Arquivos do autor: asociacionescritoras-es
Ourense: presentación de Diarios (1938 e 1945), de Syra Alonso
A AELG manifesta o seu profundo pesar polo pasamento do seu socio Manuel Caamaño Suárez
Manuel Caamaño Suárez, escritor, arquitecto técnico e grande activista cultural, faleceu o 5 de abril. Na súa traxectoria, marcada pola posta en valor da arquitectura popular e o seu compromiso político, destaca tamén a dinamización da cultura galega a través da súa participación significativa no Centro Galego de Barcelona, a Agrupación Cultural O Facho, Editorial Galaxia, SEPT, Sociedade Cultural Escola Aberta, ADEGA, Fundación Castelao, as revistas Teima e Tempos Novos e a Fundación Pedrón de Ouro, sendo tamén un dos fundadores do Partido Socialista Galego.
Na páxina web da AELG poden verse as entrevistas e obra lida polo autor na súa propia voz, das que salientamos estas dúas entrevistas realizadas en 2022. A súa obra escrita xirou arredor da reivindicación e actualización da arquitectura galega e a teimosía afectuosa e constante na construción dun país máis xusto e identificado consigo mesmo.
O seu exemplo vital, sempre na busca de novos horizontes para Galiza e a súa cultura partindo do seu inmenso legado, queda como referencia ineludíbel para o presente e o futuro.
Ferrol: presentación de A lei do mar, de Manuel Esteban
Compostela: presentación de Be Water II. Terra, de Antía Yáñez
María Solar fala sobre a súa novela As malas ideas en Nós TV
Pontevedra: XLII Semana Galega de Filosofía, do 6 ao 10 de abril
A entrada é libre e gratuíta. O público interesado en obter certificación das 20 horas homologadas pola Consellaría de Educación para formación do profesorado pode matricularse nesta ligazón.
XXXV Xornadas de Lingua e Literatura, en Compostela, o 18 de abril
Vilarelho da Raia: Mercado do Livro na Raia 2026
MERCADO DO LIVRO NA RAIA
“O Mercado do Livro na Raia é um evento cultural dedicado à promoção da leitura e do livro, enquanto instrumentos de conhecimento e valorização pessoal. Também tem por objetivo preservar a identidade raiana (galaica-portuguesa), aproximar autores, leitores, famílias, escolas e agentes culturais.
Além da experiência cultural de aprendizagem e partilha, há espaço para apresentação de livros, atividades para crianças, momentos de animação musical e gastronomia, proporcionando um ambiente dinâmico, acolhedor e aberto a todas as idades.
O Centro Cultural de Vilarelho da Raia convida toda a comunidade a participar e a celebrar o livro como um bem cultural, essencial para o desenvolvimento pessoal e coletivo.
Organização do Centro Cultural de Vilarelho da Raia, com o apoio da Aira editorial e Antela editorial (Galiza) e Livraria Traga-Mundos (Portugal).
PROGRAMA
10h00 – Abertura do Mercado do Livro na Raia – participam com bancas de livros: Aira editorial, Antela editorial, Fundación Vicente Risco, da Galiza, Livraria Traga-Mundos, Associação Aquae Flaviae e Centro Cultural de Vilarelho da Raia, de Portugal.
10h00 / 11h00 – instala-se uma banca de polvo à galega, para degustar no local e/ou take-away;
11h30 – actuação de gaiteiros galegos;
12h30 – oferta de caldo verde, por parte do Centro, na hora do almoço;
15h00 – atelier de banda-desenhada para crianças: introdução à banda-desenhada com a criação de tiras, por Antela editorial;
17h00 – apresentação de Miquits de Alba de Evan, Xabier Domínguez e Paula Cheshire, banda-desenhada galega em português, da Antela editorial, por Sílvia Alves com os autores / editores.
18h30 – actuação do Grupo de Cantares do Centro Cultural de Vilarelho da Raia
20h30 – encerramento
nota: bar aberto das 10h00 às 20h30 no Centro, como habitualmente, para qualquer um beber algo e/ou petiscar.”
Máscaras e ambición: Fernández Mallo explora a xungla do mundo empresarial
Entrevista de Manuel Xestoso a Marcelino Fernández Mallo en Nós Diario:
“A delegación dunha multinacional vive un ambiente de máxima tensión e desconfianza. Tras un brusco cambio no organigrama da dirección comezan a darse movementos estraños que desembocan en secuestro e asasinatos. A última novela de Marcelino Fernández Mallo, Cen Ilíadas (Toxosoutos), sitúa no mundo da empresa un thriller que presenta o 25 de marzo na Libraría Couceiro de Compostela, acompañado de María Obelleiro e Lourenzo Fernández Prieto.
Fernández Mallo, un economista cunha longa traxectoria literaria, recoñece, en conversa con Nós Diario, que a súa carreira profesional en diferentes sectores empresariais influíu na creación dos perfís e vicios que retrata na novela. “Indubidabelmente. Todo exercicio de ficción parte sempre dunha base real. Neste caso, a identificación é clarísima por dúas vías fundamentais: o escenario, que é o da multinacional –coas súas estratexias e relacións complexas coa administración– e a riqueza de perfís humanos cos que tratei”.
Eses perfís humanos reflicten personalidades moi específicas que se definen pola súa posición na xerarquía da empresa, porque esta “ten tantos postos e funcionalidades que as distintas personalidades emerxen desde o máis fondo. Iso é moi enriquecedor para un escritor e trasládase aos personaxes, que están moi marcados polo que eu defino como un teatro de aparencias”.
Un teatro de aparencias que provoca unha dualidade entre o perfil profesional e persoal das personaxes. “Esa dualidade é visíbel desde o primeiro contacto que tes con esta xente. Teñen un modo de comportarse na casa ou cos amigos, pero poñen unha máscara no momento en que pisan a oficina. Alí teñen obxectivos moi específicos e o seu primeiro propósito, por riba de calquera outro, é sobrevivir”. (…)”
