. Trazemos artistas de distintas origens e de várias linguagens. Dançaremos, cantaremos, declamaremos com diversos sotaques. Teremos oportunidade de conhecer pratos variados e também, aprender a cozinhar com artistas.
Assim, o Festival Bonito Pra Chover busca o intercâmbio, as aprendizagens e oferecer um pouco mais do calor brasileiro no aconchego da Galiza.

As actividades do Festival poden consultarse nesta ligazón.

A Coruña: Roteiro “Historias ocultas da música popular”, con Xurxo Souto

Publicado o por

Desde a A. C. Alexandre Bóveda:
“Aínda que hoxe parezan ficar en silencio, as rúas da Coruña son protagonistas na historia da música popular galega: Dende a creación dos grandes coros até a revolución das pandeireteiras. Só cómpre comezar a camiñar –escoitar con atención– e as cantigas comezarán a agromar por todos os currunchos.
Percorreremos algunhas das rúas da Coruña desde a Pescaría a Monte Alto da man de Xurxo Souto, profesor, escritor, músico e sempre animador de proxectos culturais, o 4 de outubro a partir das 19:00 h.
O punto de saída será xunto á igrexa de Santo André, ao lado do cruceiro.
A inscrición pode realizarse aquí.”

Ciclo de conferencias sobre Literatura Infantil e Xuvenil 2024

Publicado o por


A AELG colabora no Ciclo de conferencias sobre Literatura Infantil e Xuvenil, organizada pola Universidade da Santiago ao abeiro do convenio coa Secretaría Xeral da Lingua.

Esta actividade enfócase como continuación dos Cursos de Formación. Os camiños nas narrativas literarias e artísticas da Literatura Infantil e Xuvenil, dado que desde 2020 non se levaron a cabo no seu formato habitual anterior.
Está orientada á formación do futuro profesorado de Educación Infantil e Primaria, e a todo tipo de mediador/a, no seu quefacer profesional no marco de ámbitos básicos como son a formación artístico-literaria e a comprensión e expresión escrita e lectora.

Terán lugar estes tres encontros:

– O 22 de outubro, de 16:00 a 19:00 horas, na Aula 14 da Facultade de Ciencias da Educación (Campus Norte) da Universidade de Santiago de Compostela: O tratamento do espazo na Literatura Infantil e Xuvenil galega, con Ánxela Gracián.

– O 28 de outubro, de 12:00 a 13:30 horas, na Aula 52 da Facultade de Ciencias da Educación (Campus Norte) da Universidade de Santiago de Compostela: O álbum ilustrado e a animación á lectura na LIX galega, con Carmen Ferreira.

– O 29 de outubro, de 19:00 a 20:30 horas, na Aula 1 da Facultade de Ciencias da Educación (Campus Norte) da Universidade de Santiago de Compostela: Escribir coa memoria prestada: a influencia da literatura oral galega na Literatura Infantil e Xuvenil, con Ánxela Gracián.